|
اماكن بيع الملابس والشنط المقلده السلام عليكم ورحمة الله وبركاتة اذا سمحتم انا طالعه الكويت باذن الله وابغا منكم المساعده في معرفة اسواق بيع الماركات المقلده من شنط ملابس عطور او الاسواق الي بضاعتها حلوه واسعارها حلوه وايش الاماكن الي يستحق زيارتها في الكويت وشكرا لكم |
و عليكم السلام تلقين في المباركيه في سرداب تحت اعتقد سوق رقم 4 عندهم محل واحد ما اعرف اسمه بس يبيع شنط و ساعات مثل جيفنشي و شوبارد و كارتير و روليكس يمكن تحصلين اللي تبغينه |
سرداب الشايع بالمباركية تلاقين فيه وبعد بسوق السالمية كذا محل وفي العقيلة باسواق المشايخ والمعلم كذا محل يبيعون واسعارهم حلوة ممكن تروحون المباركيه قعدات واسوقه شعبيه قرية يوم البحار المارينا كريسنت مطاعم على ميناء للقوارب جميله القعده وفي اكشاك هالموسم عندج بعد الافنيوز للتسوق اذا تحبون السينما تلاقون باغلب المولات دور السينما في حدايق اذا تبون حديقة الشعب وحديقة الشهيد عندكم بعد المركز العلمي فيه اكواريوم والعاب تعليميه للاطفال في كرنفالات بارض المعارض وكذلك كرنفال وينترلاند انا كاتبه عنه تقرير عندك تقرير عن الانشطة والفعاليات في الكويت ممكن يفيدكم http://www.arabtrvl.com/vb/t14396.html وحياكم تنور الكويت فيكم |
ماقصروا خواتي في الرد ومثل ماقالوا في المباركيه بالسرادب وفي سوق السالميه الاحمر وحياكم الله |
| الساعة الآن 08:25 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO