|
اول سفره للشمال الايطالي احتاج مساعدتكم السلام عليكم ورحمة الله الله يسعدكم انا جالسه ارتب لسفرة واحتاج مساعدتكم 🙏🏻 ناوين ايطاليا بإذن الله تحديدا الشمال الإيطالي اول سفره لي لاوروبا عندي كثير استفسارات السفر تقريبا بتاريخ 1 الى 7 سبتمبر كيف بيكون الجو؟ اول شي الطيران : قالوا لي احجز من الرياض ع ميونخ افضل لان ايجار السيارة بميونخ ارخص من ايطاليا الطيران حصلت القطرية ولكن ترانزيت بقطر 6 ساعات انتظار احس طويل مره :( وفيه السعوديه دايركت ع ميونخ ب 3600 وفيه طيران ناس ع سالزبورغ لكن غير مسترد ب 2600 تقريبا وش رايكم ؟ ووش الاسهل بالاجراءات والسيارة مع العلم بناخذ سيارة وبنروح ع طول ع الشمال الايطالي واذا فيه اقتراحات ثانيه للطيران ؟ بالنسبة للفيزا بخلي مكتب يضبطها لنا ان شاء الله ولكن وش الاجراءات بعد كورونا اقصد عزل او فحص وكذا؟ ماسافرت من 2020 وماعرف وش التحديثات😅 بالنسبة للشمال الايطالي سمعت ان السكن رخيص هل صحيح هالكلام؟ يعني رغبتنا بكوخ بالارياف بالشمال هل احصل كوخ غرفتين بمبلغ 500 ريال؟ ووش المدن الريفيه الي ترشحونها فيها طبيعة واكواخ ؟ ووين ابحث عن الاكواخ ؟ دخلت بوكنق ضعت وماحصلت :( ولو مثلا حجزت اول يوم بأي فندق ورحت دورت سكن لباقي الايام مناسب هالحل او لا ؟ والي عنده اسم كوخ حلو ومجرب يعطيني اسمه بليز 🥹 بالنسبة للتنقل بين المدن وقتي محدود ،وش ترشحون لي اهم الاماكن والمدن الي تستحق الزيارة ؟ واقدر اتنقل بينها بسهولة لان معي سيارة السفره كلها 6 ايام ودي ارتب لها صح ابي طبيعة وفعاليات زي التلفريك و زحليقة وبحيرة ويوم للتسوق وشراء الهدايا ويوم لميلان او فينيسيا نصايحكم تسعدني ,, انتظركم 🙊♥:e305: |
وعليكم السلام المدة قصيرة جداً لكن درجة الحرارة حول 15 درجة وبالليل أبرد ممكن تتجهوا مباشرة لقرية اورتيسي Urtijëi بالشمال الايطالي وتكون هي مقر الاقامة ومنها تزوروا باقي القرى ان حبيتوا لأنها بالسنتر قيادة 3:40 ساعة من سالزبورغ لذا عرض ناس مناسب لكن طالما المدة قصيرة ذهاب وعودة ميلانو وتزوروا بحيرة كومو مع مدينة لوقانو السويسرية أفضل لكم برأيي لأن الشمال الايطالي أرياف تختلف تماماً عن جو المدن ولا تناسب الجميع |
الله يسعدك اخوي لكن مافهمت عليك الارياف لاتناسب الجميع ? كيف مافهمت حنا رغبتنا نجرب السكن بالارياف تحديدا كوخ تقدر ترشح لي وش اسماء المدن الريفيه او قرى ريفيه احصل فيها اكواخ وسهل التنقل بينها مثلا لو كنت بروح منها لاحد مدن سويسرا القريبة وايضا لو اروح ميلان او فينيسا |
لاحظت من سؤالك أنك تحبين التنقل الكثير والحركة في مدة قصيرة وهذا يتنافى مع مفهوم الارياف اللي تطلب روقان واستمتاع بما يدور حولك لذا تقييمي أنكم من محبي المدن والهدوء قاتل لكم |
ممكن تسكنوا على بحيرة كومو كامل الأيام ومنها تزوروا لوقانو سويسرا 45 دقيقة بالسيارة ميلانو الايطالية 1:45 ساعة بالسيارة فينيسيا ايطاليا 4 ساعات بالسيارة أرياف الشمال الايطالي 4 ساعات بالسيارة قرية اورتيسي Urtijëi بالشمال الايطالي هي الأفضل ان كنتوا تبحثون عن أكواخ لكن بعيدة عن المدن و مدتكم قصيرة |
هالمره رغبتنا نجرب الهدوء والسكن بالارياف 3 او 4 ايام لو حتى قرية وحدة مو مشكلة و 3 ايام باقيه اتنقل فيها للمدن القريبة مني مثلا لوقانو سويسرا ميلان او فينيسا مو شرط اسكن فيها لا يكفي تمشية وارجع للريف دام معنا سيارة بس مدري كيف اضبط جدول مناسب :( للعلم السفره صارت من 1 الى 8 سبتمبر الخطوط السعودية يمكن تكون رحلتنا ع ميونخ عشان السيارة نستأجرها ونروح للريف الله يسعدك شكرا ع سرعة ردك 🙏 |
اقتباس:
توي انتبه لردك الله يجزاك خير شكرا لك |
اقتباس:
عذراً على المداخلة .. و لكن لا أعتقد بأن ميونخ ستكون خيار غير مناسب في مثل رغبتكم في تغطية الشمال الأيطالي .. فمن الأفضل و الأنسب أختيار مطار ميلانو للذهاب و العودة ... و الحطوط السعودية لديهم رحلات مباشرة إلى ميلان و السيارات متوفرة أيضاً في المطار |
اقتباس:
صحيح وهذي كانت خطتي الرحلة ع ميلانو لكن المكتب قالي بتحصلين السيارات غالية اليوم ب 1000 بس ميونخ تستأجرونها ب 400 ومن ميونخ تروحون للريف الايطالي وش رايك؟ لا بالعكس انتظر رايك خاصة اني قاعدة الآن اقرأ تقرير رحلتك قاعده استفيد من خبرتك تبارك الله |
اقتباس:
هو صحيح أن ميونخ السيارات فيه رخصية و لكن عاد ميلانو ما أعتقد توصل كذا !! رغم أن أسعار السيارات مرتفعة في أوروبا الفترة الحالية بسبب عدة عوامل و أهمها الحرب الأوكرانية الروسية ... و أرتفاع أسعار الوقود تقدرون تعلمون بحث عن طريق موقع Rentalcars و تشوفون الأسعار "أنا عملت بحث مبدأي تجريبي علشان تتضح الصورة الأسعار ما وصلت مثل ما قال 1000 ريال إلا للسيارات الفخمة luxury cars مثل المرسيدس و أودي بس ممكن تحصلون سيارات سيدان عادية مثال (BMW X1 GPS SR. 5,131.75 Price for 7 days (Europcar https://cdn2.rcstatic.com/images/car...bmw/x1_lrg.jpg (Volkswagen T-Cross SR.4698.76 Price for 7 days (Budget https://cdn2.rcstatic.com/images/car...-cross_lrg.jpg و فيه أيضاً سيارات أرخص منها بالموقع بالتوفيق |
| الساعة الآن 01:46 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO