|
استفسار عن المطاعم الشعبية السلام عليكم ورحمه البه ويركاته قررت أني بكرة أروح الكويت .. وحبيت تدلوني على المطاعم الشعبية إذا ما عليكم أم مع الأحداثيات وإذا ممكن تدلوني على هالمطاعم ملك المشويات مشويات الحجه بدر البدور وبعد مطاعم الريوق وين تنصحوني ؟؟ وشكراً لكم |
اهلا فيك اخوي بوراشد الكويت تنور فيكم ما اعرف احط الاحداثيات ولا اعرف اطلعهم بس اذا عندك غوغل ماب يوصلك للمطاعم بدر البدور روح اللي ببنيد القار هو الاقرب هذا رابط فيه رقم تلفونهم وهذا ملك المشويات تقدر تاخذ العنوان منهم اذا اتصلت http://www.kwt32.com/عنوان-ورقم-هاتف-مطعم-ملك-المشويات/ وهذا كباب الحجة https://dnanir.net/t24510/ كباب الحجة اعتقد بهالوقت يسكر بس اتصل عليهم يمكن تحصلهم https://www.n33e.com/ads/مطعم-بدر-البدور/ |
مطاعم الريوق ننصحك بمجنون قهوة بالمسيله قريب من فندق الجميرا https://rinnoo.net/ar/v/kuwait/5312/...pot-branch/map وفي منطقة المارينا قريب فندق المارينا مطاعم على مرسى اليخوت منظر وجو احلى منه مافي https://rinnoo.net/ar/v/kuwait/68/marina-crescent وفي مطاعم وايد بالكويت |
مثل ماقالت ام حسين الافضل انك تستعين بقوقل ماب ومطاعم الريوق تقدر تروح دلق سهيل او حليب وهيل او زيت وزيت وزعتر حياك الله بالكويت |
الله يحييكم جميعاً ومشكورين وما قصرتوا والله يجعله في ميزان حسناتكم انه دائما اعتمد على الجارمن لكن هالمرة بحاول استخدم قوقل ماب وان شاء الله يفيدني ومشكورين مرة ثانية على سرعة تجاوبكم ويعطيكم العافية |
اقتباس:
الله يعافيك وحياكم الله |
هلا أختي كويتية متنقلة بصراقة آنه الحين قاعد أستخدم القوقل ماب ووايد وايد وايد فادتني أكثر من الجارمن أي شيء أكتبه يوديني له ويدون اي صعوبة لدرجة خليت القارمن في الفندق واستخدمت القوقل ماب على طول |
صحيح غوغل ماب وايد ممتاز الحمدلله التطور مفيد قبل الواحد يستصعب القارمن الحين اشوه غوغل ماب حتى مشي بالارجل يدليك |
هلا أختي أم حسين بصراحة قوقل ماب سواها فيني مرتين في الكويت مرة في مصنع الشمالي بالشويخ ما وصلني للمصنع، فقط وصلني للمنطقة اللي فيها المصنع المرة الثانية في بيت العثمان عاد هذي قوقل ماب وداني وين وبيت العثمان وين يمكن المسافة كيلو لكن هم من سأل ما ضاع :) |
| الساعة الآن 10:44 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO