|
آستفسارات عن الرحلة لخبراء الفلبين السلام عليكم ورحمه الله وبركاته افكر بالسفر للفلبين كتغير و هدفي الاول من السفر رياضة الغوص وبعدها الطبيعة والشواطئ الجميلة مدة السفر 9 ايام بعد منتصف سبتمبر ... هذه السفرة الاولى لهذا البلد ... نصائحكم اي الجزر افضل من ناحية الجمال ، الامان و كذالك توافر مراكز الغوص فيها . ماهو اقتراحكم كجدول للرحلة ؟ ولا تبخلوا علينا باي نصيحة تخص البلد و شعبه ... دمتم بخير |
اقتباس:
وعليك السلام ورحمة الله وبركاته الجزر اللي فيها رياضة الغوص كثيره لكن هل تغوص حر ولا مع مدربين جزيرة بوراكاي متوفر فيها مركز غوص وبحرها جميل جدا جزيرة كورون فيها مركز غوص وبرضو بحرها جميل ومميز جزيرة النيدو برضو فيها مركز غوص وبحرها مميز كل الجزر هاذي تحتاج يكون معاك رخصة بادي للخوص ويكون عليها ختم في بوراكاي متساهلين شويه لكن كورون والنيدو رفضوا نزولنا الا بإظهار الرخصه لكن اللي شفعلنا المنتجع ماقصروا كلموا المدربين ووافقوا ع نزولنا الفلبين اغلبيتها جزر واغلبيتها فيه مراكز غوص لكن ذكرت الاشهر بينهم لو تبغى الهددوء والاستجمام روح جزيرة Carmoan del sur الشعب جدا طيب ومتعاون والابتسامه ماتفارقهم الامان في كل الفلبين ولله الحمد الجدول: يوم مانيلا - 3 ايام بوراكاي - 4 ايام كورون - يوم مانيلا اي استفسارات اخرى حاضرين ان شاءالله تحياتي |
اقتباس:
آنا غواص كهواية واملك رخصة بالغوص ( غواص مياة مفتوحة متقدم ) من بادي طبعا وبالمناسبة بعد رحلات الغوص لا يمكن الطيران مباشرة ومن باب الاحتياط احتاج الى 12-24 ساعة بعد اخر رحلة غوص ثم الطيران . بوركاي مشهورة شاهدت لها الكثير من الموضيع لكن كغوص سمعت انها مناسبة لمن ارلد التجربة او يكوت مبتدئ كغواص كورون مناسبة للغوص حسب ما قرآت بالنت عنها ( تضل خيار ) ماذا عن جزيرة مالاباسكوا وكذالك جزيرة آبو هم قراب او تابعه ل سيبو ( آقرب خيار حاليا ) لانها تضم ثلاث جزر سيبو ومنها بالعبارة يوميا للجزيرتين للغوص ولا داعي للطيران ما هو رآئيك ب سيبو ؟ وكذالك اراء من زارها سابقا كنت اتمنى ان اتبع جدولك لكن ساواجه مشكلة الطيران بعد الغوصة ولهذا افكز في الذهاب لجزيرة مركزية ومنها لباقي الجزر المجاورة بالعبارة كرحلة غوص وعودة ومن ثم الراحة فيها 24 ساعة والعودة لمانيلا يوم وثم الاقلاع للبلد فما هي نصيحتك اخي الكريم و شاكر لك مقدما تجاوبك وسعة صدرك |
برضو جزيرة مالابسكوا وماكتان وبوهول خيار اخر في سيبو افضل جدول لك تزور بوراكاي وسيبو ومانيلا فقط وتقدر تغوص في بوراكاي وماكتان وبوهول حسب رغبتك واي استفسارات اخرى حاضرين ان شاءالله تحياتي |
اقتباس:
ماهو افضل ترتيب لها ؟ مانيلا يوم ثم بوركاي 3 وبعدها سيبو 4 وبعدها مانيلا ؟ ولو سمحت ماهي المطارات وافضل خظوظ ظيران لها :e10d: ما هي الميزانية المعقولة التقريبيه لهذه الجزر .. لكي لا احمل مالا احتاجه في اول الايام بحكم اني غشيم بالبلد :24: واكرر شكري لك ولتجاوبك |
اقتباس:
مانيلا مطار نينوي اكوينو ورمزه MNL السفر الى سيبو مطار يبو مكتان ورمزه CBU ثم السفر من سيبو الى بوراكاي عن طريق مطار كاليبو KLO لانه في مطارين في بوراكاي الاقرب اسمه كاتيكلان لكن ماتقدر توصله من سيبو لازم تمر مانيلا اما الثاني اسمه كاليبو ويبعد ساعه ونص من جزيرة بوراكاي وهوا الخيار الوحيد لك الا في حالة انك تبغى ترجع مانيلا لكم يوم وبعدين تسافر ع بوراكاي ع مطار كاتيكلان الميزانيه تختلف حسب اختيارك للفنادق طبعا الفنادق اصبحت غاليه في الفلبين كلها في مانيلا المبلغ اليومي شامل الفندق والاكل (غداء وعشاء) وتمشية مولات 700 ريال (500 للفندق + 200 حق الاكل والمواصلات) الافضل تاخذ معاك فلوس زيادة في حالة احتجتها وان ما استخدمتها راح تظل معاك احتياطيا بالنسبه للخطوط اختار الارخص لانه اطول رحلة مدتها ساعه اي استفسارات اخرى حاضرين ان شاءالله تحياتي |
اقتباس:
شاكر لك تفاعلك و وردك ... بإذن الله وهو كما ذكرت يوم مانيلا وبعدها بوركاي ع سيبو باسيفك ( لمرونة الوزن وكذالك تعديل رحلة العودة باي وقت برسوم معقولة ( حجزت 4 ليالي في هينان ريجينسي ع حسب تقيمات الاخوة هنا وفي بوكينق قابل للتمديد لباقي المدة في حال اعجبني جوها او ساكتفي بالاربع ليال ومنها ع سيبو . آخر سؤال .. ماهي افضل منطقة للسكن في سيبو وتكون قريبة من الجزر التي ذكرتها ؟ اكرر شكري لك مرة اخرى و سلمت يداك :e032: |
اقتباس:
العفو عزيزي الكريم لاتنسانا بدعوه طيبة في الأيام المباركة هاذي ^_^ أفضل منطقة للسكن في مدينة سيبو في السنتر الجزر اللي ذكرتها تعتبر خارج سيبو عشان توصل لجزيرة بوهول تروح ع الميناء وتحجز تذكره (الافضل ذهاب وإياب) مدة الرحلة ساعتين بالعباره او القارب السريع لو تبغى تجرب شي جديد عليك وتجربة ماراح تنساها في منطقة اسمها اوسلوب Oslob تبعد 5 ساعات من مدينة سيبو صحيح بعيده لكن تقدر تغوص هناك وتشوف الحيتان الكبيره يسمونها Whale Shark وهيه مقصد للسياح ليست مشهورة تماما لكن تستاهل الزياره وهذا موضوع يفيدك أكثر عن المنطقة http://www.arabtrvl.com/vb/t9084.html تحياتي |
اقتباس:
نعم كما ذكرت وكما شاهدت في موضوعك الرائع ، هي في اعلى المغامرات لسيبو الغوص مع الحيتان :e054: الله يقدرنا ع رد جمياك و نجيبلك حوت هدية :24: ... آكرر شكري لك ولطيب شخصك ... دمت بخير :e304: |
اقتباس:
ع عيني ورأسي عزيزي الغالي إجازة سعيده إن شاءالله تحياتي |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO