|
ميلانو لمدة أسبوع بسم الله الرحمن الرحيم السلام عليكم ورحمة الله وبركاته ،، أولا أحب أشكر الأعضاء الفعالين في هذا المنتدى اللي معلوماته جداً قيمة ،، وبمساعدة الأعضاء وخدمتهم لأخوانهم الكل يتمنى يرتب لسفره ويتهنى بها ،، أنا حبيت أني استفسر من الخبراء في المنتدى وبما أنها أول سفر لي إلى إيطاليا وبالأخص ميلانو لأني رايح مع شباب إحنا 3 أشخاص راح نسكن في ميلانو خصيصا لمشاهدة مباراة لـ ميلان ، سفرنا راح يكون في ديسمبر بس الترتيب بدأ من الآن أبي أعرف ويش الأماكن اللي تستاهل الزيارة في ميلانو .. رحلتنا راح تكون مدتها أسبوع .. وما فيه مشكلة لو طلعنا بعيد عن ميلانو شوي مثل فلورنس او البندقية او حتى سيردينيا .. بناخذ راحتنا في زيارة الأماكن عندنا اسبوع أظن أكثر من كافي الشيء الأكثر أهمية .. المطاعم العربية في إيطاليا وخصوصاً في الاماكن السياحية اللي بنروح لها نبي نعرف كيف نضبط نفسها من ناحية الأكل لمدة أسبوع هناك !! ونبي نروح أماكن رياضية أكثر بما أننا من عشق كرة القدم الإيطالية إذا أمكن ،، بالتوفيـق للجميع .. |
وعليكم السلام ورحمة الله وبركاته انا مازرت ميلانو تحديدا فما بقدر افيدك فيها لكن نصيحة بما ان الجو بيكون بارد وفينيسيا قريبة خصص لها يوم من جدولك وبالتوفيق |
بالتوفيق لكن ركز على محفظتك وجوالك لاينسرقون ترا الحرامية وااااجد |
راح نسكن في ميلانو أنصحكم بالسكن بالقرب من ساحة دومو، فهي وسط المدينة والمنطقة الأهم فيها. وأنصح بهذا الفندق عن تجربة شخصية، إذا كنتم تريدون مكان نظيف وسعر معقول للنوم فقط. (Hotel Brunelleschi Milan) أبي أعرف ويش الأماكن اللي تستاهل الزيارة في ميلانو .. أعتقد أن منطقة وسط المدينة (ساحة دومو) والشوارع المحيطة بها هي الأهم، وربما ساحة (Piazza Gae Aulenti) التي تقع وسط مباني حديثة. رحلتنا راح تكون مدتها أسبوع أنصح بأن تكون إقامتكم في ميلان اقل ما يمكن، فلم ارى فيها ما يميزها. واقترح الخروج منها باتجاه ساحل الريفيرا الايطالي، إلى مدينة Pisa حيث البرج المائل، ثم إلى فلورانس، ومنها إلى روما. الشيء الأكثر أهمية .. المطاعم العربية في إيطاليا الأكل الايطالي لذيذ بشكل عام، أما المطاعم فلم أجرب العربية هناك، ولكن انصح باستخدام تطبيقات المطاعم مثل foursquare |
لا تنسى تزور فينيسيا و روما مايحتاج مبيت انا زرتهم يوم كامل بالقطار |
| الساعة الآن 12:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO