|
سفره عائليه ومحتاج نصايحكم اخواني واخواتي اعضاء هذا المنتدى الرائع اسعد الله صباحكم/مساءكم بكل الخيرات بكره ان شاء الله طالع من الرياض لبلدي الثاني الكوبت طبعا من بدايه هذه السنه تعتبر هذه ثالث سفره لي للكويت ولكن هالمره طلعه عائليه وعائليه فيها الوالده الله يحفظها وفيها اطفال ايضا يعني وش الاماكن الي تنصحوني فها السكن في السالميه القدوم يوم الاربعاء وحتى يوم السبت الاماكن الي جت ع بالي المباركيه & مركز جابر الاحمد الصباح الثقافي وابي نصايحكم طبعا الافنيوز من ضمن الاماكن الي بروح لها وكذلك المارينا بحكم قربه من السكن |
مركز عبدالله السالم الثقافي يبيله اقل شي نص يوم ويوم اليمعه ممكن تقضونه في مزرعة البحيرة الزرقا في منطقة العبدلي متحف العثمان من المتاحف الحلوه نادي الرماية ومنها اتعشون ويلعبون اليهال في مروج بنفس المنطقه مارينا كرسنت في بنفس شارع الخليج العربي طراريد للتمشي هذي بعض إضافاتي وإذا تبي اي شي بعد اقدر اضيف لك ان شاءالله وحياكم الله بيتكم ومكانكم انت والأهل Sent from my iPhone using Tapatalk |
مشكوره اختي بس وين مكان بيع الدراريع عشان الوالده وهل فيه اماكن تناسب الوالده ابي اوديها لافضل الاماكن لانها اول مره تجي للكويت |
سوق شرق وابراج الكويت وتراها حول بعض والدراريع تباع في سوق العربيد في الفراونية جنب الجمعية ورحلة موفقة |
العفو عندكم البلوكات في الديرة قريب حيل المباركية اسمه سوق الصفاة فوق خياييط وعندهم تشكيلة دراريع بس هالله هالله بالمكاسر انزلوا الاسعار معاهم .. الابراج زيارته والعشا او الغدا او الريوق فيه روعه بصراحة |
مشكورين وماقصرتو ان شاء الله اليوم ماشي بس كيف الجو بشكل عام هل هو معتدل ولا بارد حبتين |
اقتباس:
لا معتدل وايد باليل حلووو وموسم سرايات Sent from my iPhone using Tapatalk |
لا تنسى المباركيه المطاعم والنافوره بمركز جابر الاحمد الاوبرا البحيرة الزرقاء حلوه بس بعيده ما انصحك راح يضيع يومك كله الدراريع سوق الصفاة البلوكات قريب المباركيه العربيد الفروانيه مجمع مكة في العقيله عند الغيت مول وانصحك بالغيت مول بعد مول حلو والاسواق الشعبيه القريبه منه بضاعتهم حلوه من عبي ودراريع وملافع ومواعين الاماكن للتمشي حديقة الشهيد بالديره وخاصه القسم الثاني عند النافورة ومجسمات الكويت والمتحف فيه حديقة البوليفارد بالسالميه فيها مول صغير يلعبون العيال وتتسوق الحريم وبعدين تتمشون بالحديقه وفي العاب خارجيه وقريب منه مجمع السالميه الاحمر تلاقي فيه التسوق ممتع وبعد فيه العاب وسيتي سنتر هايبر ونتمنى لكم رحله ممتعه |
مشكورين وما قصرتو الحمد لله السفره كانت حلوه |
الحمدلله انها كانت حلوه قول لنا شنو اكثر شي عجب الوالده :) وحصلتو الدراريع اللي تبونها ؟ |
| الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO