|
نيوزلندا شهر يونيو السلام عليكم انوي شهر العسل بنيوزلندا ولكن يصادف الشهر يونيو تقريبا بدايه الشتاء لديهم كيف بيكون الطقس وهل البلد جيد بوقت الشتاء يهمني المزارات السياحيه هل بتكون فاتحه بأوقات الشتاء الميلفورد ساوند شهر يونيو هل توجد له رحلات او لا نصائحكم وتوجيهاتكم اذا في بلد مشابه لطبيعة نيوزلندا احتاج نصائحكم اغلب رحلاتي كانت شبابيه ووجهات غريبه الان الوضع اختلف مع الزواج ما استغني عن خبراتكم شكرًا للجميع |
وين خبراء نيوزلندا |
عليكم السلام الف مبروووووووك الزواج الله يوفقكم ويتمم لكم بخير مجرد رأي فقط اشوف ان السفر في شهر يونيو فيه خيارات كثيرة و توجد وجهات سياحية جميلة افضل و اجمل من نيوزلندا بكثير عندك الدول الاوربية السفر لها في يونيو مناسب جداً والطبيعه في اجمل صورها وخطوط الطيران لها متوفر بأسعار معقوله ومسافة قريبه اما نيوزلندا بلد بعيد جداً والرحلات له صعبه ومكلفة ومتعبه جداً كذلك البلد عادي ما فيه شي مميز عن غيره اتمنى لك التوفيق |
هلا يا غالي والف مبروك مقدما غالبا الحركة السياحية تكون ضعيفة في الشتاء وقد تجد الشواطئ شبه خالية والافضل زيارتها خلال فترة الصيف اما رحلات الميلفورد ساوند مستمرة ولا تتوقف ممكن تجمع بين استراليا ونيوزلندا في رحلتك لكن مهم تختار التوقيت الانسب |
اقتباس:
أوروبا كئيبه ولا القى فيها راحتي احس باختناق من ازورها |
اقتباس:
ما يهمني وجود السياح يهمني هل البلد ممتع وجميل من واقع خبرتك وزيارتك له افكر أخذ 8 ايّام قي قولد كوست او سيدني والعودة من استراليا لكن الوقت بيكون شتاء هل مناسب او بتكون كئيبه كيف وضع النقاب في استراليا هل متشددين شكرًا حبيبنا على ردك |
الشتاء له عشاق والصيف كذلك توقيتك بداية للشتاء ويعتبر لاباس به تستحق الزيارة في هذا الوقت توكل على الله واحجز ورتب امورك ولو احتجت مساعدة مناك راسلني ع الخاص ارتب لك كل شي والف مبروك مقدما والله يجمع بينكم على خير |
النقاب عادي جدا في نيوزلاندا وكمان استراليا |
اقتباس:
نيوزلندا بلد ممتع جدا خاصة اللي يستاجر سيارة ويستمتع بالمناظر الطبيعية من اجمل ما رايت طريق اسمه arthur's pass ما ابالغ لو قلت كل شوي تتوقف عشان تشوف شلال او بحيرة او نبع مياة حارة رائع جدا جدا وهو من مدينة بلايموث الى كرايستشرش كوينزتاون تعد الاجمل وميلفوردساوند هو الاشهر لكنها دولة بحاجة لكثير من الاستكشاف بردها جامد شوي لذا لابد تحتاط بالملابس ان نويتوا الروحة ارشح في الشتاء تعتمد على زيارة المدن لا الشواطئ لذا في استراليا ارشح ميلبورن و سيدني وتكون رحلتك كالتالي ميلبورن - سيدني - كوينزتاون نيوزلندا والنقاب لا مشكلة فيه عندهم كلهم |
اقتباس:
باْذن الله اموري مرتبه وشبه جاهزة فقط هل تنصحني بالاعتماد على المكاتب السياحيه من هنا او ارتب الفنادق والجولات السياحيه بنفسي لقيت شركة سياحيه نيوزلندية رتبت لي 20 يوم شامل حجوزات فنادق وجولات سياحيه وتذاكر لكن السعر اشوفه مبالغ فيه جدا 40 الف ريال لذلك قررت اعتمد على نفسي ويمكن اوفر نصف المبلغ محتاج مساعدتكم |
اقتباس:
القياده عندهم مثل النظام البريطاني يمين وهذا صعب جدا انوي زيارة المدن التاليه أوكلاند - ومن أوكلاند مدينه Paihia لمده يوم واحد ثم العودة لأوكلاند بعد كذا Rotorua ثم ولنيغتون ثم كايكورا ثم كرايستيرش ثم كوينز تاون مدة نيوزلندا 20 يوم العودة على استراليا ميلبورن 4 ايّام سيدني 4 ايّام وش رايك بالبرنامج |
اقتباس:
المخطط رائع والقيادة مش صعبة ابدا لقلة السيارات عندهم |
اقتباس:
القيادة سهله وعادية جدا يوجد رهبة في بداية الامر بس بمجرد امساك المقود ينتهي كل شي ماشاء الله 20 يوم لنيوزلندا راح تستمتع الافضل تاجر سياره وبدون تردد طبعا المسافات طويلة بين المدن ولكن الطريق ممتع للغاية وراح تمر ع انواع التضاريس والطقوس لكن نسبة الخضار راح تقل عشان توقيتك شتوي 4 أيام اوكلاند + يوم بايهيا وانصحك بقضاء يومين فيها المسافة من اوكلاند اكثر من 3 ساعات مع التوقفات ولا تنسى الاجواء الشتوية بيكون النهار قصير 2 روتوروا 3 ايام ويلنغتون ولاتنسى تحجز عبارة للانتقال الى الجزيره الجنوبية لازم الحجز المسبق للسياره 1 يوم في بيكتون وهي المدينة اللي راح تنزل فيها بعد وصولك بالعبارة للجزيره الجنوبية ريح فيها ليله والعبارة تاخذ مسافة 3 ساعات ونص الى 4 تقريبا من ويلنغتون الى بيكتون ولو تبي تواصل عادي المسافة تقريبا ساعتين الى كايكورا 3 ايام كايكورا + كريستتشيرش الافضل تجمع بينهم ومدينة كراستتش لاتستحق مدينة صغيره ولافيها فيها شي يستاهل والمسافة من كايكورا ساعتين تقريبا يمديك تروح وترجع او اسكن فيها وزور كايكورا 5 ايام كوينزتاون + ميلفورد ساوند مضيق ميلفوردساوند يمديك تروح بالطياره رحله سياحية او مع قروب باص سياحي وكمان لوحدك بالسيارة لاتفوت زيارة هذا المضيق السيارة لا تستلمها إلا وانت طالع من اوكلاند وسلمها في كوينزتاون يوجد رحلات مباشرة على سيدني من كوينز تاون ملبورن مو متاكد بس شيك للتاكيد نتمنى لك رحله سعيده ولو تقدم توقيت الرحلة يكون افضل انا زرت البلد في الصيف بصراحة اتمنى العوده هناك اما في الشتاء ما ادري كيف بيكون الجو وكمان الخضار |
اقتباس:
قدمت الرحله الى الصيف مارس وش رايك الغي كرايستيرش واضيف بدالها دنيدوين ورحلة القطار |
راح تنبسط والاجواء روعه شوف اللي يناسبك بس من توزيع الايام وتخطيط البرنامج صح راح تستمتع دنيدن مازرتها بس اتوقع انها افضل من كرايستش |
اقتباس:
باْذن الله بخطط الجدول والتصميم النهائي وما استغني عن استشارتك بالنسبه للوقود هل سعره غالي عندهم أو لا وهل تنصحني من السعوديه احول 1000 دولار وبعدين أحوله لدولار نيوزلندي طبعا كاش من غير البطاقات الائتمانيه |
تحت الخدمة في اي وقت ياباشه سعر البنزين والله ناسي كم سعر التر بس يعتبر غالي الكاش ضروري مع ان هناك كلش تقدر تحاسب بالبطاقة الائتمانية |
| الساعة الآن 03:00 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO