![]() |
رحلة علاجية في ولاية مينيسوتا السلام عليكم ، انا مرافق لاختي لامريكا رحلة علاجية علي حساب الدولة ، طبعا هذي اول رحله لي لأمريكا واعتقد المواعيد بتكون علي حسب الدكتور وحسب الوضع ممكن نجلس شهر الي شهرين وهكذا كيف استاجر هناك بيت او شقه ؟ وكيف افتح حساب بنكي؟ وايجار السيارات افضل ولا تنقل في مواصلات عامه؟ واذا فيه نصايح بخصوص المكان لا احد يبخل علينا وشكرا |
وعليكم السلام ما قدامها الا العافية مدري كم المدة اللي بتقعد هناك لكن تلقى تأجير فنادق بالشهر أما الشقق لا تفكر فيها لأنها عقود وتأمين وما الى ذلك بالبداية تأخذ فندق لمدة 3 أيام قرب المستشفى وتستكشف المنطقة و راح تلقى فنادق كثير حولها اختار اللي يناسبك كسعر ونظافة تروح البنك وتفتح حساب ما فيه تعقيد استئجار سيارة أفضل لك |
وعليكم السلام ورحمة الله وبركاتة طهورا وشفاء ان شاء الله بالبداية استاجر فترة قليلة و قريبة من المستشفى, مواقع حجز اون لاين تعطيك فترات قليلة و كثيرة مثل (اير بي اند بي, اجودا هوم), سهولة فتح الحساب البنكي حسب نوع الفيزا الي يعطونك السفارة الاميريكية, بالبداية استخدم بطاقة الائتمان ومشي امورك. اذا امكن استاجر قريب من المستشفى وارتاح من تكلفة المواصلات العامه. تواصل مع الملحق الطبي للسفارة لترتيب امورك, ويوفرون لكم مترجم اذا تبون. اتذكر موظف عندنا بالعمل كان مرافق بالمستشفى مع والدتة, الملحق الطبي استقبلوهم بالمطار, ووصلوهم للفندق, ووفرو لهم مترجم. اتذكر حساب (سعوديين بامريكا) بمنصة اكس متعاونيين جدا مثل هذة الامور (نصايح للسكن, والترجمة). |
السلام عليكم اولاً الله يشافي مريضكم وايأجركم ان شاء الله ، ثانيا من واقع تجربة لي مع أولادي للعلاج في امريكا يوجد في كل مستشفى مكتب دولي يهتم بشؤن المرضي الدوليين ينسق لهم المواعيد ويوفر مترجم خلال الموعد وايضاً لديهم خدمة مساعدة المرضي واهلهم بتوفير سكن إذا تعرف أسم المستشفى تواصل معهم وخذ رقم المكتب الدولي وهم راح يساعدونك حتى قبل ان تصل ، أنا جربتهم في ولاية ميرلاند ونورث كارولاينا أما مينيسوتا والله ما اعرف ولكن سمعت عن اخوة عرب تعالجو بالمستشفى انه يوجد مكتب دولي هناك ، خذ سكن مؤقت قريب من المستشقى الي ان تضبط امورك وانصحك بالشقة اذا انتم مطولين افضل واريح لكم من الفندق وإذا تعرفت على المدينة استأجر سيارة السيارة شئ ضروري هناك ، الله يسهل اموركم |
الساعة الآن 08:12 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO