فزعتكم ياخواني وخواتي الكويتين
 

انا جيت الكويت من السبت ولاعندي خلفيه كافيه عن الاماكن السياحية
وزرت فقط هالاماكن، وين تنصحوني اروح اليوم ما ابغى اروح مكان رحت له من قبل ، ابي شي حلو مع العلم احنا عائله من الرياض بنتظر ردودكم ياغالين❤❤
هذي الاماكن⤵ اللي زرتها وما ابغى اكررها ابي شي جديد
1-الافنيوز
2-وسوق شرق
3-وسوق المباركية
4- متحف شرطة الكويت
5- ابراج الكويت
6- المركز العلمي
7-وسوق ديسكفري

حياكم الله في ديرتكم

اماكن يجب زيارتها :

- متحف بيت العثمان
- مركز عبدالله السالم الثقافي
- المباركية
- الابراج ( تشوفون الكويت من فوق ) وفيها مطعم إذا ناوين تأكلون في البرج
- حديقة الشهيد المرحلتين
- دار الأوبرا وفيها مطاعم ممتازه والنافورة الحلو وعروض في المسارح وحاليا في سيرك عالمي و
ارشح مطعم كوكو رووم لكل الأوقات بس زحمه عليه المطعم ودور
- تأجير طراد عند مطعم مركز سلطان على البحر ويتمشى فيكم
- المقاهي الشعبيه مثل مقهى الشميمري في شرق و مقهى السالمية على البحر قريب مارينا

- مجمع ميادين للرماية في منطقه صبحان بنفس منطقه مروج

- مجمع الكوت وايد حلو لو تروحون الصبح وفي قعده عالنافوره

المطاعم :

- لنش روم ريووق لذيذ وكل الأوقات بس الريوق الذ lunch room

- سلايدر ستيشن

- ترباني إيطالي ( في مروج عباره عن مطاعم والعاب)

وحياكم الله

هذا موقع مركز الشيخ جابر الثقافي ( دار الأوبرا )
تقدر تحجز اونلاين للسيرك إذا حابين او من المسرح

https://tickets.jacc-kw.com/