|
ترتيب برنامج الرحلة بسم الله الرحمن الرحيم السلام عليكم حطيت برنامج حق رحلتي في ابريل واطمع في مشاركتكم لي بارآئكم به 3 ليال روما 3 ليال امالفي ليلتين بيروجيا ليلتين فلورنسا ليلتين جنوا وبعدها باروح بالقطار الى جنيف طبعاً باستئجر سيارة من اخر يوم في روما الى اخر يوم في جنوا |
وعليكم السلام ورحمه الله وبركاته ياهلا ومرحبا بالنسبه لجدولك اخوي امالفي تقريبا 270 كيلو جنوب روما وباقي المدن الي تبغي تروح لها بالشمال اذا بتطلع من امالفي الى بيروجيا تقريبا 430 كيلو لان راح ترجع روما مره ثانيه ومن روما الى بيروجيا النقطه الثانيه اذا تبغي تطلع بالقطار الافضل نطلع من جنوا الى ميلانو وتسترجع السياره هناك وتاخذ القطار الى جنيف بالنسبه لأختيار المدن هل رغبتك بزيارتها او ممكن تغير !! لاني ابغي اشوف رغبتك وبعدها نخطط لك الجدول بالتوفيق يارب |
اقتباس:
وحالياً حجزت فنادق(روما-امالفي-بيروجيا):13: وباقي لي فلورنسا وجنوا في البداية كنت مخطط اخلي ليلة في ميلان منها اسلم السيارة واخذ القطار لجنيف بس الحين افكر على طول اروح اسلم السيارة وع القطار بدون ما اسكن في ميلان عشان اسكن في جنيف 3 ليال |
جدولك حلو فقط الملاحظة اللي ذكرها مراقبنا القدير القطري انك بتتجه جنوب من روما ثم بتتجه شمال مرة اخرى والمسافة الطويلة الى بيروجيا من امالفي .. ومادام امالفي في خاطرك فتوكل بس لاتنسانا بتقرير عنها بعض الاماكن المقترحة للزيارة عن تنقلاتك من مدينة لاخرى - من امالفي الى بيروجيا ممكن تمر على فيلا وحدائق ديستي في مدينة Tivoli Villa d'Este, Tivoli, (Roma) - Italia - Sito Ufficiale - وبعدها ممكن تمر على شلال marmorefalls بالقرب من بلدة Terni Sito Ufficiale gestione servizi Cascata delle Marmore - وفي بيروجيا ممكن تزور ساحة Piazza IV Novembre وقربها القناطر الرومانية في شارع Via dell'Acquedotto وشارع Via Appia - وفي الطريق من بيروجيا الى فلورانس ممكن تمر على اوت لت برادا ثم اوت لت ذا مول احد احلى اسواق الاوت لت في ايطاليا - وفي الطريق من فلورانس الى جنوة ممكن تمر برج بيزا المائل ثم قرية مانارولا احد قرى السينك تير الجميلة ثم قرية Portofino واذا تريد احداثية اي مكان من هذي الاماكن فممكن اوفرها لك وبالتوفيق |
اقتباس:
بس انا متحمس ازور امالفي ونابولي بشكل كبير وفي نفس الوقت ابغى ازور جنيف في نهاية الرحلة،عشان كذا سويت خط سير الرحلة كذا |
| الساعة الآن 07:50 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO