|
محتاجه رايكم بأفضل الفنادق بسم الله الرحمن الرحيم السلام عليكم ورحمة الله وبركاته انا عندي سفرة سياحيه للكويت ان شاءالله على الاسبوع الجاي واحنا عايله بدون اطفال ... الله يجزاكم خير انا رتبت اغلب امور سفرتي من المنتدى واطلعت على بعض المعلومات .. لكن ينقصني الفندق ... حبيت احد يفيدني بأفضل فندق يكون قريب من المولات ؟ ويكون حلو ونظيف وبالنسبه للجو كيف عندكم بالكويت ، ينفع للسياحه يعني والا نأجل الموضوع شوي؟؟ مشكورين جميعاً |
وعليكم السلام حياج الله في ديرتج الثانيه الجو الله يحفظج اقدر اقولج الله يجيرنا من نار جهنم والحمدالله ع كل حال 🔥☄☀😅 |
اقتباس:
|
حياكم الله في الكويت لكن الجو حار جدا مافي مجال للجلسات والتمشي بره لابد من الاماكن المغلقه اذا في مجال تأجلون افضل يكون الجو تعدل تبون تسكنون باي منطقه؟ عشان نذكرلكم الفنادق |
المشكله ان اجازتي من الدوام جتني في هذا الوقت ولازم ازور الكويت ، انا خاطري نسكن في السالميه لكن مو عارفه اذا هي منطقه حلوه والا فيه اماكن افضل ، اهم شي يكون المكان الي بنسكن فيه قريب من المولات والمنطقه تكون كويسه |
حياكم الله الياسمين الجو مثل ما تفضلوا خواتي حر و الحمدلله لكن مافي رطوبة .. الفنادق ممكن ارشح لج غراند ماجستك في قلب الكويت و ادمز في بنيد القار و سيمفوني في السالمية على البحر و بودل في السالمية شارع المطاعم وفي غيرهم |
انا من رايي لو تأجلونها الى نص سبتمبر او اخره الجو يكون وايد الطف و تقدرون تقعدون برا |
اقتباس:
|
موفنبيك السالميه عنده مطاعم وكافيهات الجميرا راقي فندق المارينا موقعه حلو وافضلهم على البحر وقريب عنده مرسى اليخوت ومارينا كريسنت اللي يتصل بجسر مع المارينا مول للتسوق والسينما |
| الساعة الآن 10:32 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO