|
ايش تشورون علي ..!! السلام عليكم ورحمة الله و بركاته بديت الاستعداد لرحله الشمال الايطالي بنهاية مايو و اوائل يونيو ان شاء الله و رغبتي في تنقلات قليله جدا ، يعني مدينه وحده ( ميلان ) و منطقة ريف وحده ( شوروا علي ) ف سؤالي ايش هي المدينه او المنطقه الريفيه اللي اقدر اسكن فيها ومنها اروح للاماكن القريبه لها ادري ماراح يمدي اغطي كل الاماكن الحلوه ولكن حطوا نفسكم مكاني ايش بتختارون ؟ وهل بولزانوا مناسبه ؟ انا جربت اسكن انترلاكن ورحت للاماكن اللي حولها والقمم الثلجيه واستمتعت الحمدلله ف أبي اعيد نفس التجربه ولكن بالشمال الايطالي وهذا ياخذنا للسؤال الثاني عن المواصلات العامه ، هل هي كويسه وتخدم مناطق الشمال الايطالي ؟ ادري خيار السياره افضل لكن محد فينا يسوق 😵💫 واستئجار سياره مع السائق فوق ميزانيتنا علما بأني اعتمدت على المواصلات العامه قطارات ، باصات ، قوارب وحتى تلفريك ، في النمسا وسويسرا و المانيا وماواجهت فيها مشاكل يعني عادي متعودين ، فاذا هي نفسهم ف الوضع تمام ان شاء الله انتظر ردودكم عشان اكمل باقي الحجوزات :e419: |
اذا مابتسوقون السكن في الشمال الايطالي صعب لكن شوري لكم دام مايو الجو جدا جميل و اقترح منتصف مايو لا تاخرون اكثر استقروا في ميلان و طلعوا منها ل كومو بيلاجيو سيرميوني ديفا دل غاردا ليمون سول غاردا فينيسيا لوغانو بعدين بالقطار على فلورنس و منها طلعو قطار الى تشينكو تيري اذا تحبون بعدين القطار الى روما |
كلامك صحيح ، سويت سيرش كثير وشكل فعلا ارياف الشمال الايطالي النقل العام فيها مو نفس الدول اللي حولها طيب لو اسكن جنوب النمسا واروح للريف الايطالي ينفع ؟ اقصد ك زيارات اليوم الواحد يعني اولا اسكن في ميلان واروح المناطق اللي يودي لها القطار يوم واحد نفس ماذكرتي وبعد 5 ايام مثلا اسكن جنوب النمسا 5 ايام ثانيه ومنها اروح الريف الايطالي ينفع ولا لا و ارجع للسعوديه من النمسا في شخص في التطبيق الاسود يقول ان الاكتيفيتي والقمم والزحاليق مغلقه في الريف الايطالي الى ماقبل نهاية مايو ، عشان كذا اخرت اجازتي الى نهاية مايو ، تقريبا 22 مايو مازلت في مرحلة وضع الخطط لكن مابي أأخر وقت السفره اكثر من كذا ابي ارجع قبل عيد الاضحى ان شاء الله |
فعلا فعاليات ايطاليا تتاخر عكس النمسا من بداية مايو يفتحون لا والله ما يفضل زيارة الشمال الايطالي من النمسا دام ماعندكم سيارة دام انكم زرتم ارياف سويسرا قبل هالمرة غيروا جربي تقطعين ايطاليا من ميلان لين روما راح تستمتعون |
اقتباس:
انصحك تعتمدي على القطار في تنقلاتك من ميلان يمكنك الذهاب إلى مدينة بولزانو و السكن فيها ليلتين يوم لزيارة معالم المدينة و يوم لزيارة بحيرة اورتساي و ركوب التليفريك فيها . يمكنك ركوب باص داخلي من بولزانو يوصلكم إلى اورتساي و العودة بنفس الطريقة و الباص اسمه Sudtirol Alto Adige مواعيد الباص كل ساعة و رقمه 350 تليفريك اورتساي - يفتح منتصف مايو https://www.funiviaortisei.eu/en/timetable-prices تليفريك بولزانو - يفتح يوم 23 مايو https://www.ritten.com/en/1203-cablecar يمكن زيارة انسبروك و سالزبورج بالقطار من بولزانو إذا حبيتم . يمكن من ميلان قضاء يوم في ملاهي جاردا لاند جميلة و تستحق الزيارة . تركبوا القطار من ميلان إلي محطة Peschiera del garda ثم تخرجي من محطة القطار تجدي باص الملاهي تركبين مجانا . هذا رابط الملاهي - مفتوحة في مايو https://www.gardaland.it/en/ يمكن بالقطار التوجه إلى كومو و العودة في نفس اليوم . من محطة القطار ركوب باص داخلي رقم c10 يوصلكم إلى بيلاجيو و العودة بنفس الطريقة . تحياتي |
اقتباس:
تصدقين بالله اني جا في نفسي اغير الدوله عشان المواصلات لين شفت ردك هذا ، اسأل الله ان يعطيك حتى يرضيك اللي ذكرتيه هو اللي بيصير بحول الله و قوته ، لان مايهمني اروح اماكن كثير اهم شي استمتع وما اتبهدل بالسفر وتكون خطتي واضحه طيب انسبروك فيها مطار دولي ؟ |
انسبروك انا نزلت فيها عن طريق البرتش ايرويز و في كي ال ام و التركية |
اقتباس:
الله يعطيك الف عافية و يراضيكم و يوفقكم بإذن الله انسبروك فيها مطار و لكن هي مدينة صغيرة لذا الافضل المغادرة من سالزبورج و عندك قطارات تتجه من بولزانو إلى سالزبورج تسكني فيها ليلتين . مدينة سالزبورج جميلة تستحق الزيارة و فيها مولات اوتليت مناسبة للتسوق . يمكنك زيارة قرية جارميش الالمانية يوم و ترجعين اخر اليوم لبولزانو عندك باص يتوجه لجارميش المسافة تقريبا 3 ساعات . هذا رابط القطار الاوروبي ادخلي راجعي المدن اللي ترغبين بزيارتها https://www.raileurope.com/ هذا رابط باص فليكس باص - يتجه من بولزانو إلى جارميش و ميونخ ( و مطار ميونخ ) و سالزبورج https://shop.flixbus.com/search?depa..._1741358334403 تحياتي |
بالتوفيق ان شاء الله |
| الساعة الآن 08:07 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO