|
كم تكلفة السفر 11 يوم شباب؟ السلام عليكم الحمدلله انا خلصت حجز الطيران الدولي والداخلي والفنادق وكل شي ... لكن محتار بحاجة وحدة .. كم اخذ معي كاش ؟ احنا شخصين شباب وجونا تمشي ووسعة صدر واكل والعاب ترفيهية .. بدون سهر وخربطة طبعا :1: رايحين مانيلا وبوراكاي فقط. عافاكم الله |
وعليكم السلام كم يوم مدة الرحلة تحياتي |
اقتباس:
11 يوم ان شاء الله 5 ايام بوراكاي 6 ايام مانيلا |
اقتباس:
أعتذر منك ما انتبهت للعنوان دائما الصرفيه تختلف من شخص لشخص ومستحيل تتحدد لانه في اماكن ناس تروحها وناس ثانيه ماتروحها وبكذا يكون في اختلاف في الدفعيه لكن تقريبيا 10 الاف تكفيكم ان شاءالله واحتمال تزود معاكم الانشطه في بوراكاي كثيره لكن اسعارهم في متناول اليد تحياتي |
اقتباس:
تقريبا الطيران الدولي والداخلي والفنادق 5 نجوم شامل فطور طلع علينا ب 8600 ريال ( لشخصين طبعا ) ،،، هذي برا الحساب الي سألت عنه بالموضوع. عشان كذا بشوف كم ممكن يكلف الشخص الواحد باقي الامور من ترفيه وعشاء وتنقلات .. انا كنت حاط ببالي 5000 ريال للشخص لكن انت خليتني اجزم اني استمر على المخطط المسبق :32: عوافي وماقصرت اخوي |
اقتباس:
بالتوفيق ان شاءالله واي استسفسارات اخرى حاضرين تحياتي |
اشغلتكم هاليومين تحملوا :6: ببالي اكثر من معلم سياحي ابغى ازورهم في مانيلا ان شاء الله خصوصا اني راح اجلس فيها 5 ايام .. لكن مااعلم عن بعد المواقع عن موقع اقامتي. انا راح اسكن ان شاء الله في ماكاتي .. والاماكن الي مخطط ازورها هي : اوشن بارك سبلاش ايلاند اينتشانتيد كينجدوم منطقة تاقي تاي ( بركان تال ) فيلا اسكوديرو اسيا مول SM Mall منطقة قلوريتا جلوبل سيتي مول سيتي اوف دريمز روبنسون مول فينيسيا بيازا السوق الصيني ماكاتي افينيو باكو بارك Green Hills انا ادري اني مااقدر اخلص كل هذولي ب 5 ايام لكن ع الاقل ابغى اهم المعالم الي ضروري ازورها خصوصا اني اول مرة ازور الفلبين. المولات انا ذكرت مولات كثيرة لاني محتار ايهم الزين فيه ماركات اصلية وايهم الي فيه ماركات مقلدة. كل الاماكن قريت عنها بالنت لكن ماقريت كيف كانت تجارب من زارها. ايضا هذي مطاعم والكوفيهات قريت عنها بالنت وحاب استشيركم فيها ( او لو تنصحوني باماكان ثانية ) : مطاعم القرين بلت. قاردن سيتي قرانرسي مطعم نيو بومباي هارد روك كافيه هافانا كوفي وهل فيه اكثر من مكان ممكن ازورهم بيوم واحد ؟ واسف على الاطالة والله لايحرمكم الاجر |
اقتباس:
عادي خذ راحتك في الاستفسارات صحيح الواحد لمن يزور دولة او مدينة جديده يبغى يزور المعالم المميزه فيها شرحت المناطق اللي ذكرتها واللي باللون الاحمر تستاهل الزيارة واللي باللون الازرق متى ماكان عندك وقت زورها بالنسبه لمنطقة مكاتي فيها كل شي وفيها اغلبية اللي ذكرتها وهيه كبيره تحتاج يوم او يومين عشان تشوف كل شي بالنسبه للملابس تعتبر نسبيا غاليه من مكان لمكان او بنفس السعر ع حسب الماركه في المول لكن الملابس المقلدة تحصلها في سوق Baclaran اركب اي تاكسي او اوبر يوديك وهوا سوق شعبي ممتع والسوق الثاني اسمه ديفيشوريا Divisoria ماتنسى تجرب تركب مواصلاتهم العامه Jeepny ممتعه تستاهل التجربه تحياتي |
اقتباس:
|
اسف على الازعاج وتحملنا الله يسعدك انا قررت اني اخذ عزبة شاهي وقهوة ( كهربائيات ) لكن بدون المحظورات مثل الدافور وخلافه. يعني ودي اخذ معلبات من اجبان وتونه وفشار وكورن فلكس وبسكوتات .. مقاضي خفيفة يعني :D لكن واحد من الشباب يقول اشترها من هناك لان احتمال مايدخلونها معك ! هل الكلام صحيح ؟ انا حرصت اني اخذها من هنا لان اضمن منتجاتنا اكثر من منتجاتهم :32: سؤال شاطح .. كم سعر متوسط التنقل بالتري سيكل في بوراكاي ؟ :D |
ياهلا ومرحبا طالما فيها عزبة مطولين الغيبه :31: أكيد المعلبات وتشكيلة المنتخب (جبنة وحلاوة وزيتون) كلها راح تفيدكم هناك وقت الفطور خصوصا لو حجزتوا شقه لانه اغلبية الشقق ماتقدم خدمة الفطور للعملاء الافضل تشتريها من هنا طبعا لكن تحتاج تغلفها تمام وتحطها في شنطة العفش وليس الشنطة اللي داخل الطيارة عادي تقدر تدخلها معاك وارخص من هناك :32: اسعار التنقل جدا رمزية من 50 بيسو الى 250 بيسو ماتزيد تحياتي |
اقتباس:
والله حجزنا كله فنادق مع فطور لكن قلنا نضمن سناكات اقل شي :D عوافي مشرفنا الفخم ماقصرت والله :e328::e32d::e327: |
اخوي انا مثل وضعك مسافر ع شهر سبتمبر بس كلها بروكاي وخلصت التذاكر والفنادق اللي فهمته من كلامك يعني احتاج لي كاش حق الفله 10 الاف ريال؟!! مبالغ فيه مررررره |
اقتباس:
طبعا كل شخص وله صرفيته حسب الجو الي عايشه ، لكن مبدئيا الاسعار جدا مقبولة رغم اننا بوقت ذروة. اهم شي كاسرهم بالسعر ( بالنسبة للفعاليات ) انا اتفقت مع صاحبي اننا القطية تكوت 3000 ريال ( 1500 للشخص ) ولو احتجنا زيادة راح نزيد اكيد لي 3 ايام وصرفنا تقريبا اقل من 900 ريال لك ان تتخيل ان صرفية ( العشاء ) بالمطاعم الجيدة ( مو الفخمة مرة :D ) تساوي تقريبا 60 ريال للشخصين ! بس مثل ماقلت لك ، الصرفية حسب جوك |
ننتظر تقريركم |
| الساعة الآن 01:54 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO