|
رحلتي الى لوس انجلوس من تاريخ 23 يناير الى 1 فبراير احتراج معلومات ونصايح السلام عليكم رحلتي الى لوس انجلوس من تاريخ 23 يناير الى 1 فبراير احتراج معلومات ونصايحكم جدول والمدن للي ازورها حجزت سيارة من يورب كار ولكن متردد لان ما طلع لي تامين هل هي شاملة طلعت سعر 437 دولار 7 ايام كاتبين يقولو خذ السيارة من وكيلنا FOX RENT A CAR ما اعرف وش وضعه افكر اخذ سيارة من تطبيق turo ارخص وافضل سيارات هل تنصحو اروح سان فرانسيسكو او اي مدن قريبة انا لوحدي ما في احد معي التذكرة سفر تم حجزه السفرة من الرياض الى لوس انجلوس ترانزيت جدة والرجعة نفسها تكلفة 50000 الف ميل + 1315 ريال |
وعليكم السلام برأيي صعب تستأجر من تطبيق Turo والأفضل من شركات عالمية مضمونة لكي لا تدخل في أي مشاكل من ناحية التأمين وغيره راح يكون واضح لك عند الحجز نوعية التأمين المشمول واذا عندك شك ممكن ترسل ايميل للشركة أو تتواصل مع وكيلهم هنا في السعودية ممكن تزور سان دييقو + لاس فيقاس + سان فرنسيسكو بالإضافة الى لوس انجلوس |
اقتباس:
https://www2.0zz0.com/2025/01/11/21/684533852.jpg |
اقتباس:
و عليكم السلام و رحمة الله و بركاته .. حياك الله أخوي طلال .. و أن شاء الله تكون رحلة سعيدة .. ولو أن المدة قصيرة جداً من وجهة نظري و يا دوب تكفي تزور لوس أنجلوس و تضيف معاها سان ديغو لأن المسافات من لوس أنجلوس إلى سان فرانسيسكو 7-9 ساعات بالسيارة أو من لوس أنجلوس إلى لاس فيقاس 5 ساعات بالسيارة يعني يومك بيكون ضايع في الطريق و لا تنسى عندك عودة نفس الوقت من كلا الوجهتين إلى لوس أنجلوس فيما يخص أستئجار السيارة .. نصيحة أستأجر من المواقع الرسمية للشركات و لا يغريك أسعار تطبيق turo فالموقع مفيد للأهل البلد أكثر من السياح و من ناحية التأمين أحجز السيارة من الموقع بدون تأمين و إذا وصلت المكتب وقت الأستلام أسألهم و أضف التأمين اللى يناسبك ... أنصحك تجرب شركة Sixt ممتازين جربتهم في رحلتى عام 2023 أستلمت السيارة من مكتبهم في سان فرانسيسكو الملاحظة الأخيرة ... هل أنك على دراية بالوضع الحاصل في لوس أنجلوس أو بالأصح في ولاية كاليفورنيا من الحرائق المنتشرة و لا تزال خارج السيطرة و حجم الدمار اللى لحق بالولاية ... |
وعليكم السلام ردي راح يكون باللي حاصل حاليا بولاية كاليفورنيا وبالتحديد لوس انجلوس النيران عدمت جزء كبير من المدينة وضواحيها وناس كثير خسرت منازلها وغير اللي طلعت من منازلها خوفا من النيران. الوضع سيء جدا حيث هذه الحرائق تعتبر الأكثر دمارا في تاريخ الولاية بحسب كلام الرئيس الأمريكي. نصيحة شيك وين مكان الاقامة اللي حجزته ووين وصلت الحرائق ولو تبي وجهة نظري المتواضعة غير الوجهة لان حتى الاسعار راح تكون مرتفعة بشكل جنوني |
اقتباس:
|
اقتباس:
|
اقتباس:
اتفق تماماً اقتراح في محله والأفضل البعد عن لوس انجلوس لأن نفسية سكانها تعبانة جدا من اللي صار للمدينة والكثير هجرها لمدن ثانية وبعض عايش حالياً في ملجأ ممكن تفكر في سان دييقو قريبة منها وبعيدة عن اللي صار |
اقتباس:
|
اقتباس:
هلا بك أخوي طلال .. إذا ناوي تطلع مباشرة من LA إلى لاس فيغاس حط في بالك المسافة تراها 5 ساعات بالسيارة لذا من رأيي أنك تريح بعد الوصول في منطقة على الطريق ليلة في موتيل و تكمل اليوم الثاني من الصباح أفضل لأني وصولك LA بيكون بعد رحلة طويلة جداً و صعب تلحقه قيادة سيارة مسافات 5 ساعات بيكون أرهاق عليك |
| الساعة الآن 03:03 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO