|
يالييت تفيدوني اهم الأماكن والمطاعم في الكويت مرحبا.. حاب استفسر عن اهم واحلا الأماكن والأسواق والمطاعم والكوفيهات في الكويت ... المدة من 3-5 أيام تقريباً شخصين فقط شباب ... وكم الميزانية تقريباً .. افضل مناطق السكن .. أول مرة أروح الكويت ولا أعرف فيها أي شي ... واحب المطاعم اللي يكون فيها كل شي حلو اكل وكوفي وشيشة وتكون اجوائها جميلة .. واتمنى الأماكن مايكون فيها ازعاج بزران :57: ولكم وافر الشكر والعرفان :e20c: |
بما إنكم شباب فندق ايبس شرق او السالميه اسعارهم زينه لكم ويعتبرون فنادق اقتصاديه للنوم وامش المطاعم في قسم المطاعم طب وتخير مثلا عندك مطعم كوكو روم وسلايدر ستيشن مقابل قصر السيف والمباركية صوبهم عندك المباركيه اسواق شعبيه ومطاعم شعبيه عندك دار الاوبرا وحوالين النافورة مطاعم وكافيهات منها كاشونة البيت كويتي - حليب وهيل كويتي كافيه شوكلت غيت واوفر جار هذيل للشوكلت فيلا فيروز لبناني والخ ومن الاسبوع الياي راح تبتدي العروض في المسارح والحفلات اذا تحبون تحجزون من موقعهم Www.jacc-kw.com حديقة الشهيد المرحله الاولى والثانيه حديقه جميله تستاهل الزياره والمرحلة الثانيه فيها كويت الماضي والحاضر مصغرة وفيها متاحف والنوافير وعده كافيهات ومطاعم جميله ولذيذه عندك سوق شرق القعده فيه حلوه على المرسى والمارينا مول الافنيوز و 360 mall منطقه البدع عند الموفنبيك مطاعم وكافيهات منهم شوكلت بار Sent from my iPhone using Tapatalk |
متى وصولكم الكويت ؟؟ Sent from my iPhone using Tapatalk |
هذا تقرير زميلنا بن قوت https://www.arabtrvl.com/vb/t29495-19.html#post351019 هذا جدول تختارون منه اللي يعجبكم https://www.arabtrvl.com/vb/t10278.html اذا تحبون الرمايه عندكم مجمع ميادين للرمايه https://www.arabtrvl.com/vb/t27324.html |
حياكم بالكويت ماقصرت مشرفتنا ابرار المطاعم والكافيهات وانت ماشي بشوارع الكويت وخاصه من طريق الفحيحيل للسالميه على البحر والى الديرة كلها مجمعات مطاعم طب وتخير المقاهي بتحصل مقاهي للشيشه في أسواق القرين وفي عند المارينا مول بالسالمية وفي بعد مقاهي على البحر وتنورونا |
اقتباس:
النور نورك ... والف شكر عالمعلومات الجميلة .... اقتباس:
اقتباس:
اقتباس:
حاب اسألكم .... اشهر المطاعم يعني اللي يروح الكويت لازم يجربها .. وكمان الكوفيهات لأني من عشاق القهوة .. وكمان اماكن الشيشة اللي عليها الكلام .. ومشكورين جداً..:e204: |
تبي مطاعم شعبيه عندك الاهم فريج صويلح للمجبوس والمموش على ربيان مطعم الشمم للاسماك والمشاوي بالمباركيه كذا فرع مطعم خنين تحصله بالمروج وهذا مجمع مطاعم عند نادي الصيد والفروسيه وفي بعد بمول ٣٦٠ بالزهراء في بالافنيوز وهو المول الكبير بالكويت في قسم السوق تلاقي مطاعم شعبيه ابرزها كافيه بزه والدروازه وحليب وهيل وفي مطاعم عالميه كثيره |
طيب وبالنسبة للميزانية المتوقعة تقريباً كم توصل ؟ |
الكافيهات : بن - كاف - اربيكا - لاك - مود فوليوم - كلهم في الديره واذا اكل غير شعبي ( ميلنزاني ايطالي - هبره لحوم - سلايدر ستيشن برغر والخ - بريكفاست كلب ريوق - ليتل روبي في الديره - p+f في مجمع 360 - haute عند دوار مخفر شرق - يوبا ياباني عاد انتوا وذوقكم في الاكل الميزانية صعب تحدد لانها تختلف Sent from my iPhone using Tapatalk |
اقتباس:
الميزانية على حسب صرفكم وهل انتو ناوين تتسوقون والا بس سياحه |
ألف شكر للجميييييييع:e32a::e32a::e32a::e32a: حقيقة ناوي سياحة تقريباً كبداية لأن أول مره اجي هناك وما اعرف فيها شي ... انا مهتم كثير بالقهوة حقيقة والأكل أفضّل الأمريكي والايطالي وبعيد كل البعد عن الآسيوي وأي شي مقلي.. أكثر الأشياء حريص عليها سلايدرز وكافي أربيكا ودوز كافيه لأن سمعت عنها كثير... |
العفو حياك الله ناطرين التقرير ان شاءالله |
شكررررررراااااااا |
| الساعة الآن 10:27 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO