|
اول مره ايطاليا مساء الخير جميعا الله يسعدكم ممكن تساعدوني وتنصحوني بها السفريه ناويه اروح ايطاليا بس ماعمري رحتلها وماادري وين اروح ومن وين ابدا ودي اروح ميلانو وفلورنس وكابري وروما ومده رحلتي 8 ايام اذا شويه عادي احذف مدينه وكيف جوها باول ابريل وشكرا مرره |
السلام عليكم و رحمة الله و بركاته .. أول شئ .. أستبعدي كابري لأنها جزيرة في الجنوب الأيطالي و بيضيع عليكم الوقت .. لأن الوصول لها بيكون بالسيارة 4 ساعات و بعدين عبارة تأخذكم لكابري .. أو بالطائرة إلى نابولي و منها بالعبارة... بصراحة أيطاليا تستحق أكثر من 8 ايام و إذا بتجمعون روما و فلورنسا و ميلانو ما راح تكون ممتعة لأنه المدة قصيرة ..إلا إذا بتزودون المدة إلى 12 يوم مثلاً وجهة نظري .. تخلون الرحلة الوصول ميلانو و يكون سكنكم في بيرقامو لأنها منطقة متوسة و قريبة من ميلانو و تستقرون فيها ومنها تزورون ميلانو - كومو - لوقانو(سويسرا)- فيرونا و يمكن زيارة البندقية يوم من الصباح و ترجعون بالمساء .. طبعاً لابد من إستئجار سيارة للتنقل .. و أتوقع مثل هالجدول بيكون كافي لمدة أسبوع طبعاً أستبعدنا روما من الجدول علشان ما ينضغط جدولكم ... |
مرحبا اخوي شكرا لاقترحك طيب لو استبعدنا كلبري وخليناها روما وفلونسا وميلانو وش رايك وسوال ثاني هل ممكن لو مشينا على خطك نروح فلورنسا من ميلانو ونرجع بنفس اليوم؟ |
اقتباس:
روما - فلورنسا - ميلانو خط سير جميل بس المدة لو تزيدونها لأن روما تستحق 3 أيام و فلورنسا يومين و معها زيارة بيزا و ميلانو 4 أيام ... و أما أذا أبقيتوا على المقترح اللى هو السابق أشوف أن زيارة فلورنسا بنفس اليوم بتكون متعبة لأن الطريق من ميلانو لها حوالي 4 ساعات للذهاب + 4 ساعات للعودة إلى ميلانو بكذا يومكم ضايع كله ... |
انا مع ابو معتز هذي مخططي دايما لميلان 6 ايام و السكن بيرقامو و انصح فيه الكل شهر ابريل جميل انا الصيف اللي فات قضيت 14 يوم في ايطاليا 6 بيرجامو 3 فلورنس يوم لفلورنس ويوم لزيارة الاراضي الخمس تشينكو تيري ( اجمل رحلة ) 2 روما تسوق و اثار 3 نابولي يوم كابري بالعبارة ويوم تاخذون سيارة و جولة في الساحل الامالفي |
طيب برقامو قريبه من ميلانو ؟ اول مره اسمع فيها واسم الفندق الي انصحوني في برقانو |
اقتباس:
قريبة جداً تبعد أقل من ساعة بالسيارة عن ميلانو .. و مدينة ممتازة و هادئة و شرحه زرتها في أخر زيارة لي لأيطاليا قبل كم شهر .. و تمنيت أني سكنت فيها و لا سكنت ميلانو .. بالنسبة للفنادق .. موقع Booking هو الأشهر في حجز الفنادق .. و طالما بيكون عندكم سيارة أختاروا الموقع و الفندق المناسب للميزانية بالتوفيق ... |
لامارح يكون فيه سياره راح يكون اما تاكسي او قطار ماهو اقرب مطلر دولي لدى بيرقامو ؟ معليش تعبتكم بالالسئله بس مااعمري رحت لاطاليا ابدا ابدا |
اقتباس:
من وجهة نظري ... الأفضل تستأجرون سيارة للتنقل و بتكون أوفر من التكاسي خصوصاً أن المدة قصيرة و التنقلات من مدينةإلى أخرى أريح لكم من الأرتباط بمواعيد قطارات أو باصات بيرقامو فيها مطار دولي و لكن يستقبل رحلات من داخل أوروبا و بعض الدول .. و لكن أقرب مطار دولي لها مطار ميلانو مالبينسا (MILAN Malpensa) بالتوفيق ... |
اقتباس:
بيرقامو فنادقها رخيصة جدا ابحث في بوكينغ وشوف اللي يناسبك بيرقامو تقريبا 40 دقيقة من ميلان ميلان زحمة خلك بعيد |
| الساعة الآن 04:58 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO