|
الشمال الايطالي + ميلان ، شهر مارس السلام عليكم .. استفسار بسيط وباذن الله نستفيد من اهل الخبرة .. ماوي ازور اوروبا في منتصف مارس .. 15 مارس الى 2 ابريل تقريبا الخطة كالتالي : جدة - باريس - امستردام - شمال ايطاليا وميلان - جدة باريس : ليلتين امستردام : 5 ليال ايطاليا : 7 ليال استفساراتي : - كيف الجو ؟ بارد ولا معتدل ؟ هل في خضار وطبيعة ولا ثلوج ؟ يعني الربيع يكون في بدايته والمناظر حلوة ؟ - ايش رايكم في مسار الرحلة ؟ - في تنصحوني اروح في شمال ايطاليا ؟ ماعندي خلفبة عنها الصراحة لكن عجبتني الطبيعة فيها - في انشطة في شمال ايطاليا ولا بس ارياف ؟ ملاحظة .. عادي تقترحو اي شي في الخطة ، ماعدا 5 ليال امستردام ملزم فيها وجزاكم الله خير 🌹 |
وعليكم السلام ورحمة الله وبركاته الشمال الايطالي جميل ويستحق الزيارة الانشطة قليلة في الشمال الايطالي واغلبها طبيعة ومدن وقرى جميلة ممكن اقترح عليك الجدول التالي يومين ميلان ثم يومين بولزانو ثم يومين فيرونا واخر يوم كومو او ستريزا هذي تقارير ممكن تفيدك عن الشمال الايطالي رحلتي الاستكشافيه في الاراضي الايطاليه . نهاية مارس 2015 أين تذهب في الشمال الإيطالي احداثيات وخرائط للاماكن سياحية شمال ايطاليا |
الشمال الايطالي بمارس القمم العالية ثلوج اما الارياف من 4 الى 12 درجة تقريبا ممكن تزور فينيس و بعض قرى الشمال الايطالي ماقصر خبيرنا مقدام عطاك الروابط بالاضافة الى جاردا و كومو و لوغانو |
شكرا شكرا شكرا .. الله يسعدكم شفت التقارير واخذت فكرة في مقترح خارجي ، بعد امستردام .. ٣ ايام برشلونة و ٤ شمال ايطاليا هل لو رحت لبرشلونة وبعدها ب ٣ ايام ايطاليا عن طريق الطيارة فيه تعب ؟ ولا رحلة خفيفة ؟ تنقلاتي ختكون بالقطار والميترو في ال٣ مناطق الاولى والرابعة الشمال بسيارة |
ماشاء الله اسبانيا بعد وجهاتك متباعدة نوعا ما ان شاءالله مافي تعب بس اعتبر يوم الطيران شبهه رايح ساعه طريق المطار و ساعتين قبل الرحله وساعه طيران اقلها و ساعتين عفش و الوصول الى الفندق يعني نص اليوم ضاع و لازم بترتاح شوي اذا خلص اليوم :26: اختصر عشان تستمتع ولايضيع وقتك |
صحيح واتفق معاكِ .. ممكن استغني عن برشلونة لكن يقولو ميلان مافيها اي شي يجذب محتار الصراحة لو في اقتراح مسار رحلة مريح وممتع يجمع بين ( العواصم و حياة المدينة + الريف ) طبعا انا ملزم بس بامستردام ، الباقي ممكن اغير مسار الرحلة كامل وشكرا �� |
طيب نقول عندك ١٢ ليلة بعد امستردام عندك خيارين افضلهم اما امستردام و طيارة علي باريس اجلس ٣ ليالي بعدها جنيف ٣ ليالي اطلع انسي و شامونيه ولفه بين لوزان و مونترو و ايفيان و ٦ ليالي انترلاكن او امستردام و طيارة علي روما ليلتين روما و بالقطار ليلتين فلورنسا و بالقطار ٣ ليالي ميلان يوم روح فينيسيا و ٥ برغامو منها اطلع كومو و غاردا و لوغانو و فيرونا ضروري تاخذ سيارة عشان تلفلف براحتك اذا لحالك و خفيف انصحك بالثاني الاجواء جدا حلوه في ايطاليا هالوقت و احلي من الصيف |
هلا اخوي .. رحلة سعيدة ان شاء الله من وجهة نظري ميلان لا تستحق الزياره أبدا كنت متحمسة جدا لها و لما رحت انصدمت جدا مافيها شي غير الاوتلت |
توكلت على الله وتم اعتماد الخطة .. من ١٥ الى ٣١ مارس الخميس ١٥ مارس : الوصول لباريس الصباح باذن الله الاحد قطار الى امستردام ٥ ليال في امستردام .. بعدين السبت ازور اي قرية جميلة قريبة من امستردام الاحد الى ميلان عندي ٦ ليال في ايطاليا ^ يارب تكون واضحة الخطة . عندي استفسارات ومنكم استفيد. فرنسا : فين افضل منطقة للسكن ؟ هل يوجد بطاقة خصم للميتر ؟ من المطار بالتاكسي ؟ هولنذا : قرية تنصحوني ازورها في نفس اليوم ؟ ايطاليا : عندي ٦ ليال ،. اتمنى تبدعو في تقسيمها ( نفضل الريف و شوية تسوق ) ناوي استاجر سيارة ، ف ايش تنصحوني اسوي ؟ اسكن في ميلان و اتمشى وارجع في وفس الليلة ؟ ولا اقسمها ٣ ليال ولا كيف ؟ والله يجزاكم الجنة + اختي ابرار ، كثير قالو نفس الكلام و الصراحة ما تحمست لها ~ شكرا ع مشاركة التجربة لكن اتمنى احد يساعدني في تقسيم ٦ ليالي في ايطاليا والعودة من مطار ميلان |
فرنسا اسكن في لادفانس اعتقد المترو ماله خصم بطاقة وتحدد عدد الايام ايطاليا اسكن ب برغامو طول الست ليالي اطلع منها الى ميلان و جاردا و كومو و فينيسيا و لوغانو كل يوم مكان كلهم مش بعيدات في حدود ساعه ا ساعه ونص اسكن بفنادق المطار ارخص و انظف زور ميلان دامك واصل هي بس الدومو و مجمع ايمانويل اشرب لك كافي و كل من ايسكريم سافي اللذيذ او فينشي عندك اوتلت سيرفالي ممكن بعد ميلان تروحه وعندك اوتلت فينيسيا ممكن قبل فيسنيسيا تزوره اسمه نوفينتانا |
شكرا على اقتراحاتكم .. الله يسعدكم جميعا |
اقتباس:
تبعد نص ساعه عن امستردام تقريباً وعشان تستمتع فيها اكثر لازم تستاجر سيكل في كشك يأجر سياكل ابحث عنها باليوتيوب وهذا موقعها في قوقل ماب |
Jeed جاري البحث وحمستني الصراحة |
استفسار اضافي ، استاجرت ٤ ليالي في ريفا ديل جاردا و ٣ ليال في كومو الثلاث ليال حقت كومو : يوم في كومو وماحولها ( ايش في شي حلو حولها ؟ ) و يوم لوقانو ( هل بحتاج ستيكر سويسرا حق السيارة ؟ ) ويوم ميلانو اما الاربع ليال في ريفا : يوم فينيسيا و ٣ ايام ياليت تقترحو فين اروح + قريت في تقرير اختي منيرة ان الطرق من والى ريفا ديل جاردا ضيقة و فهمت انه يكفيها يوم زيارة عندي فرصة الغي الحجز قبل ١٦ مارس .. فين تنصحوني احول الوجهة بدال ريفا ؟ ابغا مكان جميل من ناحية مناظر ومطاعم وممتاز للسكن وشكرا ❤️ |
اقتباس:
بالنسبة لريفا دل قاردا ماتستحق 4 ايام يكفيها يوم السنتر صغير و راح تطلع جبل مونت بالدو يعني نص يوم كافي اذا حجزك مسترد او الغاء مجاني ؟ الغي نصيحة لأن فعلا مافيها شي للسكن لمدة 4 ليالي فضلا ان الطريق جدا متعب لو حبيت تتنقل خلال هالاربع ايام راح يتعبك الطريق الشارع مسارين رايح و جاي فقط لو يصير اي شي راح تشوف الزحمة مرة وقفنا 20 دقيقة عشان حجر متناثر من الانفاق غير مسافة الطريق بالنسبة لكومو ممكن ترجع لموضوعي عن الشمال الايطالي راح تلاقي الفعاليات و الاحداثيات بالنسبة للوقانو ، انت من وين بتأجر السيارة ؟ نعم تحتاج ستيكر ايش البديل اذا ترجع لموضوع الشمال الايطالي - لماذا برغامو راح تشوف انها متوسطة كثير من الوجهات و السكن فيها رخيص و ممتاز بالتوفيق |
ممتاز .. كيف السنتر حق برغامو ؟ هل يوجد مطاعم وكذا ؟ فندق تنصحون به ؟ وباذن الله حاغير الحجز |
برغامو هي المدينة اللي فيها المطار منطقة مخدومة للأمانة لم اسكن بها سكنت بمنطقة قريبة اسمها برسكيا بالنسبة للمطاعم ترى كل يوم بتقضيه في مكان يعني برغامو للسكن فقط حط في بالك دامك في ايطاليا راح تاكل بيتزا و باستا و وجبات سريعة جربت مطعم هندي ابد ماعجبني فندق ننصح به خذ سلسلة معروفة خذ من فنادق المطار رخيصة و نظيفة مثل NH hotel او ميراكيور |
شغلة بعد في عبارات للبحيرات الكبيرة يعني اذا في بالك تنتقل من طرف الى طرف حمل السيارة بالعبارة الطريق بيكون اسهل و اقصر بكثير |
| الساعة الآن 02:20 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO