|
ماشاءالله عليكم بالعافيه والله من زمان مو ماكليين مطعم ايراني العيش بالرمان اسمه زرشك :29: |
عليكم بالعافية أم حسين من زمان عن المطاعم الايرانية و عيش الزعفران الكباب الايراني طعم متميز أشوف سعره غالي حبتين على طلبكم و لا تشوفون سعره عادي عندكم ؟ تقرير جميل الله يسعدك |
ياسلام ياام حسين على الأكل والتصوير هنئ وعافية عجبني ذكرهم للقصة في المنيو واتعلمنا كلمة كويتية جديدة يعطيك العافية وننتظر التقرير القادم |
اقتباس:
اي والله من زمان مو ماكليين تصدقين توني اشوف اسمه بالمنيو ههههه خووو مو ايرانية ما اعرفه :200::200: تسلمين على المرور الحلوو يا حلووو:e447::e030: |
اقتباس:
طعم لذيذ ومميز السعر غالي لأنه من المطاعم التابعة للشيراتون ومن زمان عندنا الشيراتون جودة في الأكل طعم لذيذ والسعر غالي بكل مطاعمهم كطعم لا يطوفك بعدين انا ما دفعت شي عادي عندي ههههه معزومة من البنية عندي تجربه بعد بمطعم الحمرا بيصير على التجربة سنه مانزلت التقرير بسبب سفري بداية السنة بس بنزله لكم عقب وصباحي بكم أسعد شكراا لمرورك الأجمل ملاحظة لك : هالمكان بالأفنيوز دائما تشوف الناس يمشون مشي رياضة تكرم بجواتيهم الرياضية على طول صباحاا والى المساء والبارحة شفت كذا شخص يمارسون رياضة المشي |
اقتباس:
اي والله قصة الالعبان :18: والتعليم للحجي الكويت احنا حاضرين للطيبين يعافييج ربي ان شاءالله انزله قريب بس اكمل تحميل الصور شكراا لمرورج الجميل |
بالعافيه عليكم انا بعد اشوف سعره غالي حبتين و اعتقد هالمطعم تغديت فيه مره سنة 2007 يوم كنّا مخيمين على الحدود و زرنا الكويت من الصبح لين العصر و كان المطعم فيه كابينات مغلقه بس ما اذكر وين مكانه تسلمين و بانتظار التقرير القادم |
عليكم بالعافيه ام حسين يمي حسيتت بطعم الكباب واو ام علي اعتقد شهريار العادي كليتوا في مو شهريار تبع الشيراتون |
اقتباس:
غالي لأنه تبع فندق الشيراتون وهو بس هالفرعين عنده بالشيراتون وبالأفنيوز اللي ذكرتيه أعتقد شهرزاد مو شهريار أعتقد مكانهم بشرق و360 أعتقد مو متأكدة ويشرفني مرورج العسل ان شاءالله قريب التقرير الياي |
اقتباس:
ان شاءالله تجربه ام علي هالمرة |
ماشاء الله :18: على الرغم من اني مو من عشاق المشاوي لكن الاكل باين عليه لذيذ انا شبعت من الخبز والضيافة المنديل القماش تسمونه المصر ولا كل انواع المناديل ابغى اتعلم اللهجه صح :18: بالعافية عليكم والافينيوز معلم من معالم الكويت تتهنون فيه وتستاهلون اكثر |
بالهنا والشفا وصحتين مااكلتو وشربتو اللهم ادمها نعمه واحفظها من الزوال |
اقتباس:
لا الجلوو كباب مو اي مشاوي انا كنت ما احب المشاوي بس الجلوو كباب دايما اكله لذيذ جربيه صح المصر المنديل القماش المناديل الورقية كلها وبجمبع اسمائها نقول عنها كلينكس هههههه من اول اعلان تلفزيوني لهم وحتى البيبسي كل انواع الكولا نسميها بيبسي ههههههه وجميع افلام الكرتون نسميه باباي ترى مو بس عايلتنا لا كل الكويت جذيه طلع بعقولنا من ايام الطفولة وبدايات التلفزيزون ونقلناه لعيالنا حياج باي استفسار موجودين هني يعافيج ربي حبيبتي طوق والأفنيوز يرحب فيكم حياكم |
اقتباس:
جزاك الله خير تسلمين يام زياد ربي يسعدج |
صحتين وهنا الاطباق شكلها مغري وشهي الرز بالرمان شكلو حكااايه تسلم يدك |
ما شاء الله .. كله المطعم رهيب اقصد الديكورات والمنيو وشكل الأكل الله يعطيك العافية |
بالعافيه المطبخ الايراني لا يعلي عليه ميرزا ومرقه ومشخول يا عيني ناقصها لبن عيران وشاي بعد :15: |
اقتباس:
اي والله الرز حكايه وطعم ولذيذ وتسلم على ذوقك ومروك اللي شرفني شكرااا |
اقتباس:
كلهم تبع فندق الشيراتون اللي من أول ما بدأ بالكويت وهو مشهور بمطاعمه اللذيذه يعني قبل لو عزمونا على عرس بالشيراتون نستانس علشان البوفيه :17::17: معروف من زمان وهني بالافنيوز اول فروع خارج الفندق شكراا لمرورك اللي يسعدني دايما |
اقتباس:
صاج يبيلها لبن بس مو عيران يبيله لبن آب منعنع والشاي عقبهم شكراا لمروك اللي يسعدني دايما |
| الساعة الآن 02:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO