|
تجربتي السياجية في الكويت السلام عليكم ورحمة الله يعطيكم العافية جميعا كنت متواجد بالكويت سياحة مع الاهل لمدة يومين الرحلة كانت بالسيارة .., سهالات الطريق ولكن جمرك الكويت زحمة انتظرنا ساعة ودخلنا الكويت وسكنت في : فندق ومنتجع رمال تقييمي للفندق صراحة ما يستاهل السعر مرتفع والغرفة جدا عادية سعرها مو فيه وكل شي ناقص فيه واضطر اكلم الاستقبال كل شوي يوفروا الاشياء الناقصة الواي فاي ما يشبك ززفت فلو رحت مرة ثانية زيارة مستحيل اختار هــ الفندق ليلتين ب 150 دينار / 1875 ريال التمشية كانت : سوق شرق المارينا سوق المباركية حديقة الحيوان حديقة الشهيد ابراج الكويت مطعم فريج صويلح مطعم ميس الغانم مطعم دار حمد فهاذي رحلتي باختصار واذا في اماكن ثانية يا ريت احد يذكرها لاني ناوي اكرر رحلتي ان شاء الله في الشهور القادمة وشكرا |
السلام عليكم في برنامج اسمه UM في اماكن سياحيه في الكويت |
حياك الله في ديرتك الثانية الكويت ياريت تكتب ملاحظاتك بالموقع اللي حجزت منه وتبلغ الريسيبشن بالفندق عشان يتفادون الاخطاء ماشاء الله الاماكن اللي رحتوها ممتازة ومتنوعه واكيد في اماكن بالكويت كثيرة تقدر تتطلع على التقارير في البوابة |
ان شاءالله زيارتك القادمة تختار سكن افضل وتستمتع بالكويت واذا عندك صور ياريت تحطها بالتقرير |
حياكم الله في ديرتكم للاسف فندقكم اعرفه وتعيس من عمر .. ان شاءالله المره اليايه تكون اقامتكم في مكان افضل عندك جدول في البوابة في عن وايد اماكن وعندك موضوع الانشطة متجدد وكل الانشطة تنذكر فيه وطبعا تقارير الاعضاء شكرا على التقرير اللطيف والقصير |
وعليكم السلام ورحمة الله وبركاته إن شاء الله برحلتك القادمه السكن يكون أفضل وتستمتع شكرا علي التقرير |
رمال كان شاليهات خاصه وبعدين حولوه لفندق واما زياراتك لاماكن جميله وتابع بوابة الكويت والانشطه بتلاقي اماكن تستحق الزياره شكراا لذكر تجربتك ونطمع بصور وتفاصيل اكثر |
من شوفتي له ببوكينج ماعجبني :1: |
شكرًا لتوضيحك حابه اجي الكويت ومازلت اتطلع لتجارب الغير ������ |
الله ع الكويت |
| الساعة الآن 08:06 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO