|
تقسيم الشمال الايطالي السلام عليكم في تخطيط ان بعد النمسا ننزل الشمال الايطالي وحاولت احصل سكن في فندق قريب كومو او قاردا يناسبنا مافي يغلب على الفنادق الطابع القديم احس الاثاث من الثمانينات و الستاير من العصر الامبرطوري :12: مالكم بالطويلة قررت اسكن ب brescia في فنادق مودرن اذا بزور كومو و قاردا من هالمنطقة مافي اشكال المسافات مقبولة :e15a: لكن لما انوي زيارة بولزانو و دي كورتينا دي امبيزو و هالمناطق المشوار راح ياخذ 3 ساعات و شوي فكرت اقسم بعد بيرتيساو اخذ قطار من انسبروك الى trento و تكون مقر اقامتي لمدة ليلتين عشان ارتب لزيارة الريف الايطالي في الشمال الشرقي و من ثم بريسكيا اللي تكلمت عنها في البداية عشان الشمال الغربي هل برايكم ليلتين في ترينتو فكرة جيدة و من ثم 3 ليالي في بريسيكيا انا عندي قرى و مناطق في الشمال الايطالي بس مايمنع استزيد منكم اتحفونا بمناطق واحداثيات في الشمال الايطالي فيها مطلات بانورامية - تلفريكات - بحيرات - انشطة ترفيهية يهمني ازور في هال خمس ليالي قرى الشمال الغربي قرى الشمال الشرقي كومو و قاردا و لوغانو فيرونا و فينيسيا لا تنسون تعطونا قائمة بأفضل المطاعم اتحفونا :e335: |
خلاص حجزت بتورنتو ليلتين و بريسكا 3 ليالي عطونا الاماكن المهمة للزيارة في الشمال الايطالي :e03f: |
نعتذر منج مشرفتنا هذا الاستفسار ماشفته اللا اليوم ترينتو مكانها مناسب لزيارة الشمال الايطالي وبريشيا منها ممكن تزورون كومو ولوجانو وايضا فينيسيا اغلب الاماكن السياحية بتلقونها في خريطة ايطاليا السياحية واختاورا منها اللي يناسبكم في فيرونا فيه مطعم ايطالي رائع Nastro Azzurro https://goo.gl/maps/MMD2Q7yRwjT2 وقرب سيرموني ايضا مطعم ايطالي حلو La Foresta https://goo.gl/maps/qApzUF431JM2 مطل مونت بالدو ممتاز ويطل على بحيرة جاردا Monte Baldo https://goo.gl/maps/HPD1hLCMCPS2 االتنقل بالسيارة اسهل واجمل سواء في النمسا او ايطاليا |
اقتباس:
معذور راح اشوف الخريطة وارتب جدول و استشيركم فيه سوال بعد بالنسبة لفينيسيا قطاري يوصل من انسبروك الى فيرونا على الساعة 12:30 الظهر راح استلم السيارة و اروح مباشرة فينيسيا اعتقد مع المشوار و الاجراءات راح اوصل 2 الظهر هل يكفي الوقت من 2 الظهر الى المسا اني استكشف فينيسيا انا عادي ماهمني الا سان ماركو و لفة بالجندول و مطعم حلو للغدى و كافيه حلو للقهوة اعتقد راح يكفي الوقت بعد شغلة معانا شخص يستخدم الويل جير فهل صعب التنقل في فينسيا بالويل جير ؟ يعني كلها ادراج و جسور صح ؟ |
بالسيارة من فيرونا الى البندقية تقريبا ساعه ونص واحتمال توصلون على الساعه 2 ونص او 3 الظهر والوقت يكفيكم ان شاء الله بالنسبة للويل جير ان شاء الله ما عندكم مشكله والافضل عند الوصول للمواقف تنزلون الشخص اللي عنده ويل جير قبل ماتدخلون المواقف لان فيها درج وايضا فيها مصعد ولكن افضل واريح له انكم تنزلونه قبل الدخول للمواقف وعند الانتقال من المواقف الى ساحة سان ماركو الافضل الانتقال بالعبارة بدل قوارب التاكسي صحيح انها ابطأ لكنها مناسبة للي للويل جير المطاعم والاسواق والجندول تلقونها حول ساحة سان ماركو |
شكرا لك مقدام |
| الساعة الآن 11:08 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO