|
جهّز صور تقريرك بضغطة زر .. شرح مفصّل العرب المسافرون الكاميرات والصور السلام عليكم ورحمة الله وبركاته حيا الله اخواني واخواتي اعضاء العرب المسافرون .. مثل ما يعرف الجميع بأن اغلب التقارير السياحية تشتمل على عدد كبير من الصور يتجاوز المئات .. وتجهيز الصور يحتاج وقت وجهد كبير .. لان الصور تطلع من الكاميرا خام بحجم كبير . فلازم نصغرها ونضع الاسم او اللوقو اللي نحب . والبعض يجري تعديلات بسيطة مثل تعزيز اللون او زيادة الحدّة او تعديل الإضاءة أو غيرها من التعديلات على الصور . فيه طريقة جميلة استخدمها ببرنامج الفوتوشوب بحيث يحفظ البرنامج تعديلك على صورة واحدة ويكررها آليًا على مئات الصور بحيث تكون جاهزة للتحميل والاضافة في التقارير .. راح اشرح لكم الطريقة بالتفصيل واذا طبقتوها وحفظتوا ملف التعديلات خلاص تكون سهلة في كل مره استخدام .. الطريقة هي عمل اكشن معين او عملية معينة لتطبيقها على مجموعة صور نبدأ باسم الله اولاً لازم يكون عندك برنامج الفتوشوب Adobe Photoshop ايقونة البرنامج الخطوة الأولى نروح لسطح المكتب او اي مكان في الكمبيوتر ونسوي مجلدين جديدين ونختار لهم اسم مثلاً مجلد اسمه (1) ومجلد اسمه (2) نجيب صور التقرير اللي راح نعدلهن ونحطهن في مجلد (1) الآن نفتح برنامج الفوتوشوب ونختار من القائمة العلوية ايقونة (نافذة) تطلع لنا القائمة المنسدلة نختار منها (عمليات) راح تظهر معنا نافذة عمليات في البرنامج الآن نجلب اي صورة من صور التقرير للبرنامج نختار الصورة من مجلد (1) بعد ما جت الصورة في البرنامج نسوي مجلد عمليات جديد نضع اسم للمجلد ونختار موافق ممثلاً نحط اسم المجلد ( تصغير + وضع الاسم) ثم ننشأ عملية جديدة نحط لها نفس الاسم مثلاً ونضغط تسجيل بالضغط على تسجيل يبدأ البرنامج بتسجيل كل تعديل بتسويه على الصورة واللي بعدين بيطبقه على باقي الصور الآن نسوي اللي حابين من تعديلات على الصورة ،، وانا وضعت مثال تصغير الصور لحجم يناسب المنتديات واضفت الاسم على الصورة نصغر الصورة وليكون العرض 750 بيكسل ونضغط موافق بعدها نكتب الاسم على الصورة باستخدام ايقونة الكتابة T ونحط الاسم في المكان اللي نحب في الصورة بعد ما اضفنا الاسم نختار من القائمة اللي فوق (طبقة ) ومن القائمة المنسدلة نختار دمج المرئي بحيث ندمج كل الشرائح في الصورة بعدها نحفظ الصورة عن طريق اختيار قائمة (ملف) من اعلى البرنامج ونختار من القائمة المنسدلة (حفظ باسم) نختار مكان حفظ الصور في مجلد 2 واللي سويناها في بداية الشرح ونختار صيغة حفظ الصورة JPEG ثم حفظ تطلع لنا قائمة مستوى دقة الصورة ونختار نسبة الجودة اللي نحب وموافق بعدين نختار من القائمة العلوية (ملف) ومن القائمة المنسدلة (غلق) بعد ما نسكر الصورة نوقف التسجيل الآن انتهينا من تجهيز الاكشن او العملية .. نجي للمرحلة النهائية وهي اننا نخلي البرنامج يشتغل آليًا ويعدل كل الصور بنفس التعديل المحفوظ . الطريقة كالتالي: نضغط من القائمة العلوية على (ملف) ومن القائمة المنسدلة نختار (آلي) ومنها نختار (معالجة آلية) هذي الخطوة مهمة ارجو التركيز تفتح لنا خيارات اولها نختار اسم المجلد اللي سويناه والعملية واللي حطينا اسمهم ( تصغير + وضع الاسم) ،، ونختار المجلد اللي فيه الصور المراد تعديلها واللي حطينا اسمه (1) ونختار بعد الاسم اللي نبي الصور المعدله تنحفظ فيه واللي حطيناها في البداية باسم (2) بعدين نضغط موافق بعد ما نضغط موافق بتشوف البرنامج يشتغل آليًا قدامك يدخل الصور ويعدلها بشكل سريع الى ما يخلص في عملية سريعة بعد ما يخلص تروح للمجلد (2) تحصل كل الصور معدلة نفس اللي سويته في الصورة . تنبيهات: - جيت بعد كم شهر بتعدل صور ثانية خلاص العملية جاهزة ما عليك الا تحط الصور الجديدة في مجلد (1) وتسوي الطريقة الاخيرة اللي هي من القائمة العلوية على (ملف) ومن القائمة المنسدلة نختار (آلي) ومنها نختار (معالجة آلية) .. الخ - تقدر تسوي كم عملية بتعديلات مختلفة وتحفظها . - الطريقة جدًا سهلة مع الممارسة ختامًا هذا جهد شخصي اقدمه بشكل حصري لمنتديات العرب المسافرون ولا مانع من نقله لمنتديات ثانية بشرط بقاء الاسم ولوقو المنتدى . واعذرونا على الاسلوب في الشرح :(148): وبالتوفيق للجميع |
رد: جهّز صور تقريرك بضغطة زر .. شرح مفصّل يا سلام عليك ما قصرت انتظر شرح عن الفوتشوب من زمان |
رد: جهّز صور تقريرك بضغطة زر .. شرح مفصّل جاري التجربه مثل ما قال ابو خالد . ننتظر مثل هذا الشرح من زمان احتاجه كثير بصراحه شكرا لك |
رد: جهّز صور تقريرك بضغطة زر .. شرح مفصّل ما شالله علىيك يا فهد ابدعت وشرح وافي وواضح يعطيك العافية راح توفير الكثير من الوقت |
رد: جهّز صور تقريرك بضغطة زر .. شرح مفصّل ما شاء الله أسلوب رائع و سلس في الشرح استفدنا منه كثير الله يعطيك العافية فهد |
رد: جهّز صور تقريرك بضغطة زر .. شرح مفصّل بارك الله فيك وفي علمك شرح موفق أخي الكريم نفس الفكرة رأيتها في برنامج snagit ولكن بتطبيق عملي مشابه ممكن تختار مجموعة صور وتطبق عليها نفس التأثير مثل المقاس وتأثير الألوان والإطار...الخ تسلم الأيادي |
رد: جهّز صور تقريرك بضغطة زر .. شرح مفصّل اقتباس:
:(125): |
رد: جهّز صور تقريرك بضغطة زر .. شرح مفصّل اقتباس:
حياك يالغالي وان شاء الله الجميع يستفيد من الشرح .. تحياتي |
رد: جهّز صور تقريرك بضغطة زر .. شرح مفصّل اقتباس:
الله يعافيك اخوي عزام .. شاكر لك :(114): |
رد: جهّز صور تقريرك بضغطة زر .. شرح مفصّل اقتباس:
منور الموضوع حبيبنا اخر فرصة .. وتسلم على كلامك الطيب |
رد: جهّز صور تقريرك بضغطة زر .. شرح مفصّل اقتباس:
الله يسلمك برنس ، ونتشرف بخدمة الجميع تحياتي |
رد: جهّز صور تقريرك بضغطة زر .. شرح مفصّل ما شاء الله أسلوب رائع و سلس في الشرح |
رد: جهّز صور تقريرك بضغطة زر .. شرح مفصّل رااااائع يا فهد .. موضوع قيّم وشرح سلس .. ربي يعطيك العافية .. |
رد: جهّز صور تقريرك بضغطة زر .. شرح مفصّل الله يسلم ايدينك اخوي فهد استخدم فوتو سكيب حاليا تم التحميل و ساقوم بتجربته من جديد شكرا لما تبذله من خدمات للمنتدى |
رد: جهّز صور تقريرك بضغطة زر .. شرح مفصّل شرح وافي وكافي تسلم يمينك فهد |
رد: جهّز صور تقريرك بضغطة زر .. شرح مفصّل تسلم يدك اخوي فهد شرح واضح وبرنامج جميل يعطيك العافية |
رد: جهّز صور تقريرك بضغطة زر .. شرح مفصّل تسلم يا فهد ع الشرح الرائع الدرس طووويل لكن يبيله تجربه الف شكر لك |
رد: جهّز صور تقريرك بضغطة زر .. شرح مفصّل جزاك الله خير |
رد: جهّز صور تقريرك بضغطة زر .. شرح مفصّل اقتباس:
اقتباس:
الله يعافيك حبيبي .. اقتباس:
حياك اخوي طارق ويستاهل المنتدى واعضاءه كل خير اقتباس:
اقتباس:
الله يعافيك .. اقتباس:
صحيح بس هي اول مره بعدها يكون الاكشن جاهز . العفو اقتباس:
وياك وكل مسلم .. |
رد: جهّز صور تقريرك بضغطة زر .. شرح مفصّل يزاك الله خير فهد على هالشرح واللي اكيد راح يسهل علينا من الوقت واايد شكرااا فهد |
رد: جهّز صور تقريرك بضغطة زر .. شرح مفصّل مشكور على هالشرح الجميل الله يعطيك العافية |
رد: جهّز صور تقريرك بضغطة زر .. شرح مفصّل اقتباس:
تستاهلون كل خير .. ونتشرف فيكم وفي خدمتكم اقتباس:
الله يعافيك يالقحطاني |
رد: جهّز صور تقريرك بضغطة زر .. شرح مفصّل شرح كافي ووافي ماقصرت تحياتي |
رد: جهّز صور تقريرك بضغطة زر .. شرح مفصّل حياك اخوي احمد |
رد: جهّز صور تقريرك بضغطة زر .. شرح مفصّل الله يعطيك الصحة والعافية شرح متكامل وسهل للجميع بارك الله فيك شكراااااااااااااااااااااا ,,,, |
رد: جهّز صور تقريرك بضغطة زر .. شرح مفصّل حياك اختي قصة حب |
رد: جهّز صور تقريرك بضغطة زر .. شرح مفصّل موضوع مثل راعيه رائع أكثر مايخلي الواحد يشيل هم التقارير حجم الصور وتنسيقها مؤكد أنك شجعتني على تنزيل الفوتوشوب وراح أستفيد منه في مواضيعي القادمة مختارات من صور تركيا ، لها سنة حبيسة الكاميرا :(47): |
رد: جهّز صور تقريرك بضغطة زر .. شرح مفصّل تسلم اخوي تميم .. ولا تحرمنا من ابداعاتك ننتظر الصور الحلوة منك ان شاء الله |
رد: جهّز صور تقريرك بضغطة زر .. شرح مفصّل الله يجزاك خير ويرحم والديك فعلا موضوع بعد التجربه زاد الإعجاب أكثر وأقول ويني من زمان عنك يابو خالد :(155): نحافظ على دقة الصور وهو المهم للمصور ونعدل بأسرع الخطوات ونضع الحقوق شكرا لك :(114): --------------------- تــمــيــمــ |
رد: جهّز صور تقريرك بضغطة زر .. شرح مفصّل تسلم اخوي على الموضوع ... كثير اصور في السفر و اقول بسوي تقرير اول ما ارجع وبعدين اتكاسل لاني ماعرف في تعديل و تحميل الصور ... بس خلاص الحين ما عندنا عذر يعطيك العافية |
رد: جهّز صور تقريرك بضغطة زر .. شرح مفصّل جزاك الله خير يابو عبدالعزيز كنت استخدم فوتو سكيب واللي كان شارحه العدني وسهل عملت فورمات على جهازي وراح البرنامج ولاني عارفه انزله من جديد بشوف الفوتو شوب يمكن اقدر اصغر منه بطريقتك يعطيك العافيه يمكن ليش الخطوات كثيرة هذا اللي مخوفني من التجربه |
رد: جهّز صور تقريرك بضغطة زر .. شرح مفصّل اقتباس:
توكلي على الله سهل جدا من تجربة يوم واحد ضبط معي شرح مشرفنا طبقيه بالتمام وبتنبسطين من الفوتو بالتعديل لكم هائل من الصور في لحظات وبكواليتي عالي للصور |
رد: جهّز صور تقريرك بضغطة زر .. شرح مفصّل اقتباس:
اقتباس:
بعدين لما تطبقي الخطوات خلاص كل مره تجهزي صورك بضغطة زر لان الاكشن جاهز خلاص الله يوفقك والتجربة خير برهان . |
رد: جهّز صور تقريرك بضغطة زر .. شرح مفصّل لا حرمك الاجر مجهود كبير وشرح مفصل يعطيك العافية |
:e449: ماشاءالله شرح جميل ومفصل جزاك ربي كل خير |
يعطيك العافيه اخوي جربت الطريقه ولكن صادفتني بعض المشاكل اولا في صور لا يتغير فيها شي هل لان ابعادها تختلف عن الابعاد للصوره اللي تم التطبيق عليها وثانيا لما يشتغل التشغيل الالي اذا جا عن الحفظ وتطلع الرساله الخاصه لدقه الصور يوقف ويحتاج اضغط اوكي حتى يكمل الصوره اللي بعدها وهذا يصير بكل صوره |
اقتباس:
اقتباس:
اقتباس:
موفقه |
مشكور ماقصرت |
يعطيك الف عافية |
جميل جدا .. جزاك الله خير |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO