|
زياره للكويت سريعه السلام عليكم .. أخواني لو تكرمتوا أبي جدول لمدة 3 أيام فقط بداية من بكره إلى يوم الخميس : الجدول للمطاعم والكافيهات وأماكن السياحه لزوجين يفضلون الأماكن الهادئه تم حجز السكن بالسالميه شقه مطله على البحر لكم جزيل الشكر :e303: |
وعليكم السلام ورحمة الله وبركاته اخي ماجد رحلة سعيده أن شاء الله مايقصرون الأخوان خاصة اهل الكويت الموقع الي اخترتة ممتاز جدا وكل الخدمات حولك و الانطلاقة منها للأماكن التي ترغب تزورها سهلة بالنسبة للأماكن أبراج الكويت سوق المباركية متحف الكويت. اذا انت من هواة المتاحف الأفنيوز مارينا مول الكويت المطاعم فريج صويلح مطعم شمم المباركية مطعم عبدالوهاب وفيه مطاعم كثيره في مارينا وعلى الكورنيش منها بابل ونتمنى لكم رحلة موفقة تم الإرسال من SM-N960F باستخدام Tapatalk |
سلمت أخوي ما قصرت ويعطيك العافيه :e032: |
تنور الديرة بقدومكم السالمية حلوة للسكن وخاصة مطل على البحر بالتوفيق الاماكن لزوجين يحبون الاجواء الجميله بالنسبة للمطاعم والتمشي ويمكم مول المارينا وفيه جسر يوصلكم للمارينا كريسنت مرسى ومطاعم حلوة تتطل على المرسى 1- مطاعم الاوبرا الكويتيه 2- منطقة مروج 3- البدع وارابيلا 4- وفي منطقة ابوحليفة مطاعم العاشرة 5- ابو الحصاني كذا مكان للمطاعم على العموم كل الطريق من الفحيحيل للسالمية تلاقي مجمعات للمطاعم الاماكن عندك الاسواق والمولات الافنيوز الكوت ومول360 |
شكراً إختي أم حسين والديره منوره بكم و بأهلها الكرام :e032: |
حياكم الله في ديرتكم عندك نادي الرمايه حلو للتجربه في منطقة صبحان وقريب منه مروج فيه مطاعم حلوه منها مانا - ترباني- اوبون- شوكلت بار متحف بيت العثمان وايد حلو خصوصا قسم الاعلام .. رحله بحريه تاخذونها من صوب مارينا كرسنت وقت الغروب او من صوب مطعم مركز سلطان اللي عالبحر زيارة حديقة الشهيد وفيها كافيهات على النافوره وفيها متاحف مركز الشيخ جابر الثقافي" دار الاوبرا " حاليا مافي فعاليات بس في مطاعم وكافيهات على النافوره وتشتغل من الساعه 5 م . سينما الكلاسيك في الكوت كتجربة لمشاهدة الافلام الكلاسيكيه القديمه المطاعم وايت روباتا لذيذ وغالي كوكو روم انا احط المطاعم اللي اصحابها شيف كويتين وانتوا لكم طبعا حرية الاختيار اذا تحبون تلعبون بولينغ في نادي البولينغ الكويتي في السالميه طبعا المولات اذكرتهم ام حسين من المطاعم اللي بعد تابع شيف كويتين Lunch room في منطقه شرق و في مول 360 مطعم هبره في المباركيه و الافنيوز بك يو اكل هيلثي كل مكان تحصلونه الفروزن يوغرت لذيذ احلى واحد في الكويت وعلى حسب النكهه اللي نازله حاليا .. مطعم c15 لكونسبت موجود في منطقة الشويخ الصناعيه وفي حواليه محلات ومطاعم ليزي كات مقابل قصر السيف للشيف احمد الزامل " ريوق" اورا في الافنيوز سان ريستورانتي في الشعب والافنيوز وعليه زحمه بس اذا مبجر وقت الغدا اوك اسواق بأسعار متوسطه سوق السالميه الاحمر - مجمع النقره الشمالي - فاشن مل - الاصيل هذا كل اللي في بالي حاليا |
وفي بعد غرف الالغاز في مجمع بوليفارد قريب من متحف بيت العثمان وفي مجمع سيمفوني في السالميه وفي ركوب الامواج cablepark في الجزيره الخضرا |
قواج الله ابرار خوش اماكن |
اقتباس:
|
جتك معلومات ياماجد لو سكنت الكويت شهر ماجمعتها :32::32: انطلق |
| الساعة الآن 03:17 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO