|
يومياتي في نيوزلندا اكتوبر 2015 العرب المسافرون بوابة السفر إلي نيوزلندا السلام عليكم يسعد صباحكم و مساكم و أيامكم أنا حالياً في نيوزلندا وصلت اليوم بالسلامة تخيلوا طلعت من استراليا 4 العصر و وصلت نيوزلندا 10:30 بالليل مع أن الرحلة 3:30 ساعات لخبطونا بالتوقيت ههههه فيه فرق بين استراليا و نيوزلندا 3 ساعات حسب توقيت استراليا وصلنا 7:30 و حسب نيوزلندا وصلنا 10:30 مساء تعقيد جامد بمطار استراليا صحيح هو لمصلحتك بس بصراحة مبالغين الاستراليين أصرت الموظفة أنه يكون عندي حجز فندق و تذكرة عودة من نيوزلندا ولا ما تطلعني نظراً للتعقيد اللي كنت متوقعة من النيوزلنديين كانت عامل حجز مؤكد للفندق و الطيران بس موجود بالايميل فاضطريت اشغل اللابتوب و اطلعها على الحجوزات الانترنت في مطار سيدني مجاناً و فيه كمان كمبيوترات أمام بوابة 31 ممكن تستعملها مجاناً هذا خلاني اتأكد أن النيوزلنديين معقدين و لازال مقطع الفيديو اللي يشيكوا على العائلة السعودية على ما اعتقد يذكرني بصرامتهم في التفتيش وصلت الحمد لله لاوكلاند و توجهت لكاونتر الجوازات بدون أي زحمة الحمد لله أول ماوصلت على طول على الموظفة و بعد ما شافت جوازي قالت " مرحبا " بالعربية قلت لها مرحبتين و هذي أسئلتها : هي : جاي هنا لاجازة أو بزنس أنا : اجازة هي : ايش مخططك في نيوزلندا أنا : يومين باوكلاند و بعدين سيارة لولنغتون و من هناك لبكتون ثم كرايست تشرش هي : كتبت على الورقة حرف P يعني باس أو مقبول هي : بس غريبة ليش ما جبت عائلتك معك البلد جميل هنا أنا : كانوا يحبوا يجوا معي بس زوجتي أمها تعبانة هي : ارسلها صور كثير عشان المرة الجاية تجي معاك أنا : شكراً لذوقك ما سألتني عن تذكرة رحلة العودة و لا عن اسم الفندق اطلاقاً يعني الاستراليين مزودينها حبتين الموضوع سهل جداً و متعاونين و فرندلي لأقصى درجة قلت هانت باقي لنا الجمارك اللي أعقد منهم ما فيه سمعت أنهم يشيكون حتى على الجزمة الله يكرمك لا يكون فيها تراب ولا بكتيريا ووووو كثير من الكلام نسمعه بس أغلبه غير صحيح عموماً تراهم يشيكون على الشنطة من قبل لا تستلمها على السير لو معك دخان أو شي من الاشياء الممنوعة المذكورة بالورقة شنطتك مسجلة بالنظام عندهم الدخان طبعاً لك 50 سيجارة فقط و الباقي تتخلص منه أو تدفع عليه غرامه اول ماوصلت للجمارك أخذ صيني الشناط اللي معي و حطها على الجهاز و غالبية اللي يشيكون من أصول هندية حسب ما شفت بس أكيد عندهم الجنسية مرت شناطي عادي و أخذتها و خرجت خلال دقائق معدودة طيب وين الكلام اللي نسمعه و التشديد !!!!!!!!!! هذا من ناس مخالفين للنظام و أنا مثل ما قلت لكم اللي مخالف من قبل لا يستلم شنطته و هي معروفة عندهم خرجت من البوابة في مطار اوكلاند و كان الخيار كالتالي تاكسي للفندق بحدود 70 دولار أو باص بحدود 16 دولار أو باص سريع " شتل " بحدود 35 دولار مع التوصيل لباب الفندق اخترت الخيار الثالث أبو 35 دولار نيوزلندي يعني 85 ريال و السعر يقل حسب عددكم زي ماهو باين باللوحة |
|
الحمدلله على السلامة سؤالي عن القيادة في استراليا و نيوزيلاندا هل تنصح بها للسائح، اقصد للتنقل بين المدن بالتحديد تمنياتي لك بسفرة سعيدة |
اقتباس:
القيادة عندهم عكسنا على اليمين في استراليا ما تحتاج سيارة أبد وسائل التنقل متوفرة بكل أشكالها بل في ملبورن مجانية بوسط البلد لكن لو كنت رايح طريق المحيط العظيم في ملبورن استأجر سيارة عشان أوقف براحتي أما كتنقل بين المدن الطيران رخيص و أفضل من القيادة في نيوزلندا تحتاج سيارة بالتأكيد لأن المواصلات عندهم باصات فقط |
صباح الخير المقطع حق التفتيش اعتقد باستراليا أو أنا غلطان المشكله البعض يصور لنا صرامه البلد بشي لا يطاق |
الحمدلله على سلامة الوصول وربي يشفي والدة ام غسان ويقومها بالسلامة حلووة وسيلة التنقل بالشتل دام ان يوصل لباب الفندق متابعين معاك للآخر ولاحقينك من مكان لمكان Umhusoonأرسلت بواسطة بإستخدام Tapatalk |
الحمدلله على السلامه بوغسان حبيت اختيار الشال ممتاز والله |
الحمد لله على السلامة بوغسان رحلة ممتعة، وأنصحك بزيارة Queenstown أذا عندك وقت. لي مغامرات فيها. ومنطقة جميلة ومشهورة بالقفز (بنجي جمب ). قرأت تقرير أستراليا تقرير جميل. واتابعك في تقريرك لنيوزيلاند. شكل تقارير نيوزيلندا بتكثر في هذه البوابة. وأحييك من الأرجنتين. |
الحمد لله ع السلامة ابوغسان غريب طلبو منك في مطار استراليا حجز فنادق وتذكرة عوده من نيوزيلندا ليش وش دخلهم انت طالع من البلد انا ماطلبو مني ولاشي ع طول سحبت البوردنق وشحنة الشنطه وع البوابة وبعد دخولي نيوزيلندا كان عادي ولافيه اي تعقيد بس سألني انت سائح قلت له نعم ختم الجواز وطلعت ع الجمارك ولا اخذت عندهم دقائق الحقيبة ع السير واخذتها وطلعت يومين اوكلاند قليله جدا لاتنسى اول ماتوصل ولينغتون تحجز السفينه الى بيكتون مافيه ع طول تطلع لازم حجز ولا تنسى حجز العوده عشان ماتتوهق احجز حسب تاريخ العوده الى ولينغتون ابو غسان ليش ماتخلي البريد اللي فيه حجوزاتك ع الجوال احسن لك واحلى شي البريد اللي تفتحه تقدر تفتحه مره ثانية بدون نت >> مشوار تطلع الاب توب وتفتح عشان تطلع الحجوزات |
اقتباس:
نعم باستراليا التفتيش جداً سهل و الجوازات أسهل |
| الساعة الآن 07:07 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO