|
لأهل الخبرة هل برنامجي ممتاز ام لا السلام عليكم ورحمة الله وبركاته الله يسلمكم انا مخطط للسفر في تاريخ 20 اكتوبر ان شاء الله الفكرة انه اقضي في برشلونة 5-7 ايام وبعدها اخذ سيارة لباريس من اجل ديزني لاند والمكوث فقط 3لاث ليالي تنصحون بالسيارة خصوصا وان المسافة حوالي 1000 كم تقريبا او طيارة افضل وماتستاهل التعب بالنسبة للمدة في برشلونة 5-7 تكفي ؟ وماهي المعالم اللي تنصحون ما اضيع وقتي فيها |
و عليكم السلام و رحمة الله و بركاته .. لو كانت الرحلة مخطط أنك تتوقف في الطريق في عدة مدن ممكن نقول خذ سيارة و أستمتع بالطريق و الرحلة ...و لكن الوقت قصير عندك و المسافة طويلة بتأخذ منك يوم كامل بالطريق من غير التوقفات ... " :e01d: ساعتين أفضل بكثير ...." |
ممكن تنصحوني باهم البرامج اللي احملها بالايفون وتساعدني خلال رحلتي |
حرام وايد راح تضيع وقت .. اخذ طيران افضل وارخص لك عن تجربة طيران vueling ممتاز بين برشلونه وباريس واسعاره زينه وانصحك بفندق catalonia plaza catalunya قريب من ساحة الكاتلونيا ابتعد عن السكن في شارع الرامبلا وبالنسبة لبرشلونه 5 ايام كفايه اذا ما راح تسوي الانشطة اللي راح اذكر لك اياها لها واذا راح تحضر مباراة رتب سفرتك على تاريخ المباراة + ملاحظة اذا تبي تزور متحف النادي تاكد من الكلندر التابع للموقع لانه الايام اللي فيها مباريات ينصك المتحف واحيانا يوم المباراة + يوم قبل المباراة يصك المتحف وكنوع من التغيير في حديقة بعيدة عن برشلونه ممتازة port aventura ويتكون من ثلاث حدايق حديقة مائية + حديقة فراري + حديقة port aventura |
يعطيك العافية اختي طيب ممكن تنصحيني بافضل وارخص وسيلة للذهاب للحديقة هذه لاني قريت عنها وعجبتني وكيف التكاسي عندهم رخيصة والا اووووفر ووش افضل مطاعم عندهم بعيد عن المطاعم العربي ابغى اغير شوي |
انا على طول كنت استخدم UBER او المواصلات العامة مترو وباصات والمطاعم اللي رحتها في برشلونه : Hard Rock Baqoa Burger apetito لبناني حق فطور رووووعه وفلافل Moaz لا يفوتك بعد وطبعا Burger King ومطعم ريم البوادي كان اكبر مقلب مش حلووووو اببددااااا وبالنسبة لمطاعم باريس : Laduree - فرنج توست Pizza Pino بيتزا مارغريتا اكسترا جيييز las de falafel الفلافل نااار matignon paris فرنج توست روووعه بس شوي غالي يستاهل تجربه مره عن الخاطر Pain Perdu five guys macdonalds Noora Burger king la rese du Kashmir اخس مطعم هندي اكلت فيه بحياتي pierre Herme كيكة Mille - Feuile |
لا تفكر تروح بسيارة المسافة جداً بعيده و الطريق جداُ متعب انا جربت من كان لباريس و الصراحة ندمت ههه بالنسبة لبرشلونة 5 أيام جداً كافية لكن لو قعدت 7 أيام انصحك تروح برشلونة أوت ليت تقدر تأخذ التذاكر من الكشكات و تروح محطة الباص مقابل متجر أبل إلي في ساحة كاتلونيا الاوت ليت يبعد تقريبا 45 دقيقة لكن ممتاز ابتعد عن السكن في شارع الرامبلا أفضل مكان لسكن Passeig de Gràcia و المطاعم متواجده بكثرة ومن كل الانواع. بالنسبة لو ناوي تسكن في باريس في محل فالشانز تقدر تاخذ منه تذاكر مع اني أفضل تاخذها أون لاين من موقعهم بس بعض المرات يكون في خصومات FNAC هذا أسم المحل وفي قطار من باريس لديزني لاند تقريبا ساعة بس تأكد من وقت العودة لانه أخر قطار على ما أذكر 10 يمشي من ديزني وتقدر تاخذ أوبر لو ناسبك سعره. السموحة طولت على ولو في أي شي أنا فالخدمة |
| الساعة الآن 06:11 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO