|
السياحة الداخلية السلام عليكم جميعا، انا عندي اجازة لمدة شهر تقريبا و افكر اروح عسير و بالتحديد ابها و ما حولها طبعا للأسف ما قد سافرت محلي و حاب اسألكم عن منطقة ابها بالخصوص. و عن خميس مشيط، النماص، رجال المع و اي منطقة حلوة بعسير - مزاراتها، الاماكن السياحية و الاماكن الخضراء بحكم اهتمامي بالطبيعة اكثر من الثقافة - ياليت تعطوني اسامي فنادق تكون نظيفة و سعر معقول لشخص واحد - و دي صراحة اطلع جبل او مكان عالي و يكون في مناظر جميلة من اجل التصوير بس ياليت ما يكون مرة صعب بحكم سيارتي صغيرة (صني) طبعا ابها هي الاساس و لكن بفرفر الاماكن اللي حولها مثل جبل السودة و قرية رجال المع و ياليت تنصحوني بالمزيد. الرحلة بتكون مدتها 10 - 16 يوم بإذن الله. |
حياك الله اخي سكاي ورحلة سعيدة ان شاء الله وتوقيت رحلتك ممتاز جدا لان الزحمة راحة وخف السياح على المنطقة الجنوبية :63: وبما انك مسافر وحدك فالامور طيبة اينما ذهب سوف تجد المسكن والاكل في كل مكان ولست مرتبط بعائلة او اشخاص كثر :63: السكن بما ان اجازتك شهر وزعها على كم مدينة ابها وخميس مشيط والنماص وجيزان السكن في ابها فية فندقين غالين جدا قصر ابها وفندق السروات والباقي شقق فندقية وفي متناول اليد ادخل بوكنق وشف ذا فندق بيوتات اذا اعجبك موقعة طيب :63: المناطق السياحية منتزه أبو خيال فية مطاعم وكوفيهات واطلالة ممتازة جدا القرية العالية الجبل الاخضر واستمتع بالترفليك روعة بحيرة السد وما جاورها ممشى الفن قرية المفتاحة سوق الثلاثاء ممشى الضباب الاسواق عندك الراشد مول عسير مول |
المنتزهات السودة روعة ولازم تاخذ معك ملابس ثقيلة من البرد فيها ترفليك ومقاهي اسفل وطيران شراعي :69: الحبلة جيدة جدا وفيها ترفليك وباعة على جنب الطريق للخبز وغيرة :69: تنمية بجنب الحبلة حلوة جدا منتزة المسقي طيب |
ماشا الله خل طريقك من الطائف وانا اضمن لك راح تستمع بالطريق والجو من الطائف الى تقول سلام يابها الباحة مرورا في بلجرشي والشائر وباشوت وديار خثعم وسبت العلايا والنماص وتنومة هذة يومين يبغالك فيها وعاد باللسمر وبالاحمر ياسلام على الديار وتاصل ابها ان شاء الله والخميس واحد رفيدة قريبه من بعض |
عندي سؤال بسيط، هل احتاج لسيارة دفع رباعي/جيب عشان اروح اغلب المناطق؟ ولا عادي السيارات الصغيرة تمشي الحال |
ما شاء الله كفى ووفى مشرفنا الله يعطيه الصحة والعافية وصدق من قال لا يفتى ومالك في المدينة فجزى الله مشرفنا خير الجزاء ووافاه |
اهلا بك الأخوة ما قصروا وعندي بعض النقاط لعلها تفيدك بالنسبة لنوع السيارة ليس هو المهم اتذكر استأجرت سبارك ورحت فيها عقبة الصماء أهم شيء تكون السيارة نظيفة يعني لا تسافر بسيارة متخوف من تسخين أو قير اختصاراً .. إذا حالة سيارتك جيدة فتوكل على الله أما لو متخوف منها فلا تروح وتنكد عليك بحاول اعطيك خطة وليس بالضرورة تلتزم فيها تماماً وهذي الخطة تعتمد على مكان انطلاقتك .. لو جدة مناسبة تبدأ بالطائف تقعد فيها يوم تزور منتزه الردف ثم تروح الباحة تقعد فيها يومين تزور غابة رغدان ومنتزه الأمير حسام والمندق ثم تتوجه إلى النماص وتمر على تنومة وبلسمر بالنسبة لي اعجبتني تنومة وبلسمر أكثر من النماص فلو تقعد ليلة أو ليلتين خيار جميل وهذه مزارات جميلة ( شجرة الرقاعة / مطل الحروس / قرية بن عضوان ) ثم تتوجه لأبها وتسكن في شقة فندقية نظيفة والآن الأسعار هدأت وهذه أبرز المزارات في أبها وما حولها ممشى الضباب / جبل نهران المطل على بني مازن حديقة أبو خيال / السودة / قرية المفتاحة المدينة العالية / الحبلة / سوق الثلاثاء وانصحك تخصص يوم كامل تنزل فيه لرجال المع العقبة اللي بتنزل منها اسمها الصماء من عند السودة العقبة ماهي صعبة لكن المنعطفات خلك حذر ومنتبه يوجد في منتصف العقبة حديقة جميلة اسمها حديقة النخلة انصحك توقف فيها ترتاح وتريح سيارتك وفيها اطلالة والعاب اطفال وهذي احداثياتها 18.298777 42.330997 إذا وصلت لتحت في رجال المع الطبيعة جميلة وواصل حتى تصل لمتحف رجال المع هو الأشهر هناك إذا فيك شدة ورغبة لاكمال المسير ممكن تكمل لجيزان وجبال فيفا لكن وأنا اخوك ترى السفر بالسيارة وتمشي من عقبة في عقبة اشوفه مرهق يعني انت شوف وضعك وحسب مقدرتك واكتفاءك عموماً هذا مختصر بسيط ممكن تتحرك من خلاله وإذا احتجت لمزيد من التفاصيل تحت امرك باللي نقدر عليه بالتوفيق |
اقتباس:
|
هلا بك اخي العزيز نعم مفتوح بعض العوامل المناخية يتوقف اذا فية امطار غزيرة او رياح قوية تركب من عند فندق قصر أبها إلى منتزة الخيال ثم نزول وتركب تلفريك ثاني يوديك الجبل الأخضر اتذكره رايح جاي ١٠٠ ريال للشخص المناظر حلوه خاصه للي اول مره يركب تلفريك اوقات العمل اتذكر من 2 الظهر الى 10 مساء يمكن تغيرت الان:e020: انصحك فية |
اقتباس:
جيتهم الصبح الساعة ١٠ و لقيته مقفل عشان كذا سحبت، بس رجعتله الساعة ٢ و كان مفتوح سؤال ثاني، بالنسبة لخميس مشيط هل تستحق المكوث فيها ٣ ايام ولا ازورها يوم و احرك على النماص؟ كنت افكر استأجر فندق لمدة ٣ او ٤ ايام بخميس مشيط بس حسيتها شوي عادية في الغالب بروح لها يوم و برجع لفندقي بأبها و بحرك ثاني يوم للنماص و باخذ فندق لمدة ٤ او ٥ ايام |
| الساعة الآن 05:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO