روما - فلورنسا - روما (أستئجار سيارة في روما )
 

عزيزي

مجرد اقتراح ، على حسب وقت وصولك اذا كان من ٧ الصبح ل ١١ بالليل ، انصحك توصل المطار تاخذ لك اسبريسو وتنطلق مباشره على فلورنس ( تأكد من حالة الطقس، مع ان اغلب الايام يقولك عواصف لكن الجو ولا اروع ) كلها ٣ ساعات انت واصل فلورنس . طبعا محلات إيجار السياره سهل الوصول لها واغلبها ١٢ بالليل تقفل تفتح الصبح . فلورنس جميله وما ينشبع منها دام معاك عيال عشان تتمشى ع راحتك تكون ٤ ليالي ومنها يوم من الصباح تطلع بيزا وتتمشى ع راحتك مع العلم ان مواقف السيارات لازم تكون مخطط وين بتوقع وتنتبه لا تدخل مناطق الZTL عشان ما تتخالف والسكن لازم تعرف هل انت داخل منطق ztlعشان كل مره تستخدم السياره في هالمنطقه لازم تعطي أرقام اللوحه للاستقبال وهم يعملوا لك التصريح ، خلي في بالك المواقف المرتبه ٣٥ يورو باليوم وتقدر تزور الاوت لت ، لطيف جدا وبعدها ترجع ل روما وثاني يوم تسلم السياره وتعيش مع زحمتهم وأنصحك في روما تاخذ الباص اللي يفر فيك عشان بنزلك المناطق اللي فيها تمشية بدل التكاسي ، وإذا شريته من اللي يبيعونها من الشارع ارخص من اون لاين، المطاعم لازم حجوزات بروما ،، النوافير تقريبا كلها متسكره للصيانة ،، الله يعينك ع التسوق ما تخلص محلاتهم وتعتبر رخيصه ، المطاعم مافي مكان غلط ادخل وانت مطمن ، نرجع ل موضوع السياره .. نصيحتي اول ما توصل خذ السياره وانطلق على فلورنس ، زور بيزا .. الاوت لت .. اذا الجو مافيه امطار يمديك تزور سان مارغريتا ٣ ساعات والطريق لطيف واخر يوم ترجع روم يفضل سكنك يكون قريب منه فرع من محل تأجير السياره نفس الشركه . مع العلم لا تستلم السياره من المطار الا الموظف طالع معاك ويسجل كل شمخ بالسياره حتى لو انت مأمن فل وأنصحك تأمن فل . وصور بتلفونك فيديو كل الخدوش وتصور من السياره الوقت والتاريخ .. ملاحظه اذا وصولك بدري ل روما الصبح .. في مجمع فيه بريمارك ٢٠ دقيقه جنب المطار يسوى تروح له مرتب :e24d: