|
ترانزيت روما عائله وش رأيكم ❤️ السلام عليكم حجزي ع الخطوط السعوديه الرياض-روما-فيينا للاسف تغير حجزي من نفس الناقل وصار الترانزيت في روما 8ساعات في مطار فيوتشينو حنا عائله تعتبر كبيره6كبار وطفلتين نبغئ نطلع نتمشئ في روما نزور برج بيزا و شارع الفينتيو سؤالي هو هل فيه شركه ممكن ترسل لنا سائق مع سياره تكون مضمونه نخلص جولتنا معه ويرجعنا المطار مره ثانيه او في باصات معينه انصحوني🌹 وايش افضل شيء ممكن أزوره في شارع الفينتيو؟ وسؤال للبنات🙈 الماركات العالميه موجوه فهالشارع اشتري منها او من فيينا او جنيف ؟ انا فكرت ان روما تكون ارخص شوي لانها الام للماركات العالميه شرايكم ؟ |
رد: ترانزيت روما عائله وش رأيكم ❤️ مرحبا اختي يعني بتجلسون في روما تقريبا 5 ساعات الترانزيت كله 8 ساعات ولازم ترجعون قبل الطياره بساعتين وساعه خروجكم من المطار عند الوصول 5 ساعات ماتقدرون تروحون برج بيزا مستحيله يعني خلكم فقط في وسط روما في ساحه الاسبان وشارع الماركات الي جنبه والمدرج الروماني فقط بالنسبه للسياره مع سايق ممكن تكلمون شركه الليموزين الي بالمطار تاخذ جوله فيكم والافضل ينزلونكم فقط في ساحه الاسبان وتتمشون وبعدها سياره ثانيه الى المطار بالنسبه للماركات بعد تحصلونها غاليه مو رخيصه ممكن لما تروحون فيينا تروحون لأقرب اوت لت هناك وتاخذون الماركات بالتوفيق اختي |
رد: ترانزيت روما عائله وش رأيكم ❤️ اقتباس:
اهلين اخوي ايوه صحيح بيزا مره بعيده مافهمت قصدك اروح بس لساحه الإسبان وأقدر أوصل لشارع الفينتيو والمدرج بدون تاكسي ولاكيف ؟ وأفكر اذا في خط مباشر مترو من المطار الئ شارع الفينتيو اوفر من التاكسي واتنقل داخل روما بالتاكسي شرايك؟ |
رد: ترانزيت روما عائله وش رأيكم ❤ اقتباس:
مرحبا اختي انا بشرح لج لما تطلعين من مطار ليوناردو دافنشي في روما عندج كذا وسيله للنقل منها الباص والقطار والتاكسي الباص يتأخر كثير وراح ينزلكم في محطه ترميني وسط روما والقطار يوجد نوعين الاكسبرس والعادي اخذي القطار الكسبرس يوصلج تقريبا في نص ساعه الى وسط روما وايضار راح يوقف في ترميني والقطار الاكسبرس يتحرك كل نص ساعه من المطار الى وسط المدينه والوسيله الاخيره التاكسي بس ياخذ عليكم مبلغ اكبر يعني بالقطار للشخص الواحد 10 يورو تقريبا والتاكسي 60 يورو في قطار اسمه متروبولتان لاتركبين فيه خلج على الاكسبرس فقط لانه مايروح لوسط المدينه واذا لو صار وركبتي المتروبولتان ماراح ينزلج في وسط روما اهني تضتطرين تنزلين في محطه قطارات Ostiense Station او Tiburtina Station وتركبين المترو وتروحين لوسط المدينه واقرب محطه مترو حق شارع الفنتينو Barberini station ومحطه الترميني الرئيسيه هي بوسط روما الخلاصه استخدمي احدى الوسلتين : 1- القطار الاكسبرس وينزلكم في محطه ترميني Termini وهي قريبه من شارع الفنتيو يعني تقريبا 10 دقايق مشي او تركبين من مترو القريبه من ترميني وتنزلين في محطه Barberini station 2- التاكسي وينزلكم دايركت في شارع الفنتيو Via Vittorio Veneto تحياتي |
رد: ترانزيت روما عائله وش رأيكم ❤️ وبعد اختي نفس ماذكرت لج روحي ساحه الاسبان piazza di Spagna وهي قريبه من شارع الفنتيو واقرب محطه مترو لها هي Spagna ومن جنب الساحه سارع الماركات |
رد: ترانزيت روما عائله وش رأيكم ❤️ اقتباس:
1-كردت المترو لكل شخص كردت او أوراق تنتهي بمجرد استخدامها ؟ 2-لما اوصل محطه تيرميني مافيها تبديل خط بنفس المحطه يعني لازم اطلع من المحطه وأروح لمحطه ثانيه مشي ؟ 3- المدرج الروماني موجود بساحه الاسبان صح لاني ابي اشوفه بعدين اروح شارع الفينتينو وكم يبعدون عن بعض مشي لان معنا الوالده واطفال |
رد: ترانزيت روما عائله وش رأيكم ❤️ العفووو اختي حاضرين لج 1- بالنسبه للمترو اذا ماخذين التذكره لمره واحده تنتهي بمجرد وصولكم المحطه الثانيه واذا ماخذينها ذهاب وعوده يعني تروحون وترجعون للمحطه ذهاب وعوده واذا ماخذينها تذكره مفتوحه ليوم كامل تكون معاكم بدون عدد معين من المحطات تستخدمونها في هذا اليوم بطوله وبجميع تنقلاتكم 2- لما توصلون محطه ترميني موجوده محطه المترو بنفس المكان بتشوفون لوحات للمترو واسم محطه المترو Termini يعني بالمحطه نفسها عند البوابه واذا بتروحون الفانتيو ومعاكم الوالده الله يعطيها الصحه والعافيه وطفل الافضل تروحون بالمترو او التاكسي لاتروحون مشي 3- المدرج الروماني القديم اسمه الكالسيوم Colosseum روحي له بالمترو افضل مش بعيد وايد من محطه ترميني بس بصراحه في مسافه للمشي ماينفع تروحون له يعني مب اقل من ربع ساعه او عشرين دقيقه تروحون له لمترو في محطه اسمها Colosseo والقريب من محطه الاسبان ( سبنجا ) هو ضريح الامبراطور الروماني اغسطس وهو اول مبراطور للدوله الرومانيه خارطه توضيحيه للأماكن : http://up.arabseyes.com/uploads2013/...5273453061.png العاب محطات المترو المهمه : 1- محطه قطارات ترميني ( محطه المترو Termini ) 2- محطه المترو شارع الفانتيو ( محطه Barberini ) 3- محطه المترو لساحه الاسبان ( محطه Spagna ) 4- محطه المترو للضريح لاتوجد محطه مترو قريبه منه ممكن تروحون له مشي من الساحه 5- محطه المترو للمدرج الروماني الكالسيوم ( محطه Colosseo ) وبالتوفيق اختي |
| الساعة الآن 04:58 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO