|
استفسار عن المواصلات السلام عليكم .. أستفسار صغير عن المواصلات في الكويت لأن هذي اول زيارة لي واللي مخوفني ان مافيها أوبر ولا كريم فـ أستفساري التكاسي اللي بالشارع موجوده بكل مكان ؟ وبالمولات هل لهم مكان مخصص ؟ وأنا جيتي للكويت بحضر حفلة لأحلام وخايفه تنتهي بوقت متأخر وما الاقي عند مركز الشيخ جابر الأحمد الثقافي ! + المطاعم الله لايهينكم خبروني الألذ فيهم ماعليكم أمر ومشكورين وااااايد مقدما :e329::e329: |
اقتباس:
حياج الله في ديرتج بالنسبة لكريم موجود في الكويت .. والتكاسي متوفره بالشارع وبكثره وبالمولات تلقينهم عند المداخل راح اتحصلين عند مركز الشيخ جابر و في تكاسي تحت الطلب تتصلين عليهم و يكونون عندج.. مممم المطاعم وايد عدي وخربطي بس انتي شنو نوع الاكل اللي تحبينه و ان شاءالله نقدر انساعدج في الاختيارات |
|
ربي يحييك حبيبة قلبي :e328::e328: :49::e329:اي ادري ان كريم موجود بالكويت بس قليل جداً واكثر الأوقات ما فيه عشان كذا سئلت .. زين الله يطمن قلبك بس التكاسي اللي تحت الطلب شلون اتواصل معهم ؟ والمطاعم عادي مافي شئ معين قوليلي اللي تحبيه |
اقتباس:
ان شاءالله اتحصلين كريم تحت الطلب اخذي كروتهم من الفندق قولي له ابي ارقام تكاسي تحت الطلب ويعطيج أرقامهم قبل ما تطلعين من اي مكان تطلبينهم على ما يوصلونج .. ممم المطاعم مثلا عندج wok n roll في الجابرية ( ياباني بس خليجي :) سلايدر ستيشن slider station مقابل قصر السيف هبره في الديره مقابل البورصه ( ستيكات و لحوم ) كوكو روم caco room في دار الاوبرا - ريوق ممتاز بس لازم مبجر لان زحمه كاشونه البيت ( كويتي ) الاوبرا - 360 mall - الافنيوز ترباني ( ايطالي ) في مروج بك يو ( حبيب القلب ) صحي لذيذ افرعه عنده بالديره شارع الدروازه و شويخ صوب التلال .. والروب بالنكهات لذيذ [emoji174] Breakfast club في برج كيبكو الريوق [emoji1417][emoji1417] ميس الغانم عالبحر لبناني فيلا فيروز لبناني الافنيوز Table Otto حديقه الشهيد ريوق تيرازو terazzo ايطالي حديقه الشهيد الاكل حلوو الموقع حلوووو هذيل اللي طروا على بالي وفيهم غيرهم وايد دشي قسم المطاعم في البوابه و شوفي Sent from my iPhone using Tapatalk |
| الساعة الآن 04:55 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO