|
مساعدة في ترتيب الجدول السلام عليكم ورحمة الله وبركاته رمضان مبارك على الجميع انا مسافرة ان شاء الله في جولاي على استراليا و حابة اروح سدني وملبورن وجولد كوست وعندي تقريبا شهر فكيف اقسم الايام ؟ بحيث يكون فيه وقت للتسوق ما اتعب في التنقل بالوزن والشنط فكرت ب سدني ثم جولد كوست ثم ملبورن بس كم عدد الايام المناسب ؟ الله يعطيكم العافية شاكرة لكم |
ماشاء الله شهر الافضل يكون الوصول برزبن اعتقد الاماراتية تنزل هناك 2 برزبن 10 ايام قولدجوست اسبوع سيدني بقية ايامك مالبورن او عكس مالبورن برزبن قولدكوست سيدني نفس توزيع الايام فوق واما التسوق في استراليا غير مغري في سيدني شارع جورج هو المكان الافضل للتسوق |
اقتباس:
يعني شهر كثيرة ؟:20: طيب كم يكفي لك مدينة بحيث ما يكون فيه ملل ؟ |
وعليك السلام ورحمة الله وبركاته علينا وعليك يارب توصلون بالسلامة إن شاء الله وسفرة جميلة شهر فترة طويلة وممكن تزوري أماكن زيادة على اللي ذكرتيها عموما الاماراتية توصل على سيدني وملبورن وبرزبن .. ممكن تكون بدايتكم في ملبورن أو برزبن ( جولد كوست ) وسيدني تكون بالنص من رايئ طالما الفترة طويلة ممكن تجربون تسافرون من سيدني إلى الجولد بالسيارة ( الكوست رود ) < طريق الساحل ممتع بصراحة أيضا في استراليا شركات تأجر كرافانات وسيارة فان للتنقل والنوم بسعر رمزي ( دولار واحد فقط ) طبعا يسون هالحركة لما يبغون ينقلون السيارة من مدينة إلى مدينة يعطونها اي زبون يوصلها بدولار ويعطونه مهلة كم يوم فكرة جميلة طالما عندكم وقت وتجربة فريدة من وجهة نظري وأماكن الكرافانات موجودة على طول الطريق لا تشيلون هم عموما هذا اقتراح والرأي لكم النقطة الثانية : الأفضل ولاية كوينزلاند ( الجولد + برزبن ) تقضون اكثر فترة فيها .. ممكن أسبوعين حلوين :74: بحكم انها الولاية السياحية في استراليا + جوها معتدل غالبا بعكس ملبورن وسيدني اللي بتكون باردة شوي في كوينزلاند ممكن تروحون ( الجولد + برزبن + سان شاين كوست + نوسا ) < هذه كلها جنب بعض أيضا في جزر بين الجولد والسان شاين ممكن تروحون لها أيضا إذا بتروحون بالسيارة من سيدني إلى الجولد في مدينة صغيرة اسمها Byron Bay جميلة ليوم أو يومين بالكثير وممكن تروحون لها من الجولد بالسيارة ( تبعد ساعة وحدة فقط ) وفيها ابعد نقطة في الساحل الشرقي الأسترالي يمكن كلامي مو مرتب وكتبته على عجاله ان بغيت شئ حاضرين .. موفقين يارب |
بالنسبة للتسوق مثل ماقال الأخ فارس التسوق غير مغري الا إذا بتروحون للاوت لت ( الماركات المخفضة ) عندك في ملبورن، سيدني و برزبن سوق اسمه DFO ( في برزبن فيه فرعين روحو اللي عند المطار اكبر وأفضل ) طبعا مو بالضرورة تروحون لها كلها بحكم ان البضائع تتشابه كثير ( واحد منها يكفي ) وفي الجولد موجود Harbour town.. هذه بالنسبة للاوت لت ويسون خصومات حلوة على مدار السنة ممكن تروحون للأسواق هذه أما الأسواق الثانية ماشوف اسعارها مغرية |
الله يعطيك العافية panadol night ماقصرت اجمعتوا ان المدة طويلة طيب برايكم اخليها الوصول برزبن 10 ايام بعدها 5 ايام في سدني ثم 7 ايام في ملبورن ؟ |
الله يعافيك يارب بصراحة تختلف من شخص إلى شخص اخر واهتماماته بالسفر انا عادتي ماحب أطول بنفس المدينة أو المكان وأحب اشوف شئ جديد اذا حابين ترتاحون هذا شئ ثاني انا من رايئ .. ملبورن ( ستة أيام ) وبعدها طيارة على سيدني ( ستة أيام ) وبعدها طيارة إلى الجولد كوست الجولد = خمس أيام North Stradbroke Island = جزيرة ليوم واحد Sunshine Coast + Noosa = يومين إلى ثلاثة أيام برزين = يومين إلى ثلاثة أيام الأماكن اللي فوق كلها جنب بعض وابعد مكان فيها ساعتين بالسيارة تقريبا ممكن تستأجرون سيارة من سيدني وتمشون مع خط الساحل وتأحذونه على يومين وتخلصون من الأماكن السياحية اللي فوق وتسلمون السيارة في برزبن أو أول ماتوصلون الجولد تستأجرون سيارة وتسلمونها في برزبن قبل مغادرتكم أستراليا لانه من وجهة نظري أفضل يكون معاكم سيارة في كوينزلاند ( آذا بتستأجرون سيارة احرصو على انه تكون في مواقف بنفس الفندق أو قريب منه حتى لو كانت برسوم يومية مثلا بعشرة أو عشرين دولار ولا توقفون برا ويكون غالي عليكم ) اذا مو حابين خيار السيارة في قطار من وإلى برزبن - الجولد تقريبا القطار شغال إلى الساعة ظ،ظ، بالليل < والسعر للشخص بالاتجاه الواحد ثمانية دولار استرالي = عشرين ريال تقريبا الجزيرة والسان شاين والشلالات اللي بالجولد ماعرف اذا تقدرون توصلون لها بالقطار أو لا |
^ سويت تحديث للرد |
انا بعطيك خطتي حق سفرة هالصيف لاستراليا: 4 ليالي ملبورن 6 ليالي كيرنز (شمال شرق استراليا) لهواة الطبيعه والرحلات 8 ليالي قولد كوست 4 ليالي سدني ------------ ممكن تزودين ليلتين في ملبورن وقولد كوست وليله في سدني اذا حابه، يطلع المجموع شهر. طبعا الطيران بالاماراتيه الى ملبورن والعوده من سدني |
^^ ياسلام عليك .. كيرنز حلوة بس غريبة ماشفت ناس كثير بالمنتدى يتكلمون عنها جدولك بصراحة جميل .. توصلون بالسلامة |
يبدو ان الاخ بندول خبير في استراليا وكذلك الاخ ابوفيصل كيرنز بعيده جدا عن خط مساركم ثلاثة اسابيع مناسبة جدا إلا اذا تبون الراحة والاستجمام اما الانشطة السياحية 5 ايام مالبورن تكفيها وكذلك سيدني 5-6 ايام وقولدكوست وبرزبن باقي ايامك لو تبين شهر اسبوع مالبورن واسبوع سيدني وباقي الايام قولدكوست والاماكن اللي ذكرها بنادول تجربة السيارة حلوة من سيدني الى قولدكوست القولدكوست نصيحة لاتسكني بفندق اسكني شقة افضل خاصة اذا ايامك طويلة هناك رحلة ممتعه وسعيدة ان شاء الله |
وعليكم السلام ورحمة الله وبركاته علينا وعليك وعلى جميع الأعضاء ، رأيي سديد وأتمنى لك التوفيق في سفرتك الى أستراليا. :e11e: |
اقتباس:
حبيبنا فارس مالنا غنى عنك ~ أنا طال عمرك متواجد في أستراليا .. بلد جميل بصراحة ولي في أغلب المدن هنا ذكريات حلوة وأصحاب وناس طيبة من وجهة نظري فكرة التنقل بالسيارة من سيدني إلى الجولد بتكون ممتعة خاصة وان الساحل الشرقي الأسترالي يعتبر من أهم الوجهات السياحية في القارة الأسترالية لكن بعض الناس ترتاح بالتنقل بالطائرة |
اقتباس:
اقتباس:
من ردودك كنت حاس انك في استراليا او عشت فيها فترة دراسة اتمنى لك التوفيق وحنا اللي مالنا غنى عنك اخوي بنادول نستفيد منك الكثير خاصة انك مقيم هناك واكيد المامك وخبراتك بالبلد تفوق خبرات من زارها مره او مرتين او قرأ عن البلد شكرا لتواجد هنا وخليك قريب مانستغنى عنك :e032: |
افتوني مأجورين ؟؟ بعد التحية والسلام ما ا نصحك التسوق في استراليا غالي و مو ذاك الزود انا بأذن الله ابخلي برجعتي الترانزيت ياماليزيا او هونج كونج علشان التسوق والله ييسر اموركم ويسر رحلتكم |
اقتباس:
بس هل حيكون شهر جولاي الجو مناسب بما انه شتاء |
اقتباس:
الله يعطيك العافية |
اقتباس:
نعم ان شاء الله حتكون تقريبا 20 يوم وبالنسبة للشقق نعم افضل بكثير في جولد كوست بس هل عندك ترشح مكان معين لاني احترت صراحة |
اقتباس:
|
اقتباس:
انا ارحت ماليزيا كوالامبور ولنكاوي قبل سنتين بس للاسف ماعرفت للاماكن الجيدة وفكرة حلوة ماشاء الله انك تستغل الترانزيت |
اقتباس:
ولكن ولاية كوينزلاند تعتبر دافئة شوي مو مثل المدن بجنوب استراليا يعني أنتي وحظك اذا صادف أسبوعك الجو دافئ أو لا مشكلة المدن الساحلية هناك الهواء .. اذا كان مافي هواء ممكن تكون الأمور طيبة إن شاء الله إن شاء الله بعدين بعطيك المناطق والأماكن اللي يفضل زيارتها في برزبن |
اقتباس:
السنتر في الجولد منطقة Surfers Paradise اذا سكنتي في السيرفس برادايس كل شئ بيكون حولك الشاطئ + الفعاليات + المحلات + برج Q1 كلها في السيرفس برادايس الملاهي مثل دريم وورلد وطقتها تقريبا بالسيارة نص ساعة بالكثير من هناك |
اقتباس:
الله يعطيك العافية يارب ماتقصر |
اقتباس:
صحيح كيرنز والمناطق المحيطة جميله كطبيعه ومغامرات ورحلات، عشت فيها شهرين قبل 17 سنه تقريبا والحين ماخذ الاولاد لها. اذكر كنت العربي الوحيد اللي في المدينه كيائح وحتى معهد اللغه بذاك الوقت بقولون انت اول عربي يجينا وبعد فتره اكتشفت انه فيه مصري عنده محل انترنت ولبناني ما يتكلم عربي عنده مطعم :) |
بالتوفيق يارب |
السلام عليكم ورحمة الله وبركاته أسف جدا على التأخير، كنت مسافر ونسيت الموضوع للأسف لكن أتمنى إنك للأن مازرتي برزبن عموما في برزبن عندك المناطق التالية: منطقة السيتي وماجاورها ( في يوم واحد ممكن تزورونها كلها ) مثل : Queen St, Brisbane City QLD 4000 South Bank Parklands, South Brisbane QLD 4101 Kangaroo Point —————————— مطل على المدينة والنهر ( الدخول فري ) وموجود كوفي فوق : Brisbane Lookout, Mt Coot-tha, 1012 Sir Samuel Griffith Dr, Mount Coot-Tha QLD 4066 شارع المطاعم ( eat street ) ومايفتح غير في الويكند Eat Street Northshore, 221D MacArthur Ave, Hamilton QLD 4007 طبعا تقدرون تروحون له بالفيري ( البطاقة نفسها حقت النقل العام ممكن تستخدمون الفيري فيها ) تروحون له من محطة الساوث بنك حديقة حيوانات وتقدرون تلتقطون الصور مع الكانجر والكوالا Lone Pine Koala Sanctuary, 708 Jesmond Rd, Fig Tree Pocket QLD 4069 طبعا ممكن تروحون الحديقة وبعدها باوبر تطلعون على المطل حق الجبل لانها تقريبا بنفس الاتجاه رحلة سعيدة وموفقة يارب .. عندي اجازة الان ومتواجد الان في برزبن والأجواء ولا أروع بصراحة |
| الساعة الآن 04:33 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO