|
اول زيارة للكويت الحبيبة وابي مساعدة السلام عليكم ورحمة الله وبركاته https://s.yimg.com/qn/cdn/m002/trave...ink3/80gry.gif تحية للكويت واهلها الغالين إن شاء الله لي زيارة للكويت الحبيبه الاسبوع القادم.. وهذي اول زيارة للكويت كل دول الخليج زرتها من قبل عددة مرات جت الفرصة للتعرف على الكويت ادري ان الجو حار زي الخبر ورطوبة لكن مايمنع ان نقضي بعد الايام في دولة الكويت الحبيبة فية بعض الاستفسارات واتمنى تجاوبوني عليها وادري فيكم ذوق وخبره وما تقصرون ابد ،،، المسافرون عايلتين 8 اشخاص 1 وين في اماكن حلوة تنصحونا نروحها 2 وين تنصحونا نسكن ؟ زيارتنا بتكون سياحه وتسوق :e032: |
يا هلا بن قوت حياكم الله زارتنا البركة والله حر وايد مو شويه هههه :) دامكم بتنورونا بالصيف اذا تحبون السباحه والبحر عندكم الانشطة البحرية عالواجهات مثل واجهة المارينا والابراج والجزيرة الخضرا عندهم تأجير جت سكي وبنانا و براشوت والخ وفي دراجات هوائية صوب المارينا ورحلات بحرية بالطراد .. ابراج الكويت حديقة الشهيد من احلى الحدايق المرحلة الاولى والثانية وفيهم مطاعم تستحق التجربة وفيهم فعاليات للاطفال اذا معاكم وتكون مجانية ونافوره تشتغل كل نص ساعه موجوده في المرحلة الثانية والكويت الماضي والحااضر بس بالاول خلك متابع موضوع الانشطة هذا يمون في ابديت وبعد في فعاليات المهرجان الثقافي للاطفال والناشئة الابديت يكون في موضوع الانشطة وتكون كلها مجانا .. دار الاوبرا - المركز العلمي - صالة التزلج - مجمع ديسكفري للاطفال - القهاوي الشعبيه على البحر - الاكوا بارك - القرية المائية المسيلة - فلو هاوس قرية مائية في منطقة بوحليفة نظامها تأجير غرف يوم كامل من 10 ص الى 10 م اسعارهم من 20-45 وكل غرفه معاها حمامها واذافة رسوم دخول واخذوا معاكم اكل واذا ما دخلوا الاكل خشوه بين الاغراض .. وايد حلوه القرية هذي هذا اكاونتهم flowhousekw - - زيارة المسجد الكبير - متحف بيت العثمان من المتاحف الحلوه - مجمع ميادين للرماية اسهم واسلحه - متحف الكويت للسيارات التاريخية ومنها يقدرون الاطفال يسوقون سيارات مع مدربين .. الاسواق : المباركية - مجمع بروميناد حولي والمهلب - سوق السالمية الاحمر والبوليفارد حلووه - الافنيوز طبعا - مول 360 في جنوب السره - منطقة العقيلة فيها gate mall وعدة مجمعات واسوقة شعبية وحيلكم في المكاسر الله يخليكم - مارينا مول في السالمية وشارع سالم المبارك كلة مجمعات - سوق شرق من المجمعات الحلوه والهادية على البحر - الفروانية فيها العربيد والحمرا الابراج : برج الحمرا حيل راقي وفي مطاعام وكافيهات وسينما - برج كيبكو - الصالحية - ميار الشويخ هذيل يعتبرون اماكن يغلب عليها الكافيهات والمطاعم مع اشوية محلات تجارية السكن : في شقق ساره بلاس كتبت عنه و في ادمز ودلال سويت sara palace - adams hotel - dalal suite معاكم يهال ولا كلكم كبار ؟ ومن اي تاريخ لي اي تاريخ ان شاءالله |
يا سلام عليك ( مشرفتنا ) العزيزة مشكورة على الرد الكامل والحر الله يعينا علية تعودنا علية :e04a: سمعت ان اجنحة بودل السالمية تم تجديدها على حسب كلام الزوار :e04a: فندق ومنتجع موڤنبيك البدع - الكويت هل تنصحي بهذا الفندق ليلة وحده |
عليكم السلام كل شيء في الكويت حلو بودل أنا جربته من سنين بس تكرم الحمام وااايد صغير عندك آدامز رووووعه أنا جربته و سكنت فيه مرتين |
هلا بن قوت موفنبك حلو وعندك ريجنسي والنخيل بعد حلوين نفس الشارع بودل والله ماادري عنه اذا جدد ومثل ما قالت ام علي ادمز ممتاز Sent from my iPhone using Tapatalk |
تنورونا يابن قوت ماقصرت ابرار وام علي |
اقتباس:
مشكوره ام علي :e306: انا اعتمد على تعليقات النزلاء في الفنادق تم حجز يوم واحد في ادم جناح عائلي ب 1500 الأسعار للجناح الواحد غير مشمول: 15 % رسوم خدمة مكان الإقامة |
اقتباس:
مشكوره اخت ابرار مشكلتنا في العدد :28: |
اقتباس:
النور نورك ام حسين ربي يحفظك |
اذا بودل مجدد توكل على الله وأخذ فيه |
| الساعة الآن 10:31 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO