|
أفيدونا بخيارات السكن والحجز من الآن بنهاية ديسمبر السلام عليكم ورحمة الله وبركاته وطابت أوقاتكم بالخير والمسرات لدي رحلة عائلية مكونة من اربعة افراد وطفل ولاأول مرة يحصل لي الشرف بزيارة الكويت الشقيقة ومحتار بين عدة تسأولات مدة سفري بنهاية ديسمبر لمدة اربعة أيام 1- رغبتي في سكن قريب من اسواق المباركية أو المناطق القريبة لها . 2- هل أحجز من الآن لأنني متخوف من عيد راس السنه أو أجحز لدى وصولي . 3- رغبات ومواصفات السكن شقة تكون غرفتان وصالة 4 - لا أستغني أحبتي وأخواني عن أي أقتراح أو توجيه خصوصاً أنها لاول مرة زيارة الكويت وزيارة عائلية ولا أعرف شيئاً بارك الله فيكم وجزيتم خير الجزاء ورزقكم من خيري الدنيا والآخرة وجعل مثوانا ووالديكم الفردوس الأعلى |
وعليكم السلام انا كنت بالكويت من يومين وسكنت في سرايا بريم سويت الايجابيات : الفندق جديد ونظيف وموقع استراتيجي خمس دقايق سياره انت بالمباركيه والبحر قريب منك وسوق شرق تطلع الشارع العام امامك معاملة الموظفين جدا ممتازه كان وصولي متاخر الساعه سبع المغرب كانو مجهزين كل شي لتسجيل الدخول مجرد ماوقعت ودفعت الايجار ودخلت والخروج ايضا سلس والخدمات تحت الفندق من مطاعم وبقالات كل شي حولك السلبيات : 1-الفندق مافي فطور ولا مطعم لكن مثل ماذكرت كل شي تحتك اللي احس انه مهم ومو موجود هو لايوجد لبتن او كوفي في الفندق فقط يوضع علبتين ماء يوجد مطبخ تحظيري فيه غلايه ومايكرويف وفرن كهربائي وثلاجه صغيره فيه صحنين وكاسين ومعالق ومقلاه وجدرين يعني ينفع تسوي لك فطور اذا حاب 2- السلبيه الثانيه ان عدد المواقف قليل اذا جيت متاخر توقف بعيد او تعطيهم المفتاح يوقفونها لك ويخلون المفتاح عندهم في حال احد بيطلع يحركون السياره 3- يوجد اعمال بناء قريبه من الفندق واصلاحات على الشارع العام لكن لم اواجه اي ازعاج 3- الغرف صغير قليلا والاسره اصغر مما تعودت الحجز كان جناح تنفيذي وهو عباره عن غرفتين نوم http://www.booking.com/Share-weRujz سعر الحجز كان ليلتين ب 851 ريال شامل الضريبه لكن السعر يرتفع بوقت سفرك لان موسم وعندهم غير راس السنه اليوم الوطني في نهاية شهر ديسمبر رايي تحجز من الان وهذي بعض الخيارات اللي كنت مخططه عليها مارينا رويال سويت وهو بالسالميه بعيد شوي عن المباركيه لكن المشوار عشرين دقيقه او ربع ساعه حسب الزحمه الخيار كان استوديو ديلوكس http://www.booking.com/Share-odn7WK والخيار الاخر هو سيتي تاور موقعه ممتاز وقريب من سوق المباركيه غرفه متصله وفي شقه غرفتين نوم لكن اغلى http://www.booking.com/Share-7SIuWu هذا الخيار بعيد شوي عن سوق المباركيه لكن اذا معاك السياره يعتبر خيار ممتاز نظيف وجديد وسعره لفضل من غيره http://www.booking.com/Share-nuqaeV بالتوفيق تم الإرسال من SM-G935F باستخدام Tapatalk |
الله يجزاك خير أختي كفيتي ووفيتي هل يتوفر أختي غرفتين وصالة لأني أجد خيار الوصول الى شقة بهذه المواصفات فكرما لاآمر توجيهي بهذ الخصوص لاحرمت الآجر مضاعفاً |
أختي اقتراح إذا لك خبرة في منطقة حولي |
الخيارات اللي حطيتها كلها فيها خيارات شقه غرفتين نوم او جناح غرفتين نوم مثل اللي سكنتها والطفل ممكن تطلب سرير طفل مجاني بالتوفيق تم الإرسال من SM-G935F باستخدام Tapatalk |
اقتباس:
ما ادري اذا الروابط شغاله تمام او اعدلها لك تم الإرسال من SM-G935F باستخدام Tapatalk |
الله يجزاك خير أختي وضحت الصورة الأن والرابط شغال الله يعطيك الصحة والعافية كفيتي ووفيتي |
ما قصرت عشقي السفر في الرد و اختيارها للفنادق حلوو وعندك دلال ستي في السالمية ممتاز تقريبا 20 دقيقه بالسيارة عن المباركية و ادمز في بنيد القار تقريبا 10 دقايق بالسيارة عن المباركية وفي قسم الفنادق كاتبة عن دلال ستي و عن فنادق ثانية .. يفضل الحجز من الحين لان يصادف عطلة راس السنه و اعتقد عطلة المدارس في السعودية فماشاءالله زوارنا وايد انتورنا و اتشرفونا و حياكم الله |
اقتباس:
|
اقتباس:
أختي المعذرة عدة استفسارات والمجال مفتوح للرد ولكن بما أنك زرتي الكويت في فترة قريبة كم ترشحين لي ميزانية يومية من غير السكن بالدينار الكويتي تمشية وتسوق ولو شيء تقريبي ؟ بحكم خبرتك لاربعة بالغين هل في وقت 26-30 ديسمبر مناسبات كوطنية وغيره ؟ وجزاك الله خير الجزاء ولمن رد وتابع الموضوع |
| الساعة الآن 01:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO