![]() |
افيدوني بربكم..!!!! السلام عليكم ورحمة الله وبركاته اخواني واخواتي رواد هذا الصرح الشامخ ارغب بالسفر الى جده لشراء اثاث للمنزل انا وعائلتي وحقيقه لااعرف الكثير عن جده اتمنى منكم ارشادي للاماكن المناسبه للسكن بحيث تكون قريبه من اماكن الاثاث ويكون السكن مناسب من حيث النظافه والخدمات شاكر لكم مقدما احبتي |
اغلب محلات الاثاث بشارع الستين وبشارع الامير سلطان ممكن تسكن بشارع صاري او قريش. لكن بصراحة مااعرف شقق مناسبة ان شاءالله يفيدونك الي اخبر مني |
اهلا وسهلا .. يسعد صبآحك .. اخي نوعية المحلات اللي تبيها .. شركآت فخمه مثل المطلق العمر العالمية .. اذا تبي التفصيل وتختار انت والاهل اللي يناسبكم فيه محلات للسوريين والاتراك قريب من مشفى باقدو وعرفان .. الله يسهل دربكم وامركم هولمز |
وعليكم السلام حياك الله بيننا محلات الاثاث غالبيتها على شارع الستين على الستين كمان سوق محمود سعيد و فيه الاتراك اللي يفصلوا كنبات لذا ارشح تسكن وراه لو كنت مهتم بالجلسات عشان ترددكم يكون كثير عليه وفيه سوق اسمه " عمرين " فيه محلات كثيرة على الاقل 50 محل بس في سوق الخمرة و هذا محتاج خبرة شوي بجدة الموضوع يعتمد على نوعية الاثاث اللي تبحثون عنه كمان السكن فيه خيارات كثيرة كم معدل الايجار اليومي اللي تبحث عنه ؟ |
شكرا لكم احبتي بالنسبه للايجار اقامتي راح تمتد اكثر من اسبوع لذلك ارغب السكن ان لايتعدى باليوم 300 ريال بالنسبه لنوعية الاثاث راح امر كل الي ذكرتوه مع اكيا وبعض المحلات والله يكتب الي فيه الخير ارجوا احبتي ان تذكرولي اسماء الشقق المناسبه بالاسم حتى استطيع الحجز رحلتي غدا مساء لاتحرموني المشورة بالسكن وحتى بالاسواق للاثاث شاكر لكم احبتي |
خلك ع شاري صاري ... ماقصروا الشباب في الإفادة. .. بالنسبة للأثاث في الغالي وفي الرخيص عندك سوق الصواريخ بجنوب جدة وكاسر في الأسعار دوم. .. ايكيا عنده تخفيضات بس مدري انتهت أو باقي وممكن تشيك على موقعهم في النت. .. بس حط في حسابك ايش الأشياء اللي تبيها بالضبط عندك برافو أدوات منزليه أسعاره ممتازه. .. لو تحددلي بالضبط ايش ممكن افيدك ويفيدك غيري. .. |
هلا بالجوكر حبيبي انا عندي دور جديد وابغىاجيبله اثاث عبارة عن غرفة نوم خاصة+غرفة نوم بنات+غرفة نوم اولاد+كنب للصالة+كنب للمجلس الرجال والنساء |
اتصل على هذي الشقق و شوف اسعارها على شارع صاري و قريبة من شارع الستين اسمها الرابطة 0126622232 Al Rabitah Hotel | Home Page |
نفس ماتطرقوا الزملاء عند مستشفى عمران هناك مجموعة متنوعه من المحلات. .. عندك أيضا هوم سنتر هوم ستايل هوم كمفورت ستي دبليو في شارع سلطان عندك أيضا أي ديزاين في الشاطي. .. مجموعة كثيره والشوارع المذكوره لك والأماكن ممتازه جدا |
زي الغرف عندك سوق الصواريخ أسعاره معقوله أهم شيء خذ الخشب الماليزي. . عندك البناء والعمران خشبه ممتاز وأيضا ايكيا لايختلف عنه اثنان. .. إذا ملك الدور بارك الله فيك خذ من ايكيا لك وللزمان أو البناء والعمران. . |
الساعة الآن 12:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO