|
فندق بسعر معقول في الرياض - حي السفارات صباح الخير استفسر لو سمحتوا عن فندق قريب من حي السفارات و بسعر مناسب لمدة 5 أيام في شهر مارس و بعد وين ممكن أروح مطاعم ؟ مولات ؟ أو سوق مميز فيه اشياء تقليدية مثلا؟ و وين المكان اللي اذا ما رحته كأني ما رحت الرياض ؟ و شكراً مقدماً :e32d: |
اهلا بك أتوقع أخواننا وأخواتنا بالرياض بيفيدونك أكثر مني ولكن بحاول أفيدك بما أملك من معرفة بسيطة سبق دخلت فندق اسمه ( كورتيارد الرياض باي ماريوت) لكن فقط حضرت فيه اجتماع في قاعة وما شفت الغرف والأسعار لكن اتذكر كان قريب من السفارات فشوفي تقييمه ببوكينق يمكن يناسبك وإذا معك زوجك أو مجموعة .. فخيارات الشقق الفندقية جيدة عندنا بالسعودية الشقق الفندقية أسعارها أقل بكثير من سعر الفنادق بالنسبة للأماكن فتعجبني عدة أماكن برج المملكة ومشاهدة الرياض من أعلى نقطة يعجبني حي البجيري يعتبر تراثي وفيه لمحة جميلة ويفضل زيارتك تكون قبيل المغرب وتجلسي للمساء وهذا رابط لتغطية سابقة لي للمكان https://www.arabtrvl.com/vb/t26669.html أما بالنسبة للمولات فاعرف أسماءها ولكن يفضل اترك المجال لاخواتنا بنات الرياض فأكيد هم يعرفون المولات الأكثر مناسبة للتسوق والشراء بالتوفيق |
اقتباس:
شكرا على اقتراحك للفندق هو اللي لقيته فقط وقت ما بحثت في بوكينغ و قلت باشوف معاكم اذا القى خيارات ثانية للاسف الاغلب راح اكون بدون زوجي ولهالسبب فضلت الفنادق على الشقق |
هلا ام ريما تنورين الرياض فيه فندق رتز كارلتون قريب من حي السفارات ومن افضل الفنادق في الرياض بس ما ادري عن سعره اذا يناسبك . https://q-ec.bstatic.com/images/hote...4/28417430.jpg بالنسبة للامكان الحلوة للزيارة فيه حي البجيري مكان تراثي بطابع حديث وفيه بعض المطاعم والكفيات . وفيه اسواق طيبة ، واسواق العويس جنب بعض ويعتبرون من الاسواق الشعبية اللي تبيع الذهب والعبايات والملابس والاواني المنزلية والاثاث . بالنسبة للمطاعم مليان اشكال وانواع المطاعم العربية والعالمية .. ولكن اذا بغيتي شي شعبي ويقدم الاكلات السعودية فافضلها القرية النجدية . وبعده المجلس الخليجي . اما المولات فهي كثيرة جدًا منها برج المملكة فيه مول وفيه مطل على الرياض . وفيه النخيل مول ,, وفيه (الرياض بارك) موجود فيه سينما .. غرناطه مول .. مركز برج الفيصلية .. رياض قاليري .. حياة مول .. ومولات كثيرة منتزه الملك عبدالله من اكبر الحدائق في الرياض هذا اللي يحضرني واهل الرياض يفيدونك اكثر . |
اقتباس:
الريتز شفته .. سعره فوق ال 10000 ريال ل 4 ليالي :27: شكرا على الاقتراحات للاماكن السياحية طيب لو سكنت بعيد عن حي السفارات المواصلات شلون ؟ هل التكاسي متوفرة ؟ |
اقتباس:
اهلا بك فيه برامج التاكسي المعروفة اوبر .. كريم .. واعتقد شركة ( جيني ) وهي طرق آمنة جداً لتنقلات النساء والعوائل مجرد تحملي التطبيق ويكون عندك نت وتستفيدي منها أهم شيء لا تختاري منطقة بعيدة عن شغلك لأن الرياض طرق سريعة ولكن مزحومة جداً جداً وخصوصاً في أوقات الذروة مثل الصباح والظهر والمغرب مجرد اقتراح يمكن يفيدك في السكن إذا رايحة لهناك لجهة معينة أو عمل رسمي حاولي تتواصلي معاهم بايميل وتسأليهم عن هالشيء غالباً متعودين على هالسؤال ويمكن لهم خصومات خاصة بالتوفيق |
اقتباس:
شكرا على النصايح ان شاء الله ابحث شوي اكثر والله يسهل :e201: |
اهلا بك عدلت على المشاركة وأضفت فقرة شوفيها يمكن تفيدك في موضوع السكن بالتوفيق |
اقتباس:
|
هلا وسهلا فيك بالرياض ،، حياك ربي،،، أشوف أن افضل شي الشقيق تكون رخيصة ومناسبةـ اما المواصلات يفضل لك أوبر او كريم تتنقل عن طريقهم . ولاتنسى أن الرياض زحمه زحمه مرررره. ولكم أطيب تحيه |
يا هلا ومرحبا بك بخصوص السكن فالأفضل مثل ما ذكر الأخوان الأقرب لحي السفارات لتفادي الزحمه والمولات: 1- الافضل طبعا مجمع الرياض بارك . 2- فيه مول برج المملكه صغير ورايق مع الصعود لاعلى البرج. 3- مجمع النخيل مول. 4- البوليفارد في طريق تركي الاول . 5- التمشيه في منتزه البجيري التراثي . هذا اللي يحضرني .... وانتي تابعي تويتر يمكن يصادف وجودك بعض Events وبالتوفيق .. |
مرحبا مرة ثانية حجزت فندقين الاول كورتيارد باي ماريوت http://www.booking.com/Share-7DT1ki و الثاني المهيدب http://www.booking.com/Share-K6nlVBS عارفة ان الفرق بينهم شاسع لان الاول فندق و الثاني شقق فندقية بس السؤال .. وش الاحسن من ناحية المكان و قربه من الاماكن السياحية ؟ مع العلم راح يكون عندي سايق طول اليوم |
اهلا بك إذا المهيدب في شارع التخصصي فاشوف موقعها أقرب للأماكن والمولات من البديل الآخر عموماً المسافة ما بين المهيدب بالتخصصي والسفارات حوالي 15 دقيقة يعيب الشقق الفندقية شيء واحد .. أنها خيار مفضل للعوائل ومن معهم أطفال فقد يصادف نزول عائلة جنبك ووراك دوام مبكر .. وإن شاء الله ما يحصل هالشيء بالنسبة للمستوى فلا تجزمي أنها أقل من الفنادق .. فبعض الشقق الفندقية مستواها أفضل من الفنادق لأنها أحدث .. وأتمنى تكون هذه الشقة جديدة إذا فارق السعر لصالح المهيدب فتوكلي على الله .. وحاولي تحجزي يوم واحد وبعد كذا مددي إذا ناسبتك .. وبالنسبة لفندق كورتيارد تقدري تمري عليه وانتي طالعة من عملك إذا ناسبك لأنه قريب جداً من السفارات بالنسبة للحجز ادخلي على تطبيق المسافر واستخدمي كود الخصم ( sec ) بيعطيك خصم 10% .. إذا طلع أرخص من بوكينق خير وبركة بالتوفيق |
اقتباس:
الفرق بين المكانين بالسعر خيالي الكورتيارد ب 2420 بدون ضرايب و المهيدب ب 830 بدون ضرايب ما عندنا بالمنتدى احد من اهل الرياض او احد مجرب واحد منهم ؟ |
اقتباس:
السلام عليكم و رحمة الله و بركاته ... حياك الله و تنورين الرياض .. طبعاً سكان الرياض أو أي مدينة أخرى .. قليل تلاقين معلوماتهم عن الفنادق ... ممكن فقط المعلومة تكون عن الموقع .. "أنا من سكان الرياض .. و فنادقها قليل أعرف عنها " على العموم ... أختيارك للفندق يعتمد على المكان اللى بترتبطين فيه سوا بعمل أو زيارة فمدينة الرياض كبيرة و كما ذكر الأخوان مزدحمة في أغلب الأوقات من اليوم .. مثلاً حي السفارات يقع في الجزء الغربي من الرياض ... و أغلب الأمكان الترفيهة منتشرة في وسط و شمال الرياض ... و الوصول لها يتطلب عبور الطرق المزدحمة في الغالب ... بالنسبة لخيار الفنادق ... فندق الكورت يارد .. يقع مقابل البوابة الجنوبية لمدخل حي السفارات شقق المهيدب ... بصراحة ما أعرفها و لكن تعتبر من أقدم الشقق المفروشة بالرياض و قد لا تكون كالمتوقع ... أتمنى أكون أفدتك و لول بالقليل .... و حياك الله بالرياض |
اقتباس:
إختاري المهيدب المهيدب انا مجربه : نظافة عاليه و خدمة ممتازه كأنك في فندق والموقع في وسط الرياض وقريب من جميع الاماكن المهمه : قريب من السفارات عشان شغلك و قريب من المجمعات . في السنتر وسعره جدا" مغري .. |
ام ريمة بالرياض الحين نبي تصويرج للفندقين وتقييمج لهم للاستفاده |
اقتباس:
مشغوووووووووله الحين موب في حالنا :14: الوعد اذا رجعت البحرين نطالبها تكتب لنا تقرير عن زيارتها للرياض .. |
| الساعة الآن 02:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO