|
رحلتي الى استراليا اغسطس 2016 ملبورن سيدني قولد كوست بسم الله الرحمن الرحيم اليوم حبيت اكتب لكم تقرير رحلتي الأستراليه، اول ماصحيت اليوم قلت باقي من اجازتي سبوعين على العوده للعمل و الدراسه، خلني اكتب و ارتب التقرير بدل ما اتضيع الأيام على خالي بلاش، التقرير فرررش:e348: وصولي امس العصر للمنزل التقرير استرالي و فيه جزء نيوزلندي بكون فاصل للتقرير.... هذي السفره الي ماكانت في الحسبان وبتوفيق من الله سبحانه تيسرت الأمور لأني ماكنت متوقع اسافر هذي السنه بسبب انشغالي بالدراسه استراليا القاره البعيده الي ماكنت احسب لها حساب، ولا فكرت في حياتي اني اسافر لها وكنت اقول شفيها؟؟! اليوم الي قريت فيه جزء ملبورن من تقرير الأخ العزيز بوغسان (آخر فرصه) ورحلته الأستراليه تغيرت نظرتي الى استراليا 180 درجه، التقرير حببني فيها وخصوصا ملبورن، الصور كانت تتكلم ،و كل يوم اخطط واحسب واقره واتطلع اكثر لهذي المكان...واستفدت من باقي تقارير الأعضاء ، العضو فارس من خيال:25: و العضو عبدالله الحمودي تقريره سياحي شامل استفدت منهم وايد جزيل الشكر للأخوان و الأعضاء آخر فرصه فارس من خيال ملاك عبدالله الحمودي استفدت منكم ومن اقتراحاتكم اتمنه يكون التقرير مفيد و ممتع مثل ماستفدت و استمتعت من التقارير الرائعه في المنتدى،،، يتبع،،، |
وانا ارد عليك فريش باني انتظر تقريرك على احر من الجمر في قارة الاحلام:yolks00310: |
الرحله 5 ايام ملبورن 5 ايام سيدني 5 ايام نيوزلاند 8 ايام قولد كوست خط سير الرحله كان على طيران الإمارات من البحرين الى دبي ترانزيت وتالي كوالا لبمور، ومن كوالا لمبور الى ملبورن على طيران Air Asia تذكرتين غير، تطلع التذكره ارخص من خط دايركت الى استراليا وفيه خيار طيران آخر واهوه الخطوط الماليزيه و Qantas الطيران الأسترالي في هذي الرحله احنه شخصين، انه و زوجتي احداث المطارات يوم المغادره 5 اغسطس، تأخرت الطياره شوي في البحرين تقريبا 45 دقيقه، وكانت من نوع بوينق 777 والرحله الثانيه كانت ايضا على بوينق 777 ولكن النسخه الأحدث 300ER وصلنه الى مطار كوالالمبور، زحمه خفيفه في جوازات مطار كوالا لمبور، ختمو الجواز ، ورحت استلم الشنط، (لنه تذكرتي على الإمارات فقط الى كوالالمبور، وكذلك الرجعوع على الإماراتيه من كوالالمبور) وانه واقف وانتظر و انتظر ، تاخرو الشنط ....شفت واحد من موظفي المطار ماسك ورقه في يده وراح له شخص من المملكه العربيه السعودي، وقاله شنطي ماوصلو ، الموظف قاله عطني اسمك، وعطاه الأخ الأسم ، رد عليه الموظف شنطك في دبي .. وتغيرت الوانه المسكين وانصدم، ورحت انه حق الموظف وعطيته اسمي وقالي عندك شنطتين صح؟ قلت له ايوه ، قالي شنطك في دبي ، و انه بعد تغيرت الواني و ظلمت الدنيا في وجهي:8:... كيف !! وشلون قالي روح مكتب الشنط وسو بلاغ ، تتذكرون الطياره الإماراتيه الي احترقت في مدرج في مطار دبي، كان الحادث قبل رحلتنه بثلاث ايام... بسبب الحادث صار تاخير في توصيل الشنط ،، المهم رحت وسويت بلاغ في مكتب فقدان الشنط، وعطوني track number رقم المتابعه و كثير من الناس معانه في الرحله نفس الحاله وماوصلت شنطهم، هذي المشكله اول مره تحصل معاي وكنت متخوف لني بروح استراليا على طيران ثاني، الموظفه كانت فاهمه وقالت عادي بيوصلون لك الشنط الى ملبورن، عطيتها عنوان الفندق وكل شي، في هذي الفتره تشتت تفكيري وفقدت اعصابي،،، كان المخطط انه ناخذ غرف نوم في المطار في الترمنال،، او ننزل ماليزيا لنه فترة الترانزيت طويله، وصولنه كان الساعه 9:50 صباحا والرحله الثانيه على طيران Air Asia 22:00 تقريبا !!!! ليش فترة الترانزيت طويله؟؟ انه ما اخترت هذي الرحله ، الي صار انه حجزت رحله كانت الساعه 13:00 تقريبا ، وكنت حاجزها يمكن قبل 7 شهور او 6 شهور، والقو هذي الرحله، وخلوني على رحله صباحيه الساعه 10:55 يعني مستحيييل مستحيييل الحق عليها، فماكان عندي اله اغير للرحله المسائيه، موضوع الشنط غير مزاجي وتعبت، فتحت النت واشوف الفنادق الي داخل المطار في عندهم غرف نوم بالساعات 4 ساعات و 8 ساعات، وحصلت فندق سعره رخيص خارج المطار بس قريب منه، حجزت الغرفه وانه طالع جاني ماليزي يقولي سياره تاكسي ، وانه من العصبيه قلت له لا:10: وسبحان الله كانت خيره رحت بوابه ثانيه وفي موظف واقف في الخارج شافني قالي اذا تبقي تاكسي روح المكتب وادفع هناك !! قلت اوه هذي التكاسي المرخصه وذاك شكله شغل نصب الي جاني وقالي تبقي تاكسي، قلت الحمدلله ورحت للمكتب عباره عن كشك صغير عطيتهم اسم الفندق ودفعت وعطتني رصيد للتاكسي، وركبنه التاكسي وعطيته الرصيد ورحنه الفندق وارتاحينه في نومه كانت في وقتها تقريبا نمت 5 ساعات رجعت لي طاقتي وحسنت مزاجي:e43e: خذت شاور ورجعنه للمطار الترمنال الثاني، اخذنه وجبه من برجر كنق، وجاء موعد الرحله وركبنه الطياره، كانت ايرباص A330 تقريبا مدة الرحله 8 ساعات ، وطيران Air Asia اقتصادي مافيه نظام ترفيه وشاشات قضيت الوقت اقره مجلة الطائره واحاول انام لكن بدون فايده لني ماعرف انام لا في سياره ولا باص ولا طياره:20: عكس ناس سبحان الله مجرد يغمض تسمع الحان:yolks0040: وطلع الخيط البيض وبدء الشروق الجميل وبينت ملبورن:e023: مخضره وتسر العين و نزلنه بالسلامه ،،،،في الطياره وزعو علينه بطاقات الدخول نمليها ، مليناها ونزلنه المطار والإجراءات سلسله وميسره وعلى طول الفندق وكانت الساعه تقريبا 9:00 او 10:00 يتبع،،، |
الحمد لله على السلامة علي منور يا غالي ترتيبك حلو للرحلة أما ضياع الشنط هذا خارج ارادتك لكنه يعكر المزاج فكرة جميلة لقضاء الترانزيت بالنوم هذا ساعدك كثير لأن الرحلة الى ملبورن متعبة 8 ساعات ودنا نعرف وش صار على الشنط و متشوقين لباقي تفاصيل الرحلة الجميلة ماقمنا الا بالواجب تستاهل كل خير متابعين و ستمتعين |
قبل الفندق بكتب بعض الأحداث فخ المطار الي اوقع فيه ثاني مره يوم نزلت قلت باخذ شريحة تلفون Sim card، في استراليا ثلاث شركات كبار، الأولى واهيه Telstra واهيه الشركه الأم للأتصالات، وبعدها Optus شركه قويه وكبيره ومحلاتها في كل مكان اشوفهم وثالثهم Vodafone شفت كشك في وسط المطار وشفت حاطين شعار شركة Telstra على طول طرت لهم وقلت حق الآسيويه الي تشتغل ابي شريحة Telstra واخترت الباقه ، يوم ركبت الشريحه في التلفون، انتبهت انه مكتبوت على العلبه الي حاطين فيها الشريحه Boost، قلت لها لحظه هذي بووست وانه ابقي Telstra تقولي نفس الشي:45: نفس الشبكه، شغلت الجوال مكتوب فوق اسم الشبكه Telstra وبعدها بخمس دقايق صار boost وقلت اخخخ ( العجله من الشيطان) ثاني مره يصيدني هذي الشي، صادني اول مره في مطار سان فرانسيسكو نفس القصه كشك يبيعون شرايح شركات رديئه جدا جدا بنفس باقات الشركات الكبار وحاطين شعار الشركات، مشكلتي تسرعت لني توني نازل و بسرعه ابقي اخلص كل شي واشوف المدينه، المشكله انه خدمة البيانات اشتغلت نص دقيقه و وقفت رجعت لها وقالت لي ياخذ له من 5 دقايق الى 24 ساعه حق تتفعل الخدمه !! قلت خلاص صارت، للأسف كان مقابل الكشك محل Optus قلت ياريت ماخذ من عندهم، لكني كنت ابقي Testra وغريب انه مافي لهم مكتب في صالة الوصول! قلت خل اشوف موضوع الشنط على ما تتفعل الخدمه ،شفت موظفه اعتقد انهي من اصول السكان الأصليين، وقلت لها الموضوع وساعدتنه بصراحه وايد قالت مشكلة مكتب طيران الإماراتيه يفتح وقت متاخر يعني الساعه 11:00 قبل الضهر، وعطتني رقم مكتبهم للتواصل وراحت ورجعت تبحث عن رقم مكتب الإماراتيه، وعطتني رقم مكتب اسمه Dnata واهوه المكتب المسؤول عن مواضيع ضياع الشنط او تأخيرها... يتبع,,,, |
ما قصروا بوغسان وابوراكان وملاك والحمودي في تسهيل الامور وتوضيحها لمسافري استراليا الشنط وتأخير الامارتيه الكل تكلم عنه وان شاءالله ما تتكرر هذه السالفه لهم ولغيرهم انا متشوقه اسمع شنو صار على الجنط الراحة ضروريه في السفرات البعيده الاتصالات كل من يروج لشركته والتالي السائح يتوهق منتظرين التكمله اخوي علي |
MELBOURNE اليوم الأول خلصنه من المطار واخذنه تاكسي الى الفندق سعر التاكسي 40 دولار، الفندق Brady hotels فندق ممتاز في نظري وموقعه ممتاز و نظيف والواي فاي سرعته حلوه و مجاني، سوينه Check in بس الغرفه ماكانت جاهزه وتجهز الساعه 13:00 وعطيناهم الشنط الصغار الي باليد فيهم الأشياء المهمه مثل الابتوب والحجوزات و الشواحن. هذي تقييم الفندق في Booking Brady Hotels Central Melbourne, Australia - Booking.com وطلعنه نتمشه و مازال موضوع الشنط شاغل بالي، وقلت لازم انسه موضوعهم و استمتع وتم تشغيل الكيمره:14: الجو كان بارد درجة الحراره توصل 7 مئويه لكنه جميل جدا لأنه مب رطب، الرطوبه في الجو البارد تدخل العظم:46: ونخليكم مع الصور الترام الجميل:e434: https://www.arabtrvl.com/up/uploads/...1156737571.jpg وهذي مكتبة state library of victoria http://i689.photobucket.com/albums/v...psbrwwrtly.jpg http://i689.photobucket.com/albums/v...ps5uts9axo.jpg http://i689.photobucket.com/albums/v...ps4qcrjjxx.jpg وهذي عايش الجو صح http://i689.photobucket.com/albums/v...pscjeiurdw.jpg الكافيهات و و الطاولات الخارجيه منظر احبه http://i689.photobucket.com/albums/v...pssdzh2wx2.jpg http://i689.photobucket.com/albums/v...psvzobh1jj.jpg هذي الشارع little bourke street لو تلاحظون على اليسار لافتة فندق Mercure كنه بنسكن فيه، لكن حصلنه Brady ارخص واحدث كان اختيار افضل http://i689.photobucket.com/albums/v...psva4rulhh.jpg http://i689.photobucket.com/albums/v...pslwa2smi4.jpg http://i689.photobucket.com/albums/v...psqmqat2sg.jpg هذي مطعم 8Bit طبعا اكله سندويشات برقر وشبس و ملك شيك قبل لا اسافر سويت لستة مطاعم الي لازم اجربها كنت اقره وادخل وابحث خصوصا في الأنستقرام عن المطاعم في كل مدينة، وهذي واحد من المطاعم الي كانت في اللسته http://i689.photobucket.com/albums/v...ps6iedcchh.jpg http://i689.photobucket.com/albums/v...ps9l4hcacb.jpg http://i689.photobucket.com/albums/v...pshcul5mvq.jpg وهذي royal arcade وكنت اظنه اهوه Block arcade و دخلناه http://i689.photobucket.com/albums/v...psk3txpmv3.jpg http://i689.photobucket.com/albums/v...psbpzkviaw.jpg اخذت ماكارون لذيذ كان سعره 3 دولار http://i689.photobucket.com/albums/v...psd5j3ltjn.jpg وخرجنه و صادفنه Union Lane والرسومات الجميله، فن رائع يغطي دواعيس/ازقة ملبورن http://i689.photobucket.com/albums/v...pstxpzrskb.jpg بوابة China town http://i689.photobucket.com/albums/v...psadj7uwoi.jpg http://i689.photobucket.com/albums/v...psgbir56p6.jpg http://i689.photobucket.com/albums/v...pstaufdmsp.jpg http://i689.photobucket.com/albums/v...psmsgucj6s.jpg وشفنه Block Arcade داخله في كوفي شوب عليه زحمه و الطابور واصل برع، بس نسيت اسمه http://i689.photobucket.com/albums/v...ps4fbrlvxd.jpg http://i689.photobucket.com/albums/v...psz7hnbkuh.jpg http://i689.photobucket.com/albums/v...pshoxnhbju.jpg http://i689.photobucket.com/albums/v...psfefnjq0v.jpg ضرب الجوع ورجعنه 8Bit وخذت لي برجر لحم بس ماذكر اسمه بالضبط، و زوجتي برجر دجاج، بدون شبس ، لأنه شبس هذي المطعم يسوونه بالبير:20: ، كان السعر 26 دولار http://i689.photobucket.com/albums/v...pspnxek12g.jpg طلعنه وتوجهنه لـ Melbourne Central Station واهوه خطوتين فقط من فندقنه، عباره محطة قطارات تحت الأرض و الطوابق الي فوق صايرين على نظام مجمع وفيه مطاعم ومحلات متنوعه وتحته سوبرماركت Coles واهوه اكثر سوبرماكت منتشر في استراليا، السنتر دخلناه وايد و لكن ولا مره خذت له صور !! دخلناه شرينه بعض الملابس نمشي فيها امورنه، وشفت محل Telstra وقلت حق الموظف عن موضوعي مع الشريحه ، خذ الموظف رقم التسلسل، لنه الشركه الرديئه الي اخذتها تستخدم خطوط Telstrra وقالي انه للحين الوضع صاير in proccess ،قالي موضوعك غريب المفروض ماياخذ وقت 5 دقايق فقط كحد اقصى ،نصحني انتظر 24 ساعه و قال لا تستعجل... وانه كان نافذ صبري لنه ابي استخدم الGoogle map اهم تطبيق عندي في السفر وانه نسيت اسوي حركة الـ Offline map حركه مفيده جدا تقدر تستخدم فيها التطبيق بدون واي فاي او بيانات، هذي صور السنترال من النت http://www.mm.com.au/photos/albums/u...al-station.jpg http://st2.depositphotos.com/3904453...al-station.jpg https://upload.wikimedia.org/wikiped..._Station_1.JPG رجعنه الفندق وعطونه بطايق الغرف ودخلنه نشوف الغرفه صلينه و ارتاحينه شوي هذي صور الغرفه http://i689.photobucket.com/albums/v...psv3rc4jzc.jpg http://i689.photobucket.com/albums/v...psbmiksysi.jpg http://i689.photobucket.com/albums/v...psbzk0kasx.jpg بعد الراحه طلعنه نتمشه شوي ورحنه نحلي في Max Brenner محل شوكولاته له فروع في استراليا و اليابان و سنغافوره و امريكا، خذينه التحليه وتكفي لشخصين ، الصوره تبين كأنهي لشخص واحد، لكن ماقدرنه نكمله، السعر 13.5 دولار http://i689.photobucket.com/albums/v...psml35kik7.jpg http://i689.photobucket.com/albums/v...psjdwvuunp.jpg ورجعنه الفندق نستعد حق اليوم الثاني وهذي صورتين ليليه نهاية اليوم الأول http://i689.photobucket.com/albums/v...psq2hs23sn.jpg http://i689.photobucket.com/albums/v...psbihlz7bb.jpg يتبع،،، |
بداية جميلة و الصور أجمل اختياركم للفندق رائع و المنطقة استراتيجية قريبة من كل شئ الله ذكرتني يا علي بكل شي كني امشي معك بالرحلة مريتوا على نفس الاماكن متابع معاك يا غالي |
albaroad شكرا على مرورك خلك متابع الرحله جميله جدا توبليرون موضوع الشنط ياي في ثالث يوم بوغسان والله انك طول الرحله في بالي واتذكرك |
الحمد لله على السلامة ياعلي ان شاء الله الرحلة كانت ممتعه بداية رائعه للتقرير والصور ماشاء الله جميلة جدا تسلم الايادي متابعين معاك التقرير الجميل |
| الساعة الآن 02:58 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO