|
نبي فزعة حبايبنا في الكويت..!! مرحبا اخواني واخواتي وأهلنا الأعزاء في كويت العز اولا ارفع لكم أسمى ايات التعازي بفقد بسمة العرب عامه والخليج خاصه المغفور له بإذن الله الفنان عبدالحسين عبدالرضا رحمه الله وأسكنه الفسيح من جنته راجيا من الله بأن يمسح على قلوب أهله وأقربائه وأهل الخليج عامه وأهل الكويت خاصه باالصبر والسلوان... والذي ب رحيله رحلت الإبتسامه التي رسمها على شفاه الملايين من محبيه إخواني عندي استفسار... وين اقدر القى مراكب البانوش للزينه والي تكون مصنوعه يدويا وشغل عدل ؟؟ انا شفت اللي تباع في سوق المباركيه (صناعه صينيه) وحتى احجامها صغيره ابغى اللي طولها حدود المتر او اقل ب شوي بس اهم شيء تكون شغل عدل مع خالص تحياتي لكم جميعا اخوكم \ ابوعدنان |
الله يرحمه ويغفر له ويرحم جميع موتى المسلمين شكراا لكلماتك اخي الكريم وجزاك الله خير مراكب البانوش شنو قصدك المراكب الصيد الكويتيه القديمه ان شاءالله اذا اهم اعتقد بتلاقي بيوم البحار اللي على البحر وفي اذكر بمجمع الاوقاف واحد يبيع ان شاءالله تلاقي او من القلاليف عاد هذا لازم تحصل واحد يسوي وتشوف عنده |
هلا اخوي اجرنا واجرك المراكب موجوده بسوق المباركيه ويوم البحار وكنت شايفتهم من زمان بمجمع المثنى حياك الله بالكويت |
هلا فيك بوعدنان اجرنا واجرك يزاك الله خير مثل ما تفضلوا خواتي في الرد وممكن بعد أتحصل في منطقة الري عند السوق الايراني |
هلافيك اخوي بوعدنان الله يجزاك خير في منهم تنباع في المباركيه وسوق الصفتفير وبعد يوم البحار انا شايفه وفي بالري وفي بنادي راس السالميه اذا ماني غلطانه حق رحلات الغوص داخل في للبيع سبق وشفتهم أرسلت بواسطة iPhone بإستخدام Tapatalk |
الف شكر لكم جميعا اخواني واخواتي على التجاوب السريع وربي لايحرمنا منكم... طيب وش رايكم ب سوق الجمعه هل اقدر احصل فيه مثل ها المراكب ؟؟ اي نعم اختي ام حسين اقصد مراكب الصيد الخليجيه اللي مثل الجالبوت مع خالص شكري وتقديري للجميع اخوكم \ ابوعدنان |
أتحصل في سوق اليمعه Sent from my iPhone using Tapatalk |
اقتباس:
الف شكر لك مشرفتنا ع التجاوب السريع ولايهونون باقي الأعضاء الأعزاء والله لايحرمنا شوركم ياااااااارب مع خالص تحياتي للجميع اخوكم \ بوعدنان |
| الساعة الآن 08:29 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO