|
لأهل الخبرة في الفلبين السلام عليكم مساء الخير على جميع الأعضاء الأعزاء و القراء ياليت أهل الخبرة يقترحون لنا جدول يمكن من خلاله زيارة أفضل الأماكن و الإستمتاع بالأنشطة السفرة لأثنين شباب ( قابلة للزيادة) و جميعهم لأول مره يزورون الفلبين. و المواعيد كالتالي: 1- الرحلة من الرياض لمانيلا يوم الخميس 10 November الساعة 1 صباحاً و الوصول 3 عصرا من نفس اليوم. 2- السفر من مانيلا لجزيرة بوراكاي يوم الجمعة 11 November الساعة 2:30 و الوصول 3:45 مساءً 3- العودة من بوراكاي لمانيلا يوم الأربعاء 16 November الساعة 4 الوصول 5:10 مساءً. 4- العودة من مانيلا للرياض يوم الجمعة 18 November الساعة 4:45 مساءً الوصول 10:30 مساءً بإختصار: يوم مانيلا - 5 أيام بوراكاي - يومين مانيلا وهل الإنتقال من مطار كاتيكلان إلى بوراكاي عبر القوارب مجاني؟ والشكر مقدماً لجميع المشاركين |
اقتباس:
عليكم السلام لست بصاحب خبرة كبيرة في الفلبين لكن ابغى اجابيبك بما اعرف الانتقال من كاتيكلان الى برواكاي ليس مجاني عن طريق قوارب لكن التكلفة بسيطه في حدود 250بيسو للشخص والمسافة ليست بعيدة |
مشكور يا مشرفنا الغالي و ننتظر أهل الخبرة في الفلبين |
غير مجاني التكلفة بس شوف او اتفق مع الفندق في التوصيل طبعا بعد ماتتزل في المطار خذ لك دباب يوصولك للميناء ومن الميناء تطلع على بوراكاي في البوت وبعدها خذ دباب للفندق وان شاء الله الخبراء يفيدونك اكثر |
اقتباس:
تسلم يا مميز |
وعليكم السلام ورحمة الله وبركاته عيدكم مبارك ان شاءالله بخصوص التوصيل من ميناء كاتيكلان الى الجزيرة غير مجاني وقيمة التوصيل 270 بيسو (غير ثابته) اذا نازل في منتجع تمام راح يرتبون وصولك عن طريقهم اما بخصوص جدولك تقدرون تزورون منطقة لاقونا او تقاي تاي الاولى تبعد ساعتين اما الثانيه 4 ساعات سامحنا ع الرد المتأخر واي استفسارات حاضرين تحياتي |
اقتباس:
مشكور يا مشرفنا الغالي وأنا أعتذر أيضاً عن التأخر في شكرك وبما أنك أعطيتني الضوء الأخضر فأرجوا أن يتسع صدرك لبعض الإستفسارات : 1- أنا حجزي على طيران Cebu Pacific و سعر التذكرة رخيص مقارنة بالخطوط الأخرى, فهل هذه الخطوط جيدة؟ 2- إذا كان عدد الأيام في مانيلا ثلاثة أيام (يوم قبل بوراكاي ويومين بعدها), الا ترى أن الخروج إلى لاقونا او تقاي تاي متعب و أن في مانيلا ما يستحق الزيارة خلال هذه الثلاثة أيام؟ 3- أرجوا ان ترشح لي ثلاثة فنادق في كلا من مانيلا و بوراكاي موقعها ممتاز و أسعارها معقولة. 4- أنا من عشاق المساج, فما هي أفضل الأماكن في مانيلا و بوراكاي؟ 5- لو كانت الرحلة لك ما هو الجدول الذي سوف تتبعه في مانيلا و بوراكاي بالتفصيل (عذراً بتعبك معاي ولكن ماني مستعجل على الرد, على أقل من مهلك) و لك جزيل الشكر |
اقتباس:
ياهلا فيك خذ راحتك في الاسئله وان شاءالله مانقصر في الاجابات بخصوص الطيران اكيد انه محترم وتمام سبب انخفاض سعر التذكره يقترن بالتواريخ بعض الشهور تكون فيها التذاكر غاليه وبعضها رخيصه لكن ماتشيل هم طيران تمام اما بخصوص الايام في مانيلا انا اقترح انكم تزورون لاقونا لانها ماتعتبر بعيده كثير عن مانيلا والرحلة غير متعبه بالعكس ممتعه وتقدرون تزورونها من الصباح الين العصر وترجعون او لو خلصتوا بدري ترجعون عادي ع مانيلا الفنادق كثيره ممتازه في مكاتي ارشحلك هوليدي ان موقعه وسط المدينه تماما والاكسفورد برضو تمام محلات المساج كثيره جداااا في مانيلا وارشحلك محل اسمه Nuat Thai ع امتداد شارع ايالا وهذا عنوانه لو اخذتوا تاكسي Makati Avenue - Finance Bldg رقم تلفونهم 8865747 المحل مرتب برضوا الخيارات كثيره حوليه في محلات كثيره اختاروا اللي يعجبكم اي استفسارات اخرى حاضرين ان شاءالله واعتذر ع الرد المتأخر بحكم سفري تحياتي |
اقتباس:
مشكور مره ثانية يالغالي و ترجع بالسلامة ممكن اعرف تكلفة زيارة لاقونا التقريبية؟ وهل فيه مطاعم او كافيهات قريبة منها؟ ممكن ترشح فندق او اثنين في بوراكاي مواقها ممتازة و اسعارها معقولة لأننا اثنين فقط؟ هل من الأفضل ان اسكن في مكاتي قبل و بعد ما اروح بوراكاي او اسكن مره في بوراكاي و أغير المرة الثانية؟ ايش النشاطات اللي ممكن نسويها في بوراكاي و الأسعار التقريبية لكل نشاط؟ وإذا ممكن تعطيني التكلفة التقريبية لشخصين لمدة 9 أيام بدون التذاكر و السكن أكون ممنون. و آسف على الإطالة عفوا أقصد هل من الأفضل أن اسكن مرة في مكاتي و مرة في ارميتا؟ لأني بجلس يوم في مانيلا بعدين بروح بوراكاي و برجع يومين لمانيلا؟ ونسيت أسأل عن الأجواء. هل هي باردة و نحتاج ناخذ معنا ملابس شتوية؟ |
اقتباس:
الاجواء ماتحتاج ملابس شتويه لكن مظله ضروريه الملابس كلها شورتات الاجواء عاديه ماتحتاج شي ثقيل الرد مو مرتب شويه لاني استخدمت الجوال سامحنا والله يسهل أموركم واي استفسارات انا حاضر واعتذر ع ردي المتأخر تحياتي |
| الساعة الآن 04:40 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO