![]() |
مخطط سفر إلى السويد والدنمارك السلام عليكم ورحمة الله وبركاته الأعضاء المسافرون الكرام,, انا إن شاء الله مسافر في اوغست ,,وحاليا المخطط 17 يوم مابين السويد والدنمارك,, بالنسبة للسويد حاب ازور ستوكهولم ومدينة في اقصى جنوب السويد اسمها سكين skane اما الدنمارك فماعرف عنها إلا كوبنهقن,, أستفدت كثير من مشاركات الأستاذ فارس من خيال,, عندي بعض الاستفسارات: هل من الممكن اضيف النرويج إلى الرحلة؟ أحد عنده معلومات عن مدينة سكين؟ وهل تستاهل الزيارة؟ انا مو من هواة المدن وإنما احب الحياة الريفية والمناظر الطبيعية ملاحطة: التذاكر محجوزين مسبقا من وإلى ستوكهولم,, |
عليكم السلام وحياك الله ياحمزة مدينة سكين اول مره اسمع فيها بس شوف تقرير النمر مثبت ع البوابة يمكن مر عليها انا اقترح عليك كنسل سكين ووروح للنرويج 3 ايام ستوكهولم 9 ايام النرويج - اوسلو يومين +جيرانجر 3ايام + بيرغن 4 ايام ومن بيرغن تزور قرية فلام وفوس 3 ايام كوبنهاجن اخر يومين ستوكهولم ---------- ملاحظة النرويج يبيلها سيارة |
عليكم السلام وحياك الله ياحمزة الله يحييك اخوي ومشكور على الرد السريع مدينة سكين اول مره اسمع فيها بس شوف تقرير النمر مثبت ع البوابة يمكن مر عليها ماقدرت الاقي تقرير النمر ياليت تحط لي الرابط هنا,,, انا اقترح عليك كنسل سكين ووروح للنرويج 3 ايام ستوكهولم 9 ايام النرويج - اوسلو يومين +جيرانجر 3ايام + بيرغن 4 ايام ومن بيرغن تزور قرية فلام وفوس 3 ايام كوبنهاجن اخر يومين ستوكهولم بالنسبة للتنقلات مابين السويد والنرويج والدنمارك ومن ثم الرجوع إلى السويد افتراحك قطار او طيارة؟ لاني سامع السفر بالقطار متعة في اوروبا,, ---------- ملاحظة النرويج يبيلها سيارة السيارة إن شاء الله مافي مشكلة,, أهم شي الجي بي اس يشتغل :32: |
اهلين اخوي حمزه اما ماتعرف وين مثبت موضوع النمر ههههههه طيف شوف موضوعك هو المواضيع اللي فوقه مثبته في اول البوابه >>يعني اول ماتدخل ع بوابة الدول الاسكندانافية اول مواضيع في الصفحه مكتوب جنب الموضةع مثبت بالاحمر هذا الرابط ولايهمك http://www.arabtrvl.com/vb/t7606.html اقتباس:
في النرويج ضروري السيارة من بيرغن الى كوبتهاجن والعوده الى ستوكهولم طياره والاسعار لو تحجز من الحين ماراح تكلفك من 1000 الى 1500ريال لكل المسارات ضروري الجارمن لا تعتمد ع الجوال مع انو يوفي بالغرض |
ههههه مشكوور عالرابط كنت ادور على اسم النمر بالعربي وطلع بالانجليزي :1: اخوي بالنسبة لحجز القطار هل تعرف مواقع اقدر احجز منها؟ انا بحثت ولقيت هذا الموقع https://www.sj.se وبالنسبة للمخطط انا هذي سكين نفسي اشوفها وداخلة مزاجي هههه,, فيمكن اروحها بدل كوبنهاجن وهذا صورة لها من قوقل https://www.discover-the-world.co.uk...74cdde3249.jpg |
ماقصر مشرفنا أبو راكان موفق يا حمزه صحيفة نيويورك تايمز اختارت سكين السويد من ضمن 10 وجهات يفضل زيارتها خلال عام 2016 |
ممكن تزور موقع الحجاره اللي في الصوره واعتقد الموقع اسمه Ales Stenar في Kaseberga وقريب من كوبنهاجن المسافة تقريبا 110كم يعني خلال ساعه توصل له سكين قبل فتره قرأت عنها وجنوب السويد بصفه عامه يستحق الزياره وفي القريب باذن الله ازور هالاماكن وكذلك يمكنك الاطلاع اكثر من خلال الرابط تحت من موقع اترب ادفايزر أنشطة سياحية في سكين Skane County انا اقترح عليك اذا نفسك تزور جنوب السويد (سكين) تحذف من ايام النرويج 3 ايام جيرانجر عشان تختصر المسافات وتكتفي باوسلو وبيرغن والاماكن القريبه منها يعني يصير عندك 3 ايام ستوكهولم يومين اوسلو 4ايام بيرغن وماحولها 3 ايام كوبنهاجن 3ايام سكين اخر يومين ستوكهولم تاجر سياره من اوسلو وتسلمها في بيرغن تطلع طياره على كوبنهاجن تستاجر في اخر يوم من كوبنهاجن سياره وتسلمها في اخر يوم في سكين وترجع قطار الى ستوكهولم من سكين |
ماقصرواء الخبراء بارك الله فيهم اللي اعرفه ان سكين مقاطعه في جنوب السويد من أكبر مدنها مالمو وأصغرها لوند أتمنى ان تكون معلوماتي غلط ويتم تصحيحها لكي نستفيد وإذا كنت من محبين الارياف والطبيعة ولاقصور في خبيرنا فارس فانحن نتعلم منه أشياء كثيره جدولك يبي له تغير إضافات أرياف باقصى مده يومين في كل ريف ناوي تزوره |
ماقصرت يامشرفنا وآسف عالتاخير,,, بالنسبة لكوبنهاقن تابعت بعض التقارير عنها واحس مافي مقارنة بينها وبين أرياف النرويج,, فحاليا ودي الوجهة تكون السويد (ستوكهولم, سكين) والنرويج (اوسلو, بيرغن, جيرانجر) واتفق معاك يا الجوكر كلكم ماقصرتو والف شكر للجميع |
حياك الله يالجوكر منور بوابة اسكندنافيا المشكله حمزه ايامه قليله حمزه كوبنهاجن مدينه مافيها ارياف بس طابع المدينة رائع وبما انك بتروح سكين فالمسافه قريبه حرام ماتزورها حتى لو يوم واحد وانصحك خصص يوم زورها وارجع في نفس اليوم ولا تنسى وقت رحلتك النهار طويل جدا ومنها تشوف طابع بلد ثالث في رحلتك وكمان مالمو ع الطريق مع ان مافيها شيء يستاهل إلا اذا تبي مطاعم عربيه ومشاوي هههههه الاخوان العراقيين والسوريين بكثره هناك موفق ان شاء الله |
الساعة الآن 07:56 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO