|
اجازة يومين في الكويت السلام عليكم عندي رحلة يومين للكويت خلال شهر 7 والسكن حيكون فندق ايبس في السالمية بصراحة من الاماكن اللي عاوز ازورها سوق المباركية كم يبعد عن الفندق وكم تكلفة المواصلات من الفندق للسوق وهل يوجد فيه مطعم فريج صويلح؟وافضل وقت لزيارة السوق متى الصباح او المساء؟ايش في اماكن اخر ممكن زيارتها خلال اليومين ياريت ذكر الاماكن ومميزاتها ومدى بعدها من الفندق وتكلفة المواصلات من الفندق للاماكن ؟وين موقع الكورنيش ؟مشكورييين |
اقتباس:
الأفضل زيارة السوق في المسا النهار حر مسافة الطريج تقريبا 10 دقايق اعتقد التاكسي يأخذ بحدود دينارين والباص 200 فلس فريج صويلح في بالسالمية بنفس شارع فندقك وفي بالمباركية انصح بزيارة متحف بيت العثمان في حولي يبعد تقريبا 8-10 دقايق زيارة ابراج الكويت وتبعد بعد 10 دقايق أو اقل إذا كنت من محبين البحر والأنشطة البحرية عندك واجهة المارينا فيها أنشطة بحرية اكتفي بهذا القدر لزيارتك السريعة |
قريب منك المركز العلمي والاكواريوم ومركز عبدالله السالم الثقافي الكورنيش عندك مارينا كريسنت وهو تابع لمول المارينا بينهم جسر مكان جميل وحياك الله تنورونا |
فندقكم مطل على البحر وفريج صويلح قريب منكم وايد البستان الفنار ليلى غاليري المارينا هذه كلها مولات قريبه جدا من فندقكم حياك الله بالكويت Sent from my SM-G965F using Tapatalk |
رد مشكورين عالردود عندي كم سؤال ايش المول اللي ترشحوا ازوروا خصوصا انوا الكويت معروفة بكثرة المولات مع توضيح المسافة من الفندق .بالنسبة لابراج الكويت هل يمكن الصعود لقمة البرج ايش الانشطة عند الابراج ,مطعم فريج صويلح هل يعتبر الافضل او في اقتراحات اخرى مع العلم الزيارة فقط يومين , يعني بخليها فريج صويلح والمباركية وابراج الكويت ومول من ترشيحكم ,والبحر مقابل الفندق.لو حاب اخد لفة عالكويت بالتاكسي كم تاخد وقت وكم ممكن تكلف ,هل تفضلوا الخروج الصباح او النهار او في الليل .اذا عندكم اي اقتراحات على برنامجي ياريت تفيدوني ,ومشكورين عالردود |
اقتباس:
العفوو المول الأكبر والأهم الافنيوز من السالمية إلى منطقة الري تقريبا 15 دقيقه اي نعم تقدر تصعدها فيها مطعم وفيها كافيه وتقدر تصعد وتشوف من غير مطعم.. صوبها paintball حرب الأصباغ والمدينة المائية أكوا بارك في مطعم درب الزلق في المباركية لمطعم لولد عبدالحسين عبدالرضا وفيه مقتنايته الأصلية في المسلسل ومطعم بيتوتي كويتي في المباركية بعد عليه مدح صعبة تأخذ لفه عالكويت من شمال إلى جنوب ووسط مكلف وغير إذا حاشتك زحمه يفضل الصبح والظهر ترجع تريح او تدخل مول والعصر من الساعه 5 Sent from my iPhone using Tapatalk |
المارينا مول من الفندق تاكسي او مشي؟ |
اقتباس:
تقدر مشي بس الجو حااار الا إذا حسيت انك قادر تمشي عادي Sent from my iPhone using Tapatalk |
رد السلام عليكم ورحمة الله وبركاته والنعم باهل الكويت اللي ماقصروا معايا في المتتدى الحمدلله زرت الكويت وكانت زيارة خفيفة لمدة 3 ايام سكنت بالقرب من ميدان حولي ,وزرت الاماكن التالية: 1-مطعم فريج صويلح مطعم جيد واسعاروا مفبولة والخدمة ممتازة. 2-سوق المباركية عجبني كثير سوق منظم ومرتب واسعاروا مقبولة والمشي في جميل 3-الافينيوز مول جميل وراقي والمطاعم في متنوعة وجيدة والاسعار جيدة 4-المارينا مول صراحة مول اقل من عادي واتوقعت اني حنبهر في بس شفتوا عادي جدا للاسف الشديد ماتمكنت من زيارة الابراج وعندي زيارة قادمة للكويت قريبا لمدة 3 ايام كمان ,سؤالي ايش تنصحوني بالزيارة غير الابراج لانوا الابراج حتكون اول مكان اروحوا واي وقت مناسب لزيارة الابراج وهل في مناطق حول الابراج تستحق الزيارة؟وهل في مطعم مناسب للفطور؟ وهل يوجد مطعم يقدم مطبق زبيدي قريب من الابراج؟ ملاحظات عن الرحلة: البلد حلوة بناسها ووكل شي فيها والتعامل من المطار حتى العودة كان جميل بس الجو كان حار جداا ,غلاء المواصلات نوعا ما في البلد,الاكل بصفة عامة اسعاروا مقبولة والطعم ممتاز |
اقتباس:
المارينا اللي يشفع له موقع المارينا كريسنت اللي على البحر .. احسن وقت للابراج الصبح او قبل المغيب المنظر وايد حلو مطبق زبيدي عندك الشمم في المباركية حياكم الله في ديرتكم اماكن يجب زيارتها : - متحف بيت العثمان ( وايد حلو وممتع ) انصحك في زيارته - مركز عبدالله السالم الثقافي ( 6 متاحف فيه ) اذا كنت من محبينهم .. - حديقة الشهيد المرحلتين ( وايد حلوه قبل الغروب مع النافوره وفيها مطاعم حلوه ( انصح في زيارتها ) - مركز الشيخ جابر الاحمد الثقافي ( دار الأوبرا ) وفيه مطاعم ممتازه والنافورة وعروض في المسارح يتم الاعلان عنها في موضوع الانشطة تلقاه مثبت في بوابة الكويت هذا موضوع الانشطة يرجى الاطلاع عليه بين فترة واخرى https://www.arabtrvl.com/vb/t39226.html ارشح مطعم كوكو رووم لكل الأوقات بس زحمه عليه المطعم ودور وخصوصا الريوق عنده ممتاز .. في الاوبرا - تأجير طراد عند مطعم مركز سلطان على البحر ويتمشى فيكم ( انصح فيهم ) وخصوصا قبل المغيب - المقاهي الشعبيه مثل مقهى الشميمري في شرق و مقهى السالمية على البحر قريب مارينا - مجمع ميادين للرماية في منطقه صبحان بنفس منطقه مروج (مروج عباره عن مكان مفتوح فيه مطاعم وكافيهات والعاب للاطفال والحين الجو وايد تعدل فالقعده برا حلوه فيه. - مجمع الكوت وايد حلو لو تروحون الصبح وفي قعده عالنافوره المطاعم : - لنش روم ريووق لذيذ وكل الأوقات بس الريوق الذ lunch room - سلايدر ستيشن - ترباني إيطالي ( في مروج ) وحياكم الله |
رد السلام عليكم,مشكورررة اختي عالرد والتفاعل ماشاءالله الاماكن دي يبغالها اسبوع واكثر بالنسبة للابراج هل بعد زيارة الابراج يمكن التمشي حولها اقصد هل المنطقة منطقة مطاعم بحر وتنزه,وايش افضل الاماكن بالقرب منها |
تنورونا مره ثانيه وما قصرت ابرار |
الكويت عشق والدتي الله يحفظها |
اقتباس:
ربي يحفظكم |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO