|
استفسارات عن الفلبين لعائله صغيره السلام عليكم جميعاً شكرا على جمعتنا في هذا المنتدى ،قدم لنا فائده جميله استفساري عن الفلبين انا احب الجزر وعيني على بالاوان 1)زيارتي بنص او نهاية جون بتكون 20 يوم واقدر ازيدها اذا يحتاج، هل المده كافيه؟ 2)هل احط مانيلا من ضمن المخطط تستاهل ؟ 3) كيف الأمان في مانيلا والجزر؟ 4)معي 3 اطفال بعمر 12 - 10 -8 الرحله لهم وابغى انشطه لهم غوص صيد جبال 5)تنصحوني بأي فنادق؟ 6)هل اقدر اروح لديزني لاند في هونغ كونغ ولا بعيده؟ 7)اعطوني نصايح لجزر واماكن تستحق الزياره في الفلبين ارجوكم وشكرا لكم |
اقتباس:
وعليك السلام ورحمة الله وبركاته اهلا ومرحبا في قسم السفر الى الفلبين 1) المده كافيه لزبارة بعض الجزر والتوقيت مناسب موسم امطار وتغيير المناخ 2) مانيلا ضروري تمري عليها لانها المحطه الرئيسيه للانطلاق 3) الحمدلله الامان موجود في كل مناطق وجزر الفلبين 4) افضل جزيرة للانشطه البحريه هيه بوراكاي او شاطئ سوبيك 3 ساعات من مانيلا 5) ياليت تحددي المنطقه اللي ناوية تسكني فيها واغلبية الفنادق اسعارها مابين 350 الى 500 ريال اللليله 6) مو بعديه فقط ساعتين بالطيارة من مانيلا الى هونج كونج (تحتاجي فيزا مسبقه) 7) جزيرة بوراكاي و جزيرة كورون وجزيرة بوهول وجزيرة باتانيس كلها تستاهل الزياره اي استفسارات اخرى حاضرين ان شاءالله تحياتي |
اقتباس:
اهلا وسهلا شكرا على الرد الانتقال من جزيره لجزيره كيف ؟ وش تنصحني احجز الطيران الداخلي مره وحده من الرياض ؟ وش افضل خطوط طيران داخلي؟ وش رايك في إلنيدو؟ يعني تنصحني اسكن بثلاث جزر ؟ ابدأ بأي وحده عشان التنقل يكون سهل وش رايك في هالفنادق منتجعات إل نيدو بانغولاسيان آيلاند منتجع وسبا كاوايان أيلاند منتجع وسبا شانغريلاز بوراكاي هونغ كونغ كم تكفي من يوم ؟ ووين اسكن ؟ هل اخلي رحلتي دايركت عليها ولا اخليها اخر اسبوع من الرحله |
ارجو الرد من اهل الخبره |
الانتقال من جزيرة لجزيرة بالطيران وبعضها بالبووت السريع بس اخاف يتعبكم من دوار البحر افضل طيران داخلي طيران الفلبين بعدين سيبو باسيفيك اكيد احسن انك ترتبي الرحله وانتي في الرياض احجزي الرحلات الداخليه والفنادق قبل الوصول للفلبين النيدو جميله واذا تبغي تسكني في النيدو ارشحلك تختاري منتجع El Nido Lagen راسليهم عن طريق موقعهم وراح يعطونك جدول كامل شامل تذاكر الطيران الخاص فيهم والانشطه وتستاهل التجربه تفضلي الموقع https://www.elnidoresorts.com/lagen-island/ ارشحلك 3 جزر: بوراكاي - النيدو - بوهول المشكله الوحيده انه لازم ترانزيت مانيلاا والافضل اذا ناوية تروحي هونج كونج اذا احذفي بوهول ويصير خط السير مانيلا - النيدو - مانيلا يومين - بوراكاي - مانيلا - هونج كونج - الرياض بالنسبه للفنادق الافضل تقررين خط السير والجزر بعدين راح اعطيكي خيارات الفنادق ان شاءالله تحياتي |
اقتباس:
ويصير خط السير مانيلا - النيدو - مانيلا يومين - بوراكاي - مانيلا - هونج كونج - الرياض خلاص نويت على هالجدول ان شاءالله لكن ليش ارجع لمانيلا مافيه طيران داخلي ؟ لكن قريت ان ديزني هونغ كونغ ماتنفع في جولاي هل اغير التاريخ |
خط السير للرحلة متعب مع الاطفال فيه تنقل كثير خيارات الاطفال في الفلبين محدوده هونق كونق الافضل زيارتها في نوفمبر الشي الاخر البلد غالي مره جهزي ميزانية جيدة كذلك اطلعي على طريقة استخدام المترو راح تحتاجينه كثير لاني التكسي غالي مره |
اقتباس:
مافهمت سؤالك ليه ترجعي مانيلا اغلبية الرحلات الداخليه لازم تمر ع مانيلا اول وفي مطارات ماتحتاج تمر ع مانيلا وتكون الرحله دايركت للجزيرة اغلبية دول شرق اسيا يكون شهر جولاي موسم امطار لو تبغي نصيحتي اختار جزيرة فقط واجلسي فيها 5 ايام وبعدين روحي ع هونج كونج لديزني لاند لو كنسلتي هونج كونج اذا اختاري النيدو و بوهول عشان يكون في تغيير من ناحية المناظر مو كلها شواطئ تحياتي |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO