مساعدة في مسار رحلة
 

أسعد الله مساكم بكل خير يا اخوان

بحمد الله طلعت الفيزا لنا يوم الخميس لإيطاليا بإذن الله طبعا لدي مسار رحلة يبدا من روما وينتهي في ميلان ببداية اكتوبر وودي بإستشارة منكم لو تكرمتو

المسار كالتالي :

اقلاع من الرياض الى روما بتاريخ 2 اكتوبر الوصول هناك على الساعة 11 ونص بالليل داخلين على 3 اكتوبر
" وهذي متورط فيها بخصوص السكن " .

بتاريخ 6 اكتوبر راح نطلع بالقطار من روما الى فيرونا,, السكن محجوز لليلة واحدة وراح نستاجر منها سيارة ونطلع الى البندقية بتاريخ 7 اكتوبر .

طبعا بالبندقية ماراح يكون فيها مبيت بنطلع منها الى الى جاردا بتاريخ 7 مباشرة.

في تاريخ 10 اكتوبر راح نطلع من جاردا وننطلق باذن الله الى اورتساي من 10 الى 14 .

في 14 بنرجع الى فيرونا نسلم السيارة وناخذ قطار الى ميلان بنجلس فيها 4 ايام تشمل كومو ومن ثم بتاريخ 18 العودة الى الوطن ..

المسار حاس ان فيه حوسة زايدة صراحة وممكن تترتب بشكل احسن من كذا للعلم ان فيه زيارة لبحيرة برايس وكذلك احس الرحلة نقدر نرتبها اكثر ونضيف فيها ثلاث ليالي في انترلاكن بس اخاف يكون الجدول مزحوم وتروح الرحلة خطوط وارهاق فما رأيكم؟؟

الاخ الكريم Abdullah


في روما عند وصولك من المطار تركب قطار للسيتي سنتر يوصل لمحطة Roma Termini


بالنسبة لمسار الرحلة الحالي

روما 4 ليال / فيرونا 1 ليلة / جاردا 3 ليال / اورتساي 4 ليال / ميلان 4 ليال

في حالة رغبتك زيارة انترلكن يمكن تقليل توزيع الايام للمدن و اضافة الايام لانترلكن


فيكون الترتيب الرحلة كالتالي :

روما 3 ليال / فيرونا ليلة / جاردا ليلتين / اورتساي 3 ليال / انترلكن 4 ليال / ميلان 3 ليال


التنقل من ميلان لانترلكن ذهاب و عودة بالقطار

يوجد قطار مباشر من محطة ميلان سنترال يوصل حتي محطة spiez بانترلكن يتحرك بالصباح الباكر في السابعة و قطار اخر موعده في الثالثة عصرا

يمكن المبيت ليلة في منطقة ميلان سنترال و بعدها التوجه لانترلكن و عند العودة لميلان يمكن زيارة بحيرة كومو يوم بالقطار .

تحياتي

مساء الخير، بخصوص اول يوم وصول لازم حجز الفندق يكون بتاريخ ٢ وليس ٣ أكتوبر، ولازم ترسل لهم معلومات الرحله الخاصه بالطياره عشان يعرفوا الوقت التقريبي للوصول للفندق . بخصوص إيجار السياره في فيرونا !؟ اقترح من روما نفس يوم الشيك اوت من الفندق تكون مأجر السياره وتنطلق براحتك توصل فيرونا ولا ترجع السياره الا بعد ما تزور كومو وبعدها ترجع السياره للشركه ولا تنسى انك تأمن شامل ويكون عندك الرخصه الدولية والسرعه بالخطوط هناك ١٣٠ بحد أقصى.