|
بعض الصور والسوالف من زيارتي للكويت 2015 السلام عليكم حيا الله الجميع وخاصة رواد ومتابعي بوابة الكويت :(125): في تاريخ 23-3-1436 هـ - 14-1-2015 م وبالتحديد في اجازة منتصف العام الدراسي حبيت اطلع انا والمدام سفرية خفيفة لاحد الدول القريبة بدون الاولاد الله يصلحهم ، يعني ابو 4 او 5 ايام .. وين نروح ؟ مكة بس التوسعة في الحرم لسى ما خلصت وزحمه ،، خاصة اننا رحنا قبل فترة قريبة ولا استمتعنا بمكه واجوائها الروحانية بسبب الزحمه فقلنا نخليها لما تنتهي اعمال التوسعة ويفتح المطاف بالكامل طيب دبي .... اممم دبي غالية ومشوار بالسيارة ورايحين لها كثير قطر امممم ما زرناها قبل وحسب ما سمعنا انها في بدايات التطور وماشيه على خطى دبي ،، لكن يقولون الاجواء فيها هادية ولا فيها اكشن امممم الكويت ... الكويت اقرب بالسيارة والجو مناسب والديرة حيه حسب ما نسمع .. قطر او الكويت ... قطر او الكويت وفي الاخير قررنا نروح لدانة الخليج :(127): طبعاً ما كان في بالي اسوي تقرير ولا اخذت الكاميرا نهائياً ولا استخدمنا النت الا في الفندق لسبب اننا حابين تكون الرحلة استجمام والبعد عن الالتزامات العائلية وننحاش شوي من التقنية والاجهزة الذكية :(158): . لذلك راح انزل بعض الصور اللي اخذتها بالايفون ونشارك البوابة بهالموضوع اللي لعله يشفع لنا عند حبايبنا في بوابة الكويت ويعذرونا على القصور بسبب عدم التخطيط . جهزنا اغراضنا وشيكت على السيارة .. وخزنت في القارمن احداثيات المواقع السياحية في الكويت . وتوكلنا على الله مع شقة النور .. طبعاً انطلقنا من ديرتنا (عودة سدير ) واخذنا طريق المجمعة ومنها لحفر الباطن الى منفذ الرقعي والاجواء في هالفترة كانت خيال .... غيم ومطر وبراد صورة من الطريق وصلنا الحدود وتمت الاجراءات بسهولة ويسر ودخلنا الكويت .. طبعاً عندي حجز في فندق لاقونا في السالمية واللي حسب ما قريت انها افضل الاماكن من حيث الموقع والمرافق السياحية . وقطعنا تقريباً 100 كيو على ما وصلنا للدايري ومنه الى السالمية وعلى الظهر صرنا في الفندق .. اول الانطباعات عن الكويت اني ما حسيت اني طالع من السعودية .. نفس الشوارع ونفس التنظيم حسيت اني في الخبر او شي زي كذا . طبعاً غير احساس اني في بلدي وبين اهلي .. وصلنا الفندق واستلمنا الغرفة وهذي اطلالتها وتظهر منطقة المارينا وشارع الخليج العربي والبحر الفندق جيد بشكل عام ونظيف وموقعه ممتاز .. حجزي كان سويت لاني قريت في التقييمات في بوكنق ان الغرف ضيقة شوي .. والحمد لله توفقنا فيه بالرغم من ان الافطار محدود . طلعنا نتغدى وقالوا لنا الشباب في الرسبشن ان مطعم فريج صويلح حذفة عصا عن الفندق ورحنا له .. دخلنا المطعم زحمه شوي وجلسنا انتظار الى ما جانا الدور وتغدينا الحمد لله ... المطعم سمعت عنه كثير وفكرته حلوة لكن يحتاج تطوير شوي في الجلسات والاكل . صورة للمطعم من برا راح اذكر الاماكن اللي زرتها مع بعض الصور الاسواق رحت الافينوز واللي اعده من افضل اسواق الخليج بدون مبالغه .. رحت للمباركية وجداً اعجبني لاني احب الاسواق الشعبية . رحت لسوق شرق جيد .. والمارينا مول جيد .. وكنت بروح لمول 360 لكني الغيته من القائمة ورحت للافينوز مره ثانية لانه يستاهل رحت للمركز العلمي .. جميل ومناسب اكثر للاطفال رحت لمنطقة المارينا الصباح كله كفيات ومطاعم رايقه عالبحر صور منها فيه اماكن زرناها لكن للاسف ما صورت فيها :(59): قبل لا اختم الموضوع حبيت اقول ان المسلسلات الكويتية للاسف لها دور كبير في تشويه سمعة الكويت واهلها .. الصراحة كنت راسم فكره عن الكويت ولما زرتها طلعت غلط والبلد محافظ والناس غالبيتهم محافظين ما ادري ليش اللي يسوون المسلسلات يصورن للمشاهد اشياء غير صحيحه !! صحيح ان رحلتنا سريعة لكن الناس تعاملها طيب ولا مرت معنا مواقف مزعجة ... الا موقف واحد لشاب كويتي الله يهديه في مطعم فريج صويلح جاي وسط العوائل معه وحده اجنبية ما ودي احط في ذمتي شي لكن من لبسها وشكلها تحس انها من بنات الليل .. شكلها ولبسها مقزز والناس تضايقوا من تواجدهم الله يهديهم . هذا اللي عندي وارجو تعذروني على التقصير :(39): |
رد: بعض الصور والسوالف من زيارتي للكويت 2015 تسلم و ما قصرت كل شيء في الكويت حلو و ناسها طيبين و حليوين على قولتهم و الأحلى انك زرتها في الشتاء احلى وقت كل ما اسمع طاريها يفز قلبي شكرًا على طرح تجربتك |
رد: بعض الصور والسوالف من زيارتي للكويت 2015 ما قصرت والله الكويت حلوووووه ووقت زيارتكم حلو |
رد: بعض الصور والسوالف من زيارتي للكويت 2015 ياجمال الكويت وقت زيارتك لها موفق جدا وانت ثاني شخص بعد هولمز يلفت نظرنا لواقع الشارع الكويتي الراقي المحافظ على عكس مانشوف في المسلسلات:sly: حلوه السفريات الخفيفة لدول الخليج والاحلى انك والمدام وبس ربي يديم المودة شكرا لك وتقريرك خفيف ولطيف |
رد: بعض الصور والسوالف من زيارتي للكويت 2015 حي الله من زارنا ماشاءالله أحلى جوو وبرررد اعتقد بهالفترة على حسب ما سمعت من الأهل لان احنا كنا بسفرتنا بهالوقت حسافه ياخوي فهد چان شفناكم انت والأهل واستقبلناكم الله يديمها علينا اخوان واهل الخليج كلهم اهل وقربى اما هذا التقرير ما يشفع لكم يبيلكم زيارة ثانية بتخطيط حلوو وتقرير مزود بصور من كاميرتكم الجميله المسلسلات والشاب ما يصورون الا واقعهم هم الحمدلله اهل الكويت غييير عن ما تشوفونه بالمسلسلات ابداا واتمنى ان نشوف تقرير اخر لكم عن الكويت يعطيك العافيه اخوي ونورتونا |
رد: بعض الصور والسوالف من زيارتي للكويت 2015 اقتباس:
الكويت حلوة باهلها .. وانتم بعد حبايبنا يا اهل الامارات الله يحفظنا واياكم من كل شر مشكورة اختي على الرد |
رد: بعض الصور والسوالف من زيارتي للكويت 2015 اقتباس:
هلا بالغالي فيصل صحيح الجو جدًا خدمنا .. ودول الخليج ما تنفع الا بالشتاء تخبر الصيف ما يحتاج نقول شي ههههه |
رد: بعض الصور والسوالف من زيارتي للكويت 2015 اقتباس:
منوره اختي طوق وفعلاً كلامك في محله .. والصيف اقرب طيارة :(47): الله يسلمك ويحفظك ومشكورة على الطله الحلوة . |
رد: بعض الصور والسوالف من زيارتي للكويت 2015 اقتباس:
يا هلا بام حسين والله يحييك .. احنا في بلدنا ما يحتاج .. وانا اقول الكويت فيها شي ناقص بس وشو ما ادري .. اثاريكم مسافرين :(56): والله يا ليت شفناكم وتعرفنا على ابو حسين والعائلة كلها .. واعذرينا على القصور ما حصل نسوي تقرير لكن الزيارة الجايه ابشري بالخير .. مشكوره اختي والله يحفظكم .. |
رد: بعض الصور والسوالف من زيارتي للكويت 2015 تقرير رائع كروعة صاحبة شكرا لك فهد |
رد: بعض الصور والسوالف من زيارتي للكويت 2015 ما شاء الله كل موضوع أشوفه للكويت يزيد حبي لها وأنا حاطها أول دولة أطلع لها من المملكة لأني ما قد طلعت أصلا ومن اللي يصدق التلفزيون .. الحمد لله ماني أتابعه الصور جميييلة .. ومطعم فريج صويلح لا بد له من زيارهـ وبرضو الأفنيوز والله سمعت عنه كثيييير مشكور على هالتقرير الحلو الله يعطيك العافية |
رد: بعض الصور والسوالف من زيارتي للكويت 2015 مبدع اخوي فهد والتقرير جميل والصور اجمل اعطيتنا انطباع عن الكويت حلو ويارب يكتب لنا زيارة الكويت في اقرب وقت من الرياض كم تتوقع المسافه وكم ساعه اخذتم بالطريق الف شكر خيو |
رد: بعض الصور والسوالف من زيارتي للكويت 2015 اقتباس:
تسلم حبيبي .. مرورك هو الاروع |
رد: بعض الصور والسوالف من زيارتي للكويت 2015 اقتباس:
تستاهل الكويت واهلها .. بس لا تقربها في الصيف :(155): |
رد: بعض الصور والسوالف من زيارتي للكويت 2015 اقتباس:
حياك يالغالي الى منفذ الرقعي 460 كيلو تقريباً يعني نقول حوالي 4 ساعات وفيها ... وتدخل الكويت يبي لك 100 كيلو على ما توصل السالمية او العاصمة من الرياض الى المنفذ اتوقع 600 كيلو وشوي .. هذا طبعاً لما تجي مع طريق الرياض القصيم السريع وتفرق مع المجمعة باتجاه الحفر ثم الكويت . |
رد: بعض الصور والسوالف من زيارتي للكويت 2015 حياكم الله بالكويت ديرتن الغاليه اسفرت وانورت حلووووووووووووو انكم ساكنين بالسالميه موقعكم حلو ولاقونا جديد ماصاره كثير فاتح اكثر الشقق والفنادق بالسالميه اشوف وايد عوايل خليجية فيهم عليكم بالف عافيه وان شاء الله تتكرر الزيارة |
رد: بعض الصور والسوالف من زيارتي للكويت 2015 أهلا فهد .. شكرا لك على الجهد الجميل .. رغم افتقادنا لاحترافية الصور التي تجيد زواياها .. ولكن مادامها رحلة استجمامية بدون تقنية ( لك العذر ) :) الكويت أشوفها قريبة منك مادام إنك من سكان ( العودة ) .. استغربت إنها أول زيارة .. البحرين .. نفس المسافة من الرياض ومع ذلك نزورها من فترة لفترة .. ويك إند فيه تغيير .. ربي يوفقك .. وبعدين محتاجين ( الخلطة السرية لاقناع الأطفال بعدم السفر ) :) .. اللي عندي يركبون قبلنا .. |
رد: بعض الصور والسوالف من زيارتي للكويت 2015 تقرير جميل ياجميل تحياتي |
رد: بعض الصور والسوالف من زيارتي للكويت 2015 اقتباس:
الله يعافيك اختي .. والكويت حلوة باهلها .. |
رد: بعض الصور والسوالف من زيارتي للكويت 2015 اقتباس:
هلا بالشيخ كتكات بخصوص قرب الكويت .. انا من الناس اللي ما احب اسافر بالسيارة .. هذا من ناحية ومن ناحية ثانية دبي خذتنا عن دول الخليج صراحة اما بخصوص الاطفال فاللي عندي لسا صغار وسهل اللعب عليهم بس اهم شي جب لهم هدايا والعاب اذا رجعت :(92): مشكور يالغالي |
رد: بعض الصور والسوالف من زيارتي للكويت 2015 اقتباس:
|
رد: بعض الصور والسوالف من زيارتي للكويت 2015 تقرير جميل ومختصر يعطيك العافية فهد |
رد: بعض الصور والسوالف من زيارتي للكويت 2015 نورت الكويت بوجودكم اختيارك للوقت موفق والاجواء جلوه والجو بارد ان شاءالله المرة اليايه ني تقرير مفصل |
رد: بعض الصور والسوالف من زيارتي للكويت 2015 اقتباس:
اقتباس:
اقتباس:
الله يعافيكم ومشكورين |
رد: بعض الصور والسوالف من زيارتي للكويت 2015 يازين الكويت و أهلها تقرير خفيف ولطيف ياغالي ماقصرت والله |
رد: بعض الصور والسوالف من زيارتي للكويت 2015 اقتباس:
مشكور حبيبنا على لطفك |
رد: بعض الصور والسوالف من زيارتي للكويت 2015 تقرير مركز مكثف محلى سهل وممتنع وما احلاه ... لقطات رائعة لحبيبتنا الكويت .. ما احلى الذكريات .. كل لقطة كان لنا فيها ذكرى .. تسلم الايادي اخي فهد .. |
رد: بعض الصور والسوالف من زيارتي للكويت 2015 حي الله زارنا زارتنا البركه والحمدلله أنكم غيرتوا انطباعكم عن المسلسلات احلى شي أنكم يتوا شهر ١ احلى جو .. ان شاءالله رحتوا اربيلا المكان وايد احلى من قهاوي المارينا فريج صويلح من وجهه نظري الصغيرة بدا يخترب اشوي صج الصور اشويه وان شاءالله المره اليايه تقرير محترف [emoji253] نورتونا[emoji253][emoji253] Q8ya metnaqla |
رد: بعض الصور والسوالف من زيارتي للكويت 2015 ما قصرت والله الكويت حلوووووه ويستاهلون كل خير |
رد: بعض الصور والسوالف من زيارتي للكويت 2015 تقرير جميل وخفيف ومهضوم على قولة حبايبنا أهل الشام وملاحظاتك في محلها فأبدا ما كانت السينما والدراما إلا نادرا تمثل الشعوب أو تنقل واقع المجتمعات وإلا فاين سيكون الأكشن الذي يجذب المشاهد ويزيد الأرباح !! تسلم على التقرير الخفيف الجميل ولو اني كنت أودك أن تزور معالم مهمه في الكويت أغفلتها كالأبراج وحديقة العمريه مثلا لكن عامة أستمتعت بتقريرك الذي صادف اجواء بارده وحلوه تسلم |
صور جميله بارك الله فيك |
تقرير حلو والاجواء رائعه وتسلم الايادي مشرفنا .. الكويت الاعلام مسيء لها .. لكن اهلها اقوى بااخلاقهم وتعاملهم كل الشكر لك هولمز |
| الساعة الآن 04:24 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO