|
احتاج مقترحاتكم لرحلة ميلان السلام عليكم ورحمة الله وبركاته أعضاء العرب المسافرون الأفاضل احتاج مقرحاتكم لدي رحلة في 5 أكتوبر إلى 16 أكتوبر ( كيف راح يكون الجو في بداية اكتوبر ) السنه الماضيه كنت في النمسا بنفس التاريخ وكان الجو جميل والطبيعه جميله مطار الذهاب والعودة: ميلان الايام الفعليه: 10 أيام بدون الذهاب والعودة العدد: انا وزوجتي وسيلة التنقل: بأستاجر سيارة احتاج استشارتكم عن توزيع الايام ومقترحات السكن والمدن او القرى الي ازورها الي تستاهل احتاج 3 مدن غير ميلان ازورها لاني احب اعطي كل مدينه حقها في التمشيه والاسترخاء لو ليوم او يومين ميلان ممكن يكون لها نصيب اكبر في العودة بحكم زيارة شوارعها ومقاهيها والتسوق الف شكر لكم ولمساعدتكم تحياتي |
اتمنى يفيدونكم الاخوان |
ارجوا الرد من الاخوان رحلتي قريبة وودي احجز الفنادق |
السلام عليكم و رحمة الله و بركاته حياك أخوي ahmedjamaan .. "و المعذرة على التأخر في الرد .." طيب يا حبيبنا ... بالنسبة للجو خلال أكتوبر في أيطاليا بيكون المعدل 23 درجة مئوية يعني الجو لطيف ما بعد أشتد البرد ... بالنسبة لتوظيع الأيام هل أنت بتكون في أجازة ؟ و هل النية فقط زيارة أيطاليا .؟؟ إذا الأجابة بنعم ... تقدر بعد وصولك إلى ميلان تتوجهة مباشر إلى كومو COMO و تخلي سكنك فيها و تقضي فيها كم يوم و منها تزور بيلاجيو تبعد عن كومو 45 دقيقة بالسيارة منطقة جميلة تستحق الزيارة و أنصح فيها بشدة و أيضاً تقدر تزور لوقانوا في سويسرا تبعد عن كومو 38 دقيقة بالسيارة منطقة جميلة جداً و لو حاب تزور فرنسا يمكنك تزور شاموني (Chamonix)و آنسي (Annecy) تبعد عن كومو 4 ساعات و تقضي فيها يومين و باقي المدة ترجع إلى ميلان للتسوق و التمشيات .... يعني تقسم أيامك 5 أيام ما بين كومو و بيلاجيو و لوقانوا و شاموني و آنسي و الــ 5 أيام الباقية تقضيها في ميلان طبعاً الفترة الأولى مقترحة و يمكنك الحذف منها أو الجميع بينها لأنها كلها متقاربة و جنب بعض .... مقترحات السكن .. " أدخل موقع Booking و أختار اللى يناسبك من الفنادق و طالما عندك سيارة فأعتبر نفس حر في أختيار السكن المهم يكون في مةقع مناسب ... بالتوفيق .. و أتمنى أكون أفدتك بالمعلومة |
اخي ابو معتز الف شكر لمعلوماتك القيمة افدتني كثير انا ان شاء الله قررت اروح غاردا وكومو ان شاء الله اني اكون اخترت مكان جميل ولو عندك ملاحظات ما استغني عنك |
اقتباس:
عذراً عن التأخر في الرد أخي ahmed خياراتك ممتازة و الأماكن جميلة تستحق الزيارة |
رحله موفقه |
| الساعة الآن 12:52 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO