|
يومين في الكويت السلام عليكم ورحمة الله وبركاته شخباركم عساكم بخير ؟ لو سمحتم ابا مساعدتكم عندي كم سؤال ما هي افضل منطقة لسكن تكون قريبة من الاسواق ؟ وين تنباع الدراعات الكويتية ؟؟ ما هي افضل الاسواق " مانبي مولات تسدنا مولات دبي" نبي اسواق شعبية بس لو الدراعات بالمولات ياريت تذكرون باي مول وشو افضل محل ؟ افضل المطاعم ؟ شو الافضل الاعتماد ع التاكسي او نستأجر سيارة ؟؟ وشكرا مقدماً |
رد: يومين في الكويت هلا والله اللي بتنور ديرتنا السكن وين ماتبين بيكون قريب لان الكويت صغيرة والافضل منطقة السالمية للسكن الدراعات يا حلوووة بالبلوكات بالديرة تلاقين جاهز عند الخياطين وتلاقين تفصال بس يطول التفصال الا اذا قلتي لهم انا بسافر يمكن يخلصونها لج البلوكات بالديرة عندج بالفروانيه مجمع العربيد فيه بعد محلات الدراعات اي دراعة تبينها من المعروض يفصلون لج بس مثل ما قلت لج الحين الطلب على الدراعات علشان رمضان فبيطول التفصال في معارض لدراعات ولرمضان والحين في معرض بارض المعارض وغيره مادري في والا لأ بس معارض الحريم وايد غاليه بس تحصلين شي حلوو المهم السيارة لو تأجرون سيارة افضل لكم عن التكاسي لان يبيلج كل شوي تروحين مكان والتاكسي يكلف وان شاءالله البنات بعد يردون عليج هني |
رد: يومين في الكويت وعليكم السلام ورحمة الله وبركاته حياكم الله في بلدكم الثاني الكويت راح تنورونا مشرفتنا الغالية وماقصرت اختنا الغاليه ام حسون معاها السكن بالسالمية والبدع ومعارض ومحلات الدراعات عندج البلوكات وفيها محلات تبيع جاهز مثل التراث الهندي خام وجاهز و مثله ميسون وفوق خياطين ممكن يبيعون لج جاهز والعربيد والمعارض انتم ان شاءالله متى لأنه في الافنيوز معرض للمواهب الشبابية يبيعون فيه تصاميم دراعات في قاعة البرستيج الافنيوز بس حسافه خلص في يخلص واحد يفتح الثاني وحتى في مول 360 فيه و الفنادق مثل هيلتون وميسوني فيه معارض ان شاءالله لي رجعه للإفادة ان شفت وصح في مجمع اسمه الاوقاف في الديرة كله محلات دراعات مثل اليشمك موجود فيه دام يومين لكم تخلونه مع البلوكات والمباركية ان رغبتم بالمباركيه وسياره افضل من التاكسي وان شاءالله يفيدون اكثر خواتنا المشرفات ورحلة موفقة |
رد: يومين في الكويت ماقصروا الأخوات الله يبارك فيهم وحياكم الله في ديرتكم |
رد: يومين في الكويت اقتباس:
وان شاء الله لنوينا جد جد جد نتمنى شوفتج :(39):غرنا من هولمز :(2): الله يحفظج يالغالية |
رد: يومين في الكويت اقتباس:
مشكورة حبيبتي ما قصرتي امين الله يسمع منج الله يحفظج |
رد: يومين في الكويت اقتباس:
اي جزاهم الله خيررررررررررر الله يحيك ويبقيك اخوي شكرا ع المرور في حفظ الله |
رد: يومين في الكويت اقتباس:
اخذيها مني نصيحة المعارض اغلب دراريعهم من البلوكات والسعر دبل 3 مرات او اربع بالبلوكات سعر الدراعة 25 او 30 نفسها بالمعارض 100 وفوق المهم انتي شوفي وقارني لا تستعجلين بالشراء وبعدين اصلا احنا صرنا من معالم الكويت ان ما شفناكم ولا شفتونا كأنكم ما جيتوا الكويت هههههههه نتشرف بشوفتكم صج انتو وكل الاعضاء حياكم تنورونا |
رد: يومين في الكويت اقتباس:
ان شاء الله حبيبتي اكيد ناخذ بنصايحكم فديتج مشكورة ما قصرتي مشكلتي لو شفت شي وعجبني لو الف واشوف احلى ما اقتنع الا باول شي شفته مخي تنك :dunno: الشرف لنا فديت قلبج .. والله يحيج ويبقيج اول ما عرضت اختي علي الموضوع قلت لها اروح بشرط اشوف ام حسين ولا ماني رايحه :200: :(114)::(114)::(114)::(114): |
رد: يومين في الكويت عناقيد حياكم الله بين اهلكم السكن عندكم بنيد القار - السالمية - البدع المعارض ماشاءالله تارسه الديره لتجهيزات رمضان وتابعي موضوع الانشطة احط كل شي فيه الاسواق ماقصروا ام حسين وهدوء وبضيف عليهم في مجمع اوتاد بالعقيله عندهم نفس الدراريع اللي في البلوكات والعربيد واسعارهم ارخص بعد وحتى سوق السالمية يبيعون دراريع والخياطيين ممكن يفصلون لج اذا قلتي لهم مستعيلة والمعارض في تصماميم كويتيات بس نوعا ما الاسعار مرتفعه انا افضل تأجرون سياره احسن من التاكسي المطاعم دشي قسم المطاعم وطبي وتخير - وانتوا شنو تفضلون اكل عشان نعطيكم اسامي مطاعم وحياكم الله |
رد: يومين في الكويت ياحيف للأسف توني انتبه ع سؤالج ماعليه مره ثانيه بفيدج ياقلبي ونورتي بالدي الكويت يالغاليه |
رد: يومين في الكويت اقتباس:
وتسلمين ع الرد دمتي بحفظ الرحمن |
رد: يومين في الكويت اقتباس:
ما قصروا الخوات يزاهن الله خيرررر النور نوركم فديتج يلا خيرة زين اجلناها يمكن نقابلج :200: تسلمين ع المرور دمتي بحفظ الرحمن |
رد: يومين في الكويت عناقيد حياج الله الدار دارج واحنا ضيوف عندكم والساعه المباركه اليوم اللي تيون ونشوفكم فيه عاد علميني قبلها |
| الساعة الآن 01:36 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO