|
النرويج والسويد السلام عليكم لي اربع سنوات كل مره ازور المانيا والنمسا وايطاليا وطبعا زرت اغلب اوروبا هذي السنه حابه ازور السويد والنرويج طبعا معنا ثلاث اطفال فالرحله ضروووريه جدا للاطفال احتاج مساعدتكم في ترتيب الرحله |
انا بانتظاركم |
بانتظاركم ياليت تردون علي وتفيدوني خايفه البلد ماتشجع عالسياحه واتمنى استفيد من الجميع وخصوصا اللي جرب هذي الدول |
ابشري اختي تو اشوف استفسارك بكره ارد عليك بس هالدول ماراح تلقين فيها زي الدول اللي زرتيها اذا عشان اطفالك ربما تكون قليله الانشطه للاطفال |
ادخلي التقارير لهذه الدول وراح تستفيدين ان شاءالله مثل هذا التقرير http://www.arabtrvl.com/vb/t7259.html وهذا http://www.arabtrvl.com/vb/t5848.html |
يعطيكم العافيه افادتي التقارير لكن محتاجه ترتيب للرحله وهل اختياري لها سليم احتاج بكج متكامل للرحله ومدتها تقريبا ٢٥ يوم وياليت تفيدوني باجمل الاماكن السياحيه والمتنزهات والحدايق |
اهلا بيك مثل ماتفضل فارس الدول الاسكندنافية عموماً فعاليات الاطفال فيها قليلة و لعل أفضلها السويد في ستوكهولم فيه مجمع كبير اسمه سكانسين skansen و فيه مدينة العاب اسمها قرونا لاند grona land و حديقة حيوانات مع حدائق و متاحف اما اكبر مدينة العاب في السويد فهي lisberg في مدينة gothenburg و هي تبعد عن ستوكهولم ساعة طيران حوالي 500 كلم شوفي مدينة الالعاب هنا Liseberg Amusement Park - Gothenburg, Sweden |
25 يوم كافيه تشوفين أجمل الاماكن في هالبلدان بس مدري كيف بيكون تنقلكم طائره او قطار او تبون تاجرون سياره وهو الخيار الافضل طبعاً وكمان كيف اطفالك عادي مع كثر التنقلات والمسافات الطويله محطة الوصول والمغادره من وين تبون عشان ترتيب وتخطيط برنامج الرحله |
أختي العزيزة noor7 أعيدي النظر في النرويج والسويد نعم البلدين رائعين ولكن المسافات في النرويج بعيدة جداً من مدينة إلى مدينة وخاصة في وجود أطفال فالسفر سيكون مرهق جداً لهم والمسافة من النرويج إلى السويد بالسيارة 766 كيلو = 11 ساعة تقريباً يفضل الاكتفاء بالسويد والتجول في جميع الأماكن السياحية فيها ولكِ حرية الاختيار ودمتي بحفظ الرحمن ورعايته |
اعجبتني فكرتك اختي السفيره وراح اخذ بمشورتك تسلمين الف شكر لك |
اقتباس:
|
اقتباس:
|
انا مااعرف كم اعمار اطفالك بس اطفالي عددهم 3 مثلك الله يحفظهم وحجزت للصيف عالخطوط القطريه ولمده 25 يوم ورحلتي راح تشمل السويد والنرويج ولندن الوصول ستوكهولم والعودة لندن 3 ايام ستوكهولم وبالقطار الى اوسلو النرويج وبجلس بالنرويج ان شاء الله 15 يوم استرخاء ومنها بالطيران النرويجي من بيرغن بالضبط الى لندن |
اقتباس:
السويد تستاهل و جميلة جداً كل حديقة تقريباً فيها مكان لألعاب الاطفال مجاناً عدا أنه سكانسن كبيرة جداً ممكن تخلوها اكثر من يوم و هذا موقع قرونا لاند عشان تتعرفوا على الالعاب Start | Gronalund |
اقتباس:
اطفالي صغار ثلاث سنوات وخمس سنوات والكبيره 11 سنه بنتي عادي كبيره ومراح تتعبني بس البيبيات مايتحملون التنقل اعرفهم فعشان كذا قررت عالسويد لو حبينا نروح مكان ثاني احتمال النرويج حاليا احتاج تخطيط للسفره والاماكن السياحيه غير المتاحف انا مالي بالمتاحف ابغي اهم الاماكن والبحيرات واذا عندهم اماكن حلوه مميزه للاطفال وبحيرات وين افضل بحيرات فيها حياه وتجمع |
اقتباس:
|
اقتباس:
راح ارفق لك صور عتها من تصويري فيها اكثر من فعالية زي الالعاب و حديقة الحيوانات كم متحف مثل متحف سفينة فازا و هذا لازم تزوريه بس تشوفي السفينة فيها كافية فرقة ابا لو تعرفيها و كافيهات ثانية على البخر ممكن تاخذوا منها رحلات بحرية ممكن توصلوا لها بالفيري و ترجعوا مشي من عند جسر العشاق اللي كله اقفال :32: البلد راح يعجبك كثير |
اقتباس:
|
السلام عليكم معليش تاخرت في الرد والاخوان والاخوات ماقصرو يمكن نورو عليك شوي ببعض المعلومات او النصائح ----------------------- طبعا انا رأيي يختلف عنهم ووجهة نظري غير واتمنى اني افيدك اختي نور اولاً 25 يوم كلها بالسويد راح يجيكم ملل وطفش وحرام ماتستفيدو من زيارة بلد ثاني وخاصة ان عدد الايام كثير ويكفي لزيارة بلدين اعتبرها من اجمل بلدان اوروبا وخاصة طبيعة النرويج لاتفوت في وقت رحلتكم لانو هذا أجمل وانسب وقت لزيارة البلد ثانياً افتراضأ ان زيارتك اقتصرت ع السويد فقط هل بتكون الزيارة لـ ستوكهولم فقط او بتزورين مناطق اخرى في السويد زي الجنوب او الشمال اذا فقط زيارتك لمدينة ستوكهولم والمناطق القريبه منها راح تتمللين من اول اسبوع لانو خلاص كل الاماكن راح تزورونها وباقي ايامك راح تتحسفين عليها وتندمين وتتمنين العوده لديرتك ولو حبيتي تنوعي بزيارتك السويد مثلا يكون تنقلكم الى الجنوب او الشمال هنا المسافات راح تكون طويلة ايضاً واقل مسافة بالساعات مثلا من ستوكهولم الى يستاد او مالمو او غوتنبرغ ماراح تقل عن 7 الى 8 ساعات بالسيارة ولو اتجهتي للشمال المسافات راح تكون ابعد ثالثاً النشاطات السياحية بصفه عامه في دول اسكندنافيا وخاصة للاطفال قليلة جدا مقارنة بدول اوروبا الاخرى زي وسط وغرب اوروبا رابعا من يرغب زيارة الدول الاسكندنافية وخاصة النرويج فحتما مايبحثون عنه هي الطبيعه والاسترخاء بين احضانها والمناظر الخيالية التى وهبها الله لتلك البلاد الفاتنه ------------------------ انصحك بزيارة السويد والنرويج بما انك وصلتي هناك وعندك عدد ايام كافية لزيارتها خصصي 4-5 ايام ستوكهولم ولو مصرين ع السويد اضيفي 5 ايام اخرى لجنوب السويد وعشان المسافة طويلة ومتعبه للاطفال اطعلو طيران من ستوكهولم الى مالمو ومن مالمو تاجرون سيارة وكذلك فرصة لتخصيص يوم وزيارة كوبنهاجن فهي قريبه جدا من مالمو اقل من ساعه فالمدينة طابعها مبانيها مميزه ومنها تستفيدون زيارة بلد ثالث في رحلتكم ويمديكم تروحون وترجعون في نفس اليوم بما انها قريبه باقي ايامك تكون نرويجيه واذا غيرتي وجهتك نخطط لك برنامج يكون مريح ع الاطفال وعليكم ------------------------- انا زرت اكثر من 10 بلدان اوروبية سياحية من الدرجة الاولى من ايطاليا وصولا الى لندن والدول اللي بينها وكمان زرت الثلاث دول الاسكندنافية الاجمل السويد-الدنمارك-النرويج صحيح لم ازور كل مناطقها ولكن قراءة عنها الكثير وعندي خلفيه كامله من خلال اطلاعي على هذه البلدان وهذي وجهة نظري وانتي صاحبة الشان فالقرار الاول والاخير لك حددي خياراتك وانا والاخوان أن شاء الله ماراح نقصر معاك |
اقتباس:
|
اقتباس:
|
حابه تفيدوني بافضل المناطق وافضل حي للسكن في ستوكهولم |
هلا ومرحبا بك أختي الغالية noor7 أفضل حي للسكن في نورمالم " Norrmalm " في العاصمة وهو الحي العصري والحديث في وسط المدينة وبالقرب منه محطة القطارات الرئيسية وفيه فنادق مميزة وفيه عدة شوارع للتسوق ومولات ومطاعم متنوعة وحفظك الله وأسعدك ورعاك |
اقتباس:
حابه اسالك عن هذا السكن اذا عندك خلفيه عنه Biz Apartment |
ياليت تفيدوني بشقق فندقيه مناسبه الله يجزاكم خير |
اقتباس:
العفو ربي يعافيك أختي الغالية نور من خلال بحثي عن الفندق وجدت أنه مكان مناسب للعائلات ولكن وجبة الإفطار متكررة كل يوم أنصح بعدم الحجز مع وجبة الافطار والشقة مجهزة بكل ما يلزم وتعامل الموظفين رائع ******** ويوجد كذلك فندق ايلايت ايدن بارك هوتيل الفندق فخم ومطل على حديقة كبيرة ورائعة اسمها Humlegarden وسعره تقريباً من 600 ، 800 وإلى" 1000 ريال شامل الافطار لجونيور سويت " تقييم الفندق 10 من 10 موقع وخدمة وافطار أكثر من رائع وبجانب الفندق يوجد عدة مطاعم ومقاهي وسوبر ماركت وأسواق والمطعم المغربي وبجانبه Vapiano مطعم وكافيه محلي يقدم وجبات سناك نرويجية وسويدية لذيذة ومتميزة أتمنى لك الفائدة وحفظك الله وأسعدك ورعاك |
اقتباس:
|
الفندق هذا سكنت فيه موقعه رائع كل المطاعم حولك و كل شي مشي و قدامه حديقة جميلة فيها العاب اطفال الباص يوقف قدام الباب شيكوا اسعاره موقعه ممتاز او دوروا حوله المنطقة جميلة |
السلام عليكم اختي نور السويد أجمل مافيها ستوكهولم كمدينه وتشتهر بموقعها على ارخبيل وكذلك كثر القنوات المائية فيها 5 ايام تكفي لزيارة المدينة واستكشافها وهنا روابط راح تفيدك اكثر عن المدينة والجولات السياحية فيها كل الروابط باللغه العربية عدا الرابطين الاخيره موقع سويدي واول رابط بحطة خاص بالاطفال وان شاء الله تستفيدي منه ماذا تفعل بصحبة الأطفال في مدينة ستوكهولم وهذا رابط من موقع ترب ادفايزر للملاهي مدن الملاهي في ستوكهولم الرابط الرابع اماكن التسوق في المدينة وعند فتح الرابط يمكن اختيار اماكن التسوق من الايقوانات فوق مثل اسواق فاخره او المعتدله او الرخيصه وكذلك محل التذكارات والاماكن المقترحة أماكن التسوق في ستوكهولم واخر رابط رحلات يومية في ستوكهولم من موقع سويدي موضح فيه حتى اسعار الرحلات وراح يفيدكم كثير مع العلم أن يمكنكم حجز الرحلات من خلال هذه الموقع رحلات يومية في أرخبيل ستوكهولم وعلى مالارين البحيرة الرابطين الاخيره للموقع السويدي اذا كانت لغتك الانجليزية ضعيفه يمكن الاستعانة بمتصفح قوقل كروم لترجمة الصفحة كامله او متصفح الفاير فوكس بعد اضافة تطبيق S3.Google Translator لترجمة النصوص، سواء كانت كلمات أو جُمل أو حتى صفحة ويب بالكامل من أي لغة إلى أي لغة أخرى وبعد اضافة التطبيق اختاري من الماوس كلك يمين واختاري ترجمة الصفحه رابط لمدينة استوكهولم من موقع ترب ادفايزر من خلالة تعرفين تقييمات السياح للانشطه السياحية أنشطة سياحية في ستوكهولم Stockholm هذا كل شي عن مدينة ستوكهولم واتمنى الفائدة لك وللاعضاء الكرام وبكذا انتهينا من ستوكهولم ---------------------------- 5 ايام اخرى في السويد تقضونها في الجنوب السويدي وفي الرد القادم راح اعطيك كل الاماكن هناك وتوزيع الايام ويكون انتقالكم من ستوكهولم اما قطار او طائره على حسب اختيارك مع ضرورة ايجار سيارة في جنوب السويد وباقي 15 يوم من رحلتكم راح تكون ايامها من نصيب النرويج بس بناخذ الاماكن بالترتيب على حسب رغبتك ومع ان الوقت لسى بدري فاعتذر لو طولت عليك في بعض الردود والله لي اكثر من اسبوع مشغول ولسى ما انتهيت بس بكون متابع وان شاء ماتسافرين إلا وانتي راضية وعارفة كل الاماكن والبرنامج السياحي لرحلتكم |
اقتباس:
الف الف شكر معلومات بقمة الافاده والروعه الله يجزاك خير |
اقتباس:
|
اقتباس:
ردك هذا بيفيد الكثيرين ولو كتبته بموضوع جديد يكون احسن عشان يستفيد منه الكل ولك مني اجمل تحية |
اقتباس:
جاري العمل على موضوع شامل عن السويد والدنمارك والنرويج بس اخلص من جمع المعلومات مع الصور وان شاء الله راح يفيد كل السواح للدول الاسكندنافية بس اصبرو علي شوي هالفتره مشغول والله |
اقتباس:
بس عندي طلب ياليت تفيدني بالشقق الفندقيه وتكون اسعارها معقوله والمنطقه تكون مميزه تعبت وانا ابحث مالقيت والله يجزاك خير |
شوفي هالشقق ممكن تناسبكم والاسعار لاباس فيها وكل التقييمات ممتازه شقق سيتي ستوكهولم شقة بيس ياردت شقق سكاي الفندقية |
اقتباس:
اعتذر والله ثقلت كثير :26: لكن الشقق كلها محجوزه اللي تنفع للعائلات مع اطفال المواقع مره عجبتني بس حرام مش متوفره بتفس التواريخ |
اقتباس:
يوجد شقق اخرى بس مواقعها بعيده عن سنتر المدينة ليش ماتاخذين فندق وانصحك لو حصلتي شيء يناسبك احجزي على طول اذا كان الالغاء مجاني وبعدين اختي لاثقلتي ولاشيء حنا تحت خدمتك انتي وجميع الاعضاء باللي نقدر علية وخذي راحتك وكذلك يوجد اعضاء جيدين وراعين خبرات لو مرو من هنا اكيد ماراح يقصرون وراح يساعدونك وانا اولهم حتى لو ماكنت مشرف البوابة |
اقتباس:
بالنسبه للفنادق ماعندي مشكله وحت لو شويه بعيده عن السنتر عادي اهم شي السعر معقول المكان واسع نوعا ما مايكون ضيق ومافي تنفس معنا ثلاثة اطفال يحتاجون شوية سعه وبرضو احب المنطقه تكون مؤهله من مطاعم وخدمات وفيها نوعا ما حياه ماتكون مرررره هاديه ولا مزعجه |
ماشاء الله ماقصرو الاخوان كلهم جزاهم الله خير ابدعو والله بالرغم من التقارير والمعلومات الشحيحه في جميع المواقع جزاكم الله خير جميعا ياهلا ومرحبا اختي نور ان شاء الله استفدتي من المعلومات والنصايح اذا تسمحون ادلو بدلوي معاكم ونخوض معاكم بالمعركه الاسكندنافيه اختي نور بالنسبه لسفرتج يعني الغيتي النرويج !! بالرغم ان معكم اطفال انا مع راي مشرفنا الاسكندنافي ان 25 يوم كثيره على السويد والنرويج كطبيعه روعه من شلالات وبحيرات واجواء رائعه ممكن يكون المخطط على اساس التوقف بمدن مابين البلدين على اساس ماتكون المسافات طويله وتقسمون المده مابين السويد والنرويج وممكن نحدد لج مناطق للأستراحه لتقليل المسافات الطويله والرأي با الاول والاخير لج بالتوفيق |
اقتباس:
وحابه يكون المكان فيه الخدمات من مطاعم وحديقه قريبه مثلا وماركات وبرضو يكون السكن مؤهل للاطفال طبعا والسعر ضروري يكون معقول ياليت برضو تفيدني بسكن بالنرويج والف شكر على رحابة صدركم جميعا |
| الساعة الآن 06:13 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO