|
الريفيرا الايطالية.. احتاج مشورة للي عندة خبرة السلام عليكم انا رايحه ان شاءالله روما بعد شهرين وعندي اول الايام تقريبا اسبوع رح اقضيها في روما وفلورنس اول شي ودي اعرف روما كم اخلي لها من يوم وفلورنس كم اخلي لها من يوم علما ان فلورنس بتسوق فيها الشي الثاني والاهم لاني ماحصلت تغطيات وكلام وافي عنه ( الريفيرا الايطالية) مخصصة للريفيرا الايطالية سبع أيام بإذن الله بكتب المناطق الي ناويه ازورها فيها وانتو رتبو لي خط سير واكتبو لي وين اسكن ناويه اسكن في ثلاث مناطق فيها بحيث اجلس فيها وازور الي جنبها كل منطقه يومين المناطق الي ابي ازررها في الريفيرا: Riomaggiore Manarola Venazza Monterosso almare Portofino Santa margherila ناويه ازورهم انصحوني وين اسكن ناويه كل وحده ازورها يوم اشوف افضل الاشياء بس ابي اسكت مابين كل مكان مدينه تكون فالنص يومين فهمتو علي؟ شي ثاني انا باخذ سيارة طبعا طول رحلتي لكن عندي الوالدة بسيكل هل تنفع هالاماكن (يعني ممكن تمشي فيها بالسيكل والا ماينفع) واكتبوا الاشياء الي ماتنفع فيها واهم شي وين نسكن ولو عندكم سكن مقترح او اي شي ياليت احد يفيدني علما ان الوصول والعودة كلها من مطار روما انتظر كل من عنده خبره ينصحني |
روما تكفيها 3 ايام فلورنسا تكفيها 3 ايام القري اللي ذكرتها هي تشينكو تيري الأراضي الخمسة و هي كلها جنب بعض يربطهم قطار أنا زرت ثلاث بس و زرتهم من فلورنس في يوم واحد طلعت من فلورنس بسيارة الي لا سبيزا خذت قطار و زرتهم يكفيهم يوم بس و بالنسبة لبورتفينو تبعد عن سانتا مارغريتا 10 دقايق و يكفيهم يوم ايضا يعني أنا من رايي تخلي فلورنس نقطة انطلاقة لتشينكو تيري و بورتفينو و عليه تكون الاقامة في فلورنس 4-5 ايام ليش ماتفكر في امالفي كوست لان بورتفينو تشبه تشينكو تيري خل الرحلة فلورنس روما نابولي عشان تغطي الامالفي كوست |
طيب احتاج مشورتكم في هالقرى الخمس وين اسكن وكم يوم تحتاج ونسيت اضيف معهم علما اني اول مااوصل روما عندي ثلاث ايام بعدين عندي كروز 7 ايام بعدها عندك 7 ايام بعد الكروز Jenoa Manarola Venazza Monterosso almare Portofino Santa margherila |
تشينكو تيري القرى الخمسة غير مناسبة للسكن تماما الفنادق راح تكون على مرتفعات و بين سكك و قديمة صعب الواحد يحصل شي مناسب بورتوفينو شوي اهون ممكن تدخلين بوكنغ و تشوفين المناسب لكم |
اقتباس:
اكثر منطقة تصلح للسكن هي مدينة Genoa قريبة من بورتوفينو و المناطق اللي حولها . بالنسبة للرحلة - في روما 3 ايام يمكنك عمل جولة في المدينة يوم زيارة الكولوسيوم و نافورة تريفي و و السلالم الاسبانية . و بعدها اليوم التالي الذهاب بالقطار لزيارة مدينة بيزا و بعدها التوجه إلى فلورنس . بالنسبة للتسوق في فلورنس : المدينة صغيرة و يمكن عمل فيها جولة سريعة بضع ساعات و الاوتليت قد ياخذ منك يوم كامل . هذا رابط الاوتليت : https://firenze.themall.it/ بالنسبة ل7 ايام بعد الكروز : الرحلة بعد شهرين راح يكون الجو شديد الحرارة في ايطاليا لذا انصحك بالجنوب الايطالي و الشواطئ الايطالية انصحك تتوجهين بالقطار إلى نابولي و منها بالقطار إلى سورنتو sorrento يومين و بوسيتانو positano يومين و يومين Ravello - Almafi coast و جزيرة كابري ادخلي على اليوتوب و شاهدي فيديوهات عن بوسيتانو و امالفي . هذا تقرير عن جزيرة كابري اقترح عليك قراءته https://www.arabtrvl.com/vb/t53376.html |
| الساعة الآن 12:51 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO