|
وي حسافه تجربه فاشله ياريت كتبت تقييمك للمطعم عندهم للاسف المطاعم لما تفتح اول شي وتنشهر تخترب بعدين المفروض يتقدمون مو يتاخرون ويفشلونا الله عوضكم بفريج صويلح الحمدلله هجرة المطاعم بوقتك لان دوامات تسلم على التقارير الجميله بالبوابه الكويتيه وبارك الله فيك بانتظار جديدك |
رحلة موفقه ابو راشد والله يعوض عليك باين من لون اللحم انه سي جدا |
هلا أختي أم حسين للأسف ما عطوني تقييم للمطعم .. ولو عطوني جان كتبت فيه كل شيء بخصوص هجرة المطاعم .. المطاعم اللي هناك كلها متروسة إلا بزة مافيه أحد .. حتى أنا في البداية دخلت المطعم الهندي اللي يم بزة وقعدت داخل على الطاولة وكان فل .. لكن سألته المطعم هندي قالي إي .. قلت الحين آنه ياي الكويت علشان أروح مطعم هندي .. أبي أكل كويتي .. وبعدها رحت حق مطعم دروازه وكان فيه ناس وايد لكن قلت حق أم العيال خلنا بس نروح بزة وللأسف كان الأختيار جداً خاطئ .. والله يسلمج أختي وهذي واجبنا باتجاه المنتدى والأعضاء وإن شاء الله تقرير عن الكويت بالطريق :) |
وياك أخوي بو قوت ويعوض الجميع إن شاء الله إي والله أنا من جفت اللحم ما أرتاح قلبي كلش وأشكرك على مرورك |
خيره بغيرها بو راشد وانا بصراحه من الاول ما كان يعجبني بزه الا للريوق اما الغدا او العشا كلش ما يازلي مع انه اخذ صيت ممتاز لكن اللي ما يطور مستواه اكيد بينزل خصوصا ان في حواليه منافسين معوض خير ان شاءالله ولو ذاكر لهم تقيمك احسن او مكلم المسؤل او في الانستغرام تدز لهم دايركت مسج |
درس وتعلمنا منه :) إي زين عطيتيني هالمعلومة بدور الانستقرام مالهم وبراسلهم بالدايركت |
صاجه ابرار بزه بس ريوق الغدا والعشا عادي وغالي دار حمد اكلهم لذيذ بس غالي بعد ولازم حجز |
أنا ما كنت أعرف أنه مب زين حق الغداء والعشاء أي والله الأكل ماله مزة ولا له طعم وسعره غالي للأسف وهذي مطعم دار حمد وين يصير ؟؟ |
كافيه بزة فتح فروع وايد بالمناطق السكنية وصرنا اذا نبي نروح له نروح الفرع اللي بمنطقتنا لكن من زمان انا افضل الريوق عندهم ولا مرة جربت الغدا او العشا ان شاءالله زيارتك القادمة تجرب الغدا في مطعم كاشونه روعه |
| الساعة الآن 10:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO