|
مسافرين ونحتاج نصائحكم السلام عليكم ورحمة الله وبركاته صباح/مساء الخير :e032: احبتي الاعزاء احنا 3 اشخاص بنسافر سفره شبابيه وبنفس الوقت زياره اماكن حلوه وطبيعيه ومحتارين وين نروح وبعد الاستفسارات وطرح الاراء من اخواننا في هذا الصرح الشامخ تم اختيار دوله ( الفلبين ) ولايوجد لدينا اي معلومه او معرفه بالفلبين ونريد منكم المعونه والنصيحه طبعاً سفرتنا بتكون ب 15/7/2018 لمده 10 او 12 يوم وميزانيتنا من غير التذاكر 13 الف ريال هل الميزانيه تكفي سكن واكل ومواصلات وسهرات ليليه ورحلات سياحيه نهاريه بالنسبه للسهرات مو كل يوم يوم نسهر يوم ايوه ويوم لا هل الامان كويس ولا يوجد مضايقات او عجرفه ؟ وهل الجلوس بمانيلا كل الايام ولا يكون في رحلات لجزر واماكن خارجها ؟ بالنسبه للاكل في مطاعم حلال واكل حلو ولا كله فلبيني وخاص فيهم ؟ اللي عنده معلومه - نصيحه ارجوا طرحها :5: ودي لكم. :e032: |
وعليك السلام ورحمة الله وبركاته أهلا ومرحبا في قسم السفر الى الفلبين بالنسبه للاماكن حول مانيلا تفضل هذا الموضوع راح يعطيك فكره بسيطه https://www.arabtrvl.com/vb/t27536.html الميزانيه تعتمد حسب قيمة السكن بالنسبه للمطاعم اغلبيتها فلبينيه لكن تظل المطاعم العالميه متوفره في كل مانيلا موضوع المضايقات غير متواجده اطلاقا من الشعب الفلبيني الكل مرحب به هناك ودائما التعامل الحسن والاخلاق النبيله تعطي انطباع كبير عن ديننا الاسلامي والكثير يتجاهل النقطه هاذي جدول لمدة 12 يوم : يومين مانيلا ثم السفر الى جزيرة بوهول وقضاء يومين ثم السفر الى جزيرة كورون لمدة 3 ايام ثم الرجوع لمانيلا لقضاء باقي الايام وزيارة الاماكن القريبه منها اي استفسارات اخرى حاضرين ان شاءالله تحياتي |
شاكر لك مرورك العطر طيب اللغه ضعيفه عندنا اذا في مترجم وسائق ثقه ي لبت تعطيني طريقه التواصل معهم والرحلات للجزر تحتاج طيران داخلي او لا ؟ وكيف احجز وكيف اتنقل هناك ؟ وكيف اعرف الاماكن السياحيه هناك ؟ وهل يكون معنا شخص او لوحدنا ؟ والميزانيه تقولي المهم السكن ممكن ترشح او تعطيني اسم فنادق حلوه ونظيفه وقريبه من الاماكن الحلوه تحياتي. |
اقتباس:
العفو اللغه الانجليزية مهمه لزيارة الفلبين حتى لو نسبة 50% لانكم راح تواجهون صعوبات في التواصل مع الكل هناك خصوصا في الجوازات الفلبينيه اغلب الاحيان يسالون السياح عن سبب الزيارة او مكان السكن او جدول الزيارة لا أقصد التخويف لكن هذا وارد بعكس اندونيسيا الكثير يتقن اللغه العربيه بالنسبه للجزر اغلبيتها طيران داخلي لكن في جزر او شواطئ تقدرون تزوروها بالسياره او الباص الحجز عن طريق الموقع اما طيران او فندق قبل السفر وهذا موضوع راح يفيدك نوعا ما https://www.arabtrvl.com/vb/t12351.html الفنادق كثيره وافضلها في منطقة مكاتي راح ارشحلك كذا فندق وانته تقدر تقرر حسب مايناسبك من السعر 1- Holiday Inn Makati 2- Dusit Thani 3- Raffles 4- New World 5- Tower Inn 6- Hotel Céleste كلها مجربه شخصيا ونظيفة وآمنة و مواقعها مميزه قريبه من كل شي في منطقة مكاتي وعندكم خيار اخر وهوا حجز شقه عن طريقة موقع Airbnb واشوفه خيار ممتاز كرحلة شبابيه اي استفسارات اخرى حاضرين ان شاءالله تحياتي |
يالغالي دام اللغه ضروريه مافي مترجم يكون معنا وبالنسبه للسياره كيف نستاجر ونسوق حنا ولا سواق والاكل لو اخذنا العزبه نحصل كل اللي نبي مثلا دجاج او لحم ذبح اسلامي والخضار وهالسوالف نفس اللي عندنا والامور تمام ولا كيف شكلنا ننكسلها ونشوف دوله اخرى :9: |
اقتباس:
اللغه جدا ضروريه في الفلبين والشعب لايتحدث اللغه العربيه اطلاقا بالنسبه للسواقه في الفلبين اشوفها مخاطره لانه قوانين المرور جدا صارمه والزحمه كثيره عندهم والرخصه الدولية الضرورية للسواقه هناك العزبه راح تفيدكم كثير لكن بعض الفنادق ممنوع الطبخ فيها فقط في الشقق الخاصه ذبح اسلامي في الفلبين غير موجود بكثره وان وجد لايكون ع اكمل وجه لان البلد غير مسلم لكم الخيار في القرار لكن الافضل تعرفون الامور هاذي قبل تواجهونها هناك وتكون عقبة كبيره عليكم تحياتي |
اجل بنستخير ونشوف وش يصير معنا اذا نوينا رجعت واكملت المتطلبات والاستفسارات بحول الله شكراً لك على ردك السريع في ابداء المشوره والنصيحه وكذلك رحابه الصدر تحياتي لك ولكل من مر من هنا :e303: |
يا مشرفنا .. هل شهر اغسطس مناسب لزيارة الفلبين ؟ |
اقتباس:
شهر اغسطس يتحول الطقس الى بداية الامطار والغالب تبدأ من منتصف شهر 7 يعتبر مناسب اذا كنت من محبي الامطار والحراره راح تنخفض تدريجيا تحياتي |
الاكل عندهم مافي غير البحري الباقي انحش ودام اللغه ضعيفه عندكم مانصحكم تسافرون للفلبين لان غير الانقليزي بتتعب |
| الساعة الآن 11:07 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO