|
ارجو النصح والمساعدة يااهل الخبرة في امريكا 🌹 السلام عليكم ورحمة الله وبركاته كيف الحال إن شاء الله بخير هذي أول مشاركة لي أخوان معاكم وإن شاء الله تعالى ما تكون الاخيره وافيد ونستفيد من بعض إن شاءالله استفساري الله يسعدكم أنا إن شاء الله طالع أمريكا يوم 12 جولاي لمدة 16 يوم علما احنا عائله مكونه من انا وزوجتي و3 اطفال اكبرهم 14 سنة … حاط في بالي إني اتوجه من جدة الى اورلاندو ثم بالسيارة الى فلوريدا ثم بالسيارة الى ميامي ثم بالطيارة الى سان انطونيو اولا هل اختياري للمدن مناسب للتمشية ثانيا حاب أعرف كم أقضي في كل مدينة ثالثا هل يحتاج مكتب سياحي يعمل لي الحجوزات من طيران وفنادق ولا اقدر اعملها بنفسي رابعا رخصة السواقة هل تمشي الرخصة السعودية ام لازم دولية؟؟ وهل في اشياء ممنوع حملها من ادوية واجهزة الكترونية وبور بانك وغيره في الشنط لاني ما ابغى اي مشاكل معاهم في المطار 😅😅 اعتذر على الاطالة والهرج الزايد مع اول مشاركة و شاكر لكم تعاونكم مقدما 😘🌹🌹 |
و عليكم السلام و رحمة الله و بركاته ... حياك الله يا أبو نبيل ... و أن شاء الله تجد الفائدة و المتعة معانا و تفيد و تستفيد بأذن الله أول ملاحظة عندي أو أستفسار هو عن مدينة سان انطونيو الملاحظة الثانية الله يحفظك هي على المدة بصراحة من تجارب كثيرة في أمريكا 16 يوم قليلة عليها و لكن عاد لكل واحد ظروفه نرجع لأستفساراتك: حاط في بالي إني اتوجه من جدة الى اورلاندو ثم بالسيارة الى فلوريدا وصولك إلى مطار أورلاندو يعني أنك وصلت ولاية فلوريدا ثم بالسيارة الى ميامي من أورلاندو إلى ميامي حوالي 3 ساعات بالسيارة ثم بالطيارة الى سان انطونيو هل تقصد سان انطونيو اللى في تكساس ؟ لأن فيه مدينة سان انطونيو في فلوريدا أيضاً اولا هل اختياري للمدن مناسب للتمشية أدخل على اليوتيوب و أبحث عن الفعاليات في ميامي و بعدها قرر تضيفها أو لا!! بس أورلاندو تستحق على الأقل أسبوع و يمكن ما تكفي علشان فعاليات الترفية اللى فيها ثالثا هل يحتاج مكتب سياحي ما يحتاج صدقني المبلغ اللى بيأخذه المكتب السياحي أنت أولى ترفيه فيه على نفسك و عيالك و الآن أصبح كل شئ متوفر بالنت من يوم تطلع من بيتك إلى أن ترجع رابعا رخصة السواقة هل تمشي الرخصة السعودية ام لازم دولية؟؟ في كل المرات اللى زرت فيها أمريكا أخرها قبل 6 شهور مستخدم الرخصة السعودية و ماشية تمام مقبولة بالنسبة للأشياء اللى تحملها معاك مهم إذا أطعمة يكون معلبة و عليها تاريخ صلاحية الباوربانك خذه معاكم بالشنطة اللى بتدخل فيها بالطائرة لا تحطها في الشحن و الحمد لله ما فيه مشاكل أمورك سهالات بالتوفيق و رحلة سعيدة أن شاء الله |
مرحبا .. اذا بتوصل دايريكت الى اورلاندو في حلين اما توصل عن طريق طيران الامارات او البريطانية بعدها ارشح لك تروح الى نيويورك والعودة من نيويورك الى بلدك بحيث تزور اورلاندو 11 يوم وباقي الايام نيويورك على فكرة تقدر من اورلاندو زيارة تامبا فيها حديقة حيوانات اجلكم الله و ليغو لاند وكذلك تقدر زيارة ميامي |
سان انطونيو تكساس؟ اذا نعم، اعذرني على السؤال بس وش اللي حادك عليها اذا ماعندك معارف هناك جو تكساس في جولاي أليم مانصح صراحة أنا اقول حدد انشطتك وفعالياتك وان شاء الله نشوف لك وجهة ثانية افضل اذا حاب |
اشكر الاخوان اللي ردوا انا ماعندي وجهة مجبور عليها هدفي من الرحلة المتعة العائليه عشان كذا اخترت اورلاندو وميامي ايش ممكن اضيف لها من مدن ممتعه تستحق الزيارة انا قلت اروح سان انتونيو عشان مدينة العاب سكس فلاجز والمدينة المائية |
اقتباس:
حياك الله أبو نبيل ... طالما الهدف من الرحلة المتعة للعائلة فأنت أخترت ولاية فلوريدا و التي تعتبر وجهة الترفية الأولى عالمياً و عندك كل أنواع الترفية فيها مدن ملاهي كثيرة منها: عالم ديزني لاند (4 مدن ترفيهية) Disney's Animal Kingdom Theme Park Epcot Magic Kingdom Disney's Hollywood Studios و يوجد أيضاً تابع لـ ديزني لاند ملاهي مائية: Disney’s Blizzard Beach Water Park و بالأضافة إلى عالم ديزني يوجد ملاهي ضخمة و متنوعة أهمها و أجملها Universal Studios و معاها Universal Islands of Adventure و أضف لذلك ملاهي مائية جميلة Sea World ,و الكثير جداً من مدن الترفية في فلوريدا بتغنيك عن تضيع وقت الرحلة في الأنتقال إلى مدن أخرى بحثاً عن الترفية ... |
اخي ابو معتز الله يكرمك ويسعدك على المعلومات الجميلة استفدت منك كثير تحديدا الاماكن اللي ازورها شكرا لك حسن تعاونك 😘😘 |
| الساعة الآن 08:12 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO