|
فيني غبنة من الجوازات الفلبينية !! السلام عليكم ورحمة الله وبركاته .. انا سافرت تاريخ 10 اكتوبر في الليل تقريبا وصلت العصر مانيلا بتوقيت الفلبين .. وصلت الجوازات كانت الموظفة تسألني اسألة روتينية وانا انجليزيتي لك عليها جاوبت عليها فجأة شكت في حاجة مدري وش هو الصراحة قامت وراحت للمكتب واعطت جوازي واوراقي لسيدة عجوز بدأت تسالني مثل اسالتها وغير كذا قامت تطلب مني اشياء مثل طلبت مني رخصة القيادة طلب غريب ولكن لحسن حظي انه جبته معي قامت طلبت اي دي يثبت اني ادرس في السعودية والحمدلله جبت معي اي دي جامعة الملك عبدالعزيز بحكم اني كنت طالب فيها والى الان انا طالب فيها .. قامت طلبت الاقامة لاني انا غير سعودي عايش في السعودية والاقامة ماجبتها معي لاني ماتوقعت انهم يطلبوها لانها خاصة للسعودية مسكت علي بدي المشكلة وقالت لازم ترجع للسعودية ×_× وقالت معاك كرديت كارد قلتلها لا جبت الفلوس معي كاش قالت كم؟ قلتلها 2000 دولار قالت فين طيب الايصال اللي يثبت انك محولها من السعودي للدولار يعني ماادري الصراحة كانت تبي تمسك علي اي شيء عشان ارجع ولا كذا روتينهم عالعموم رجعوني في وقتها للسعوية لعلها خيرة الحمدلله .. بس السؤال واتمنى من المشرفين يساعدوني فيها مثل الاخ jakll والاخوة الاخرون هل في مجال اني اقدر ارجع للفلبين ثاني اذا اقدر ممكن تعطوني الطريقة ؟؟ ويعطيكم العافية :e328: |
وعليكم السلام ورحمه الله وبركاته معوض خير غريب طلبهم أن شاء الله تجد من يرد علي أستفسارك |
اقتباس:
آمين يارب 💜 |
الله يعين بصراحة شي مزعج أن يتم ارجاعك لكن لعلها خيرة لكن أعتقد أنه لايمكنك الحصول على فيزا عند الوصول ممكن الجنسية ؟ وهل شيكت على هذا الموضوع قبل السفر ؟ و على أي خطوط طيران سافرت ؟ |
وعليك السلام ورحمة الله وبركاته الحمدلله ع كل حال ولعلها خيره مثل ماذكرت افتكر اول زيارة لي للفلبين تم استجوابي وكانت وقتها الفلبين غير مشهورة بالسياحه بعكس الان لكن انهم يقرروا استرجاعك للبلد اللي جيت منه هاذي غير مسبوقة وماقد حصلت قبل كذا الا في حالات الاشتباه او الشكوك طبعا بعد الاستجواب والاجابة ع كل اسئلتهم راح يسمحون لك بالدخول جوازات مطار مانيلا متشددين خصوصا لمن يكون الزائر غير ملتزم بالانظمة مثل عدم الوقوف في الطابور او التنقل من طابور الى اخر هاذي بعض الاسئله التي تعتبر روتينيه كالتالي: 1- سبب زيارتك للبلد 2- عدد أيام الزيارة 3- المبلغ المحمول (نادرا يسالونك) 4- الفندق 5- تذكرة العودة أكيد تقدر ترجع ثاني الفلبين بالرغم انهم اعطوك الفيزا من سفارتهم لكن الوضع ماسمحلك انك توضح موقفك باللغه الانجليزيه لكن خيرها في غيرها ان شاءالله والافضل انك تزور القنصليه في مدينتك واسالهم عن سبب طلبهم انك ترجع ثاني للسعوديه العاده مايطلبون الهويه الا في الرجوع لكن حصل خير ان شاءالله والله يعوضك واي استفسار اخر حاضرين تحياتي |
معوض خير اخوي صحيح طالما انك مقيم في دوله ثانيه بيسألوك عن الاقامه بس وقت الرجعه بس يمكن ماكان عندك خبر انا كنت محتفظه بتأشيره الخروج والعوده لان غلط اخذ الاقامه خارج السعوديه بس المفروض طالما انه معاك فيزا من السفاره يدوك خبر اش الاوراق اللي تحتاجها عموما لعله خير الاوضاع في الفلبين ما تشجع لسفر |
الله المستعان ... ان شاء الله استفدت من الردود ,, و لعل في الامر خير .. الله يعوظك بخير منها .. |
أستغرب موقف سلطات الجوازات في بلد المفترض أنه سياحي لعله خير لكن ممكن تخبرنا عن جنسية جوازك أخي الكريم ؟؟؟ |
اقتباس:
|
اقتباس:
انا رحت للقنصلية وقلتلهم رجعوني بسبب الاقامة ووضعوا على الفيزا كلمة used مستعمل حتى هو استغرب الموظف قلتله ابي اطلع فيزا جديدة يقلي مااقدر لانها فيزتك لسه جديدة مانتهت !!:4: لاني انا اول مااستملت الفيزا بعد يومين سافرت واليوم الثالث رجعت فقاعد يقلي فيزتك لسه جديدة مااقدر اطلعلك وحدة ثانية قلتله طيب وش الحل قلي لازم تتواصل مع الجوازات اللي في الفلبين عشان يعطوك تقرير فيها مشكلتك واقدر احلها لك يعني الظاهر انها شغلة طويلة !!! يعني مدري اذا بتنحل المشكلة ولا لا طيب تقدر تقلي كيف راح اقدر ارجع يعني اجدد الجواز مثلا واسوي فيزا جديدة ولا يوجد حل ثاني ؟؟ لانه سمعت انه الحركة دي تزبط عشان رقم الجواز حيتغير والصورة الشخصية بعد ممكن الاسم اللي حيبقى مثل ماهو يعني اتمنى تفيدني اذا عنددك خلفية جزاك الله خير :e20c: |
اقتباس:
وشكرا لك :e328: اقتباس:
هم خايفين مع اوضاع الدول العربية حاليا وغير كذا كمية الطلبة في الفترة دي تعتبر ضخمة اللي جايين للفلبين بفيز سياحية ومقصدهم الدراسة اعتقد هناا المشكلة .. اقتباس:
امين يااارب كانت معي تأشيرة الخروج والعودة بس ماطلبوه مني ولا انا جاء في بالي اني اعطيهم اياها ×_×" من ناحية الاوراق كل الاوراق عندي سليمة وجبتها معي بس المكتوب الحمدلله على كل حال |
اقتباس:
صحيح والاكثر دهشه انه القنصلية ماعندها تواصل مع الحكومه في الفلبين ومشكلتك توضح انهم استغربوا ليه رجعوك والمفروض انهم يتواصلوا مع الجوازات في مطار مانيلا لتوضيح سبب رجوعك...راح تطول القصه لكن الافضل انه تنتظر 3 شهور الين تخلص مدة الفيزا وارجع ثاني قدم من جديد وحاول انك توفر كل اللي سألوك عنه في مطار مانيلا عشان مايكون في اي شكوك او مخاطره في انهم يسوون نفس الحركة مره ثانيه. عزيزي رقم الجواز مايتغير. تحياتي |
وعليكم السلام ورحمة الله وبركاته اي جوازات في اي بلد مالها دخل بإقامة الشخص في اي دوله يعني اقامتك في السعودية وتبي تسافر الفلبين تاخذ معك جوازك فقط واذا تحتاج فيزا المفروض انك مفيز من بدري حتى الجوازات السعودية وانت راجع ما يطلبون الاقامة فقط يحتاجون تكون عندك تأشيرة خروج وعودة موجودة في النظام تصرف جوازات الفلبين غريب ما يحق له حتى سؤالكالا عدد الايام اللي بتجلسها في الفلبين لان كل المعلومات اللي يحتاجونها تكون انت معبيها في النموذج اللي يعطونك اياه قبل الهبوط في الطياره التصرف الصحيح اللي المفروض سويته تتصل او تطلب منهم حضور مندوب بسفارة دولتك الموجودة في الفلبين . |
كان الله في العون |
غريب جدا لو انا منك ما أرجع مرة ثانية حتى الواحد يصيبه توتر من طريقتهم يازين تايلند وماليزيا كلها سهالات اكيد ربي دفع عنك شي ما تدري شنو لكنه خيرة وصلاح اكيد لك الحمد لله على سلامتك :e304: |
اقتباس:
ايه والله شيء غريب قسم بالله, لعلها خيييرة |
اقتباس:
يعطيك الف عاافية على الوقفة ومااقصرت ياابطل |
معوض خير |
خيره انشالله |
الله يستر عليك ومعوض خير |
والله غريبة ردوك مشكلة والله |
| الساعة الآن 04:04 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO