|
تكفون ابي جدول لرحلتي؟ سلام عليكم ورحمه الله وبركاته أنا مسافر إلى أمريكا يوم 12/ 6 لحظور كاس العالم للأندية وبجلس شهر خط الرحلة كتالي الرياض ابو ظبي نيويورك نيويورك ميامي يوم 17 / 6 والجلوس إلى يوم 22/ 6 ابي مكان فندق فخم وموقع جميل واماكن حلوه لتمشيه ميامي ناشفيل يوم 22/ 6 بالطيارة ابي فنادق وجدول لتمشية ناشفيل واشنطن يوم 25/ 6 بالطيارة فنادق وجدول تكفون واشنطن اورلاندوا يوم 29/ 6 بالطيارة ابي فنادق وجدول لجميع الاماكن الترفيهية اولاندوا لاس فيغاس يوم 8/ 7 بالطيارة ابي فنادق وجدول تمشيات لاس فيغاس إلى لوس أنجلس يوم 11/ 7 بالطياره فنادق وتمشيات لوس أنجلس إلى نيويورك يوم 16/ 7 والعوده إلى السعوديه يوم 17 تكفون ابي جدول تمشيات وتسوق واماكن جميله وفنادق روعه وهل من الافضل استاجر سيارات او اوبر وشكراً لكم اتمنى من مشرفين امريكا والفاهمين فيها يعطوني رأيهم وخطوط الطيران وكل شي الميزانيه مفتوحة واختياري للمدن والولايات بسبب مباريات نادي الهلال السعودي وشكراً |
وعليكم السلام ان شاء الله الهلال يقدم مستوى حلو تحتاج تطلع على تقارير أمريكا المثبتة وكلها فيها فنادق حلوة الأفضل تسكن في مناطق سنتر وتتنقل في اوبر و LYFT خطوط الطيران كلها زينة واختار المتوفر ولا تحجز بدري بل قبلها بكم يوم عشان لو فكرت تطول في وحدة من المدن كذلك الفنادق لا تحجزها الا اذا وصلت المطار اجلس في كوفي شوب وشيك على الأسعار بحيث تكون مجهز قائمة بالفنادق اللي ناوي عليها شوف تقريري لأن المناطق اللي سكنت فيها كلها في السنتر واعتمدت على اوبر |
عليكم السلام توني قبل امس راجع من اميركا وراح اكتب ملاحظات عامة وانت برمجها على طريقتك وخطتك: - ميامي ما زرتها - طيران داخلي استخدمت خطوط سبيرت مرتين (spirit) وكانت ممتازه واقلاع علموعد بالضبط بدون تاخير مع العلم الاجواء باردة ومطر وضباب، حجزتها وانا في السعودية وكانت الاسعار ارخص بكثير اذا حجزت قبل بيومين او 3 - سوي تشيك ان اونلاين حتى لو معك عفش لان في المطار احيانا ياخدو رسوم ولو وصلت المطار اطبع ستيكر الشنطة من الاجهزة الذاتيه وبعدها على الميزان. - اورلاندو الافضل او لازم سيارة لان المسافات بعيدة واستاجرت من سيكست ب 330 ريال باليوم فل بروتكشن واستلم تانكي مليان وارجعه فاضي عادي+ رسوم طرق مدفوعة ( السيارة شيفروليه ايكو) نسيت اسمها - عبارة عن جيب وسط - افضل مناطق سكن باورلاندو هي كيسيمي و سلبرشين وانترناشونال درايف كلها حلوه وقريبة من معظم الاماكن السياحية - اعمل حساب الميزانيه لان تذاكر ديزني او يونيفرسال اغلى بكثير من اوروبا .. - مناطق حلوة للتمشية عندك ديزني سبرينغ و انترناشونال درايف و سيتي ووك وحبيب الشعب انترناشونال بريميم اوتليت - معظم المطاعم والكافيهات والمولات كلها تسكر بين 7-9 مساءا وما يبقى فاتح عندك الا كم فرع ماك او برجر كينج الخ - في نيويوك المدة قصيرة يبدو لذلك اسكن في التايمز او في الفيفث افينيو كلها حلوه وقريبة ع بعض لكن الفيفث الاجواء هادية اكثر والفنادق ارقى شوي او عندك شارع w42 ممتاز وقريب عالاثنين لانه يتقاطع معاهم الاثنين - المواصلات في نيويورك تجنبت السب واي لان معي عائلة ولو اضطريت كنت اخذ تاكسي من الشارع ولقيته ارخص من اوبر !!! واصلا معظم التنقلات كان مشي لانه بحد ذاته متعة ما بعدها متعة - تطبيق ليفت ما قدرت استخدمه لانك تختاج رقم اميريكي حتى تسجل فيه - صح! نسيت شي اخير ، عندك مطعم تاكو بيل مكسيكي بعض فروعه تبقى لوقت متاخر وتقدر تشتري درايف ثرو عندهم التاكو شي خياال وخاصة الدجاج . موجود بكثرة باورلاندو واقل شوي بنيويورك - وعندك سوبر ماركت او بالاصح هايبر ماركت اللي هو ول مارت موجود كثير جدا باورلاندو واسعاره رائعة وهذا لحاله يبغالو نص يوم لان عنده كل شي من البسة وعطور وساعات وميك اب الخ + تقضي منه للبيت - عندك محلات مارشالز للالبسة عندهم تشكيلة حلوة جدا واسعارهم ممتازة موجودين باورلاندو |
انتبه وانا اختك لاتجيب العيد :19: مباراة الهلال بعد ميامي بتكون بواشنطن والمباراة الاخيرة بناشفيل.. انت عاكسهم. |
يعطيكم العافيه واتمنى اللي يقدر يضيف لنا معلومات يضيف |
حاول تطلع بطاقة بنك D360 لأن ما عليها عمولات في المشتروات لأنها غالباً بالبطاقات الأخرى تكون 2.75% عدا بطاقة يورباي 1.8% اعتمد على مطاعم الفاست فود مثل مكدونالدز + برقر كنق ووووو اذا أكلت بمطعم فيه خدمة تأكد أنك تحط بخشيش وهو من 10% إلى 20% من قيمة الفاتورة ولا بيحقدون عليك وقد تسمع كلام |
| الساعة الآن 02:00 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO